Latest chennai super kings News

ஐபிஎல் கிரிக்கெட்டில் சென்னை சூப்பர் கிங்ஸ் அணி செய்த மோசமான சாதனை.. 10 மேட்ச்களில் தோல்வி

paragraph

இந்த வருடம் பேட்டிங் மற்றும் பந்துவீச்சு இரண்டிலுமே சென்னை சூப்பர் கிங்ஸ் மோசமான ஆட்டத்தை வெளிப்படுத்தியுள்ளது. காயம், தொடர்ச்சியின்மை, அதிரடி பவர் இல்லாமை - இவை அனைத்தும் சிஎஸ்கே-வின் வீழ்ச்சிக்கு காரணமாயின.

ஐபிஎல் 2025: சென்னையில் முதல்முறையாக சிஎஸ்கேவை வீழ்த்திய ஐதராபாத்.. ஆட்டநாயகன் யார்? நேற்றைய மேட்ச்சின் ஆக்ஷன் க்ளிக்ஸ்

ஐபிஎல் 2025: 155 ரன்கள் இலக்கை நிர்ணயித்த சிஎஸ்கே இந்த மேட்ச்சிலும் மோசமான பேட்டிங்கை செய்தது. பெரிய ஸ்கோர் இல்லாத காரணத்தால் எளிதில் வெற்றியை ருசித்தது சன்ரைசர்ஸ். இந்த மேட்ச்சின் சில போட்டோஸ் இதோ.

ஐபிஎல் 2025: சிஎஸ்கேவில் குர்ஜப்நீத் சிங்கிற்கு பதிலாக வந்த டெவால்ட் ப்ரெவிஸ் யார்?

ஐபிஎல் 2025: சிஎஸ்கே அணி தென்னாப்பிரிக்க இளம் வீரர் டெவால்ட் பிரெவிஸை ஐபிஎல் தொடரின் நடுவில் ஒப்பந்தம் செய்துள்ளது. அவர் குறித்து அறிவோம் வாங்க.

ஆறு ஆண்டுகளுக்கு பிறகு ஆட்ட நாயகன் விருது.. ஐபிஎல் வரலாற்றில் முதல் முறையாக தனித்துவ சாதனை புரிந்த தோனி! என்ன தெரியுமா?

MS Dhoni Record

<ul><li>லக்னோ சூப்பர் ஜெயண்ட்ஸ் அணிக்கு எதிரான கேமியோ இன்னிங்ஸை வெளிப்படுத்திய தோனி, ஐபிஎல் 2025 தொடரில் சிஎஸ்கே அணி இரண்டாது வெற்றஇ பெற முக்கிய காரணமாக அமைந்தார். பழைய பாணி ஆட்டத்தை வெளிப்படுத்தி ஃபினிஷ் செய்த தோனி 6 ஆண்டுகளுக்கு பிறகு ஆட்டநாயகன் விருதையும் வென்றார்</li></ul>

ஐபிஎல் 2025: ராஜஸ்தான் மேட்ச்சில் தோற்றாலும் ரசிகர்களின் இதயத்தை வென்ற எம்.எஸ்.தோனி! -அப்படி என்ன செய்தார்னு பாருங்க

ஐபிஎல் 2025: சென்னை சூப்பர் கிங்ஸ் அணி 6 ரன்கள் வித்தியாசத்தில் ராஜஸ்தான் ராயல்ஸ் அணியை வீழ்த்தி ஐபிஎல் 2025 தொடரில் முதல் வெற்றியை பதிவு செய்தது. போட்டி இருந்தபோதிலும், காயமடைந்த ராகுல் டிராவிட்டிடம் தோனி காட்டிய நெகிழ்ச்சியான சைகை இதயங்களை உருக்கியது.

ஐபிஎல் 2025: 43 வயதிலும் அசத்தல்! தோனியின் அசாத்திய சாதனைகள் பற்றி உங்களுக்குத் தெரியுமா?

MS Dhoni IPL Records

<ul><li>MS Dhoni IPL Records: ஐந்து ஆண்டுகளுக்கு முன்பு சர்வதேச கிரிக்கெட்டில் இருந்து ஓய்வு பெற்ற மகேந்திர சிங் தோனி, ஐபிஎல் தொடரில் தொடர்ந்து சாதனை படைத்து வருகிறார்.</li></ul>

'தோனிக்கு என்ன மாதிரியான அணி கிடைச்சிருக்குன்னு பார்த்துட்டு கேப்டன்ஷிப்பை மதிப்பிடணும்'-அதுல் வாசன் கருத்து

<p>‘தோனிக்கு என்ன மாதிரியான அணி கிடைச்சிருக்குன்னு பார்த்துட்டு கேப்டன்ஷிப்பை மதிப்பிடணும்’ என முன்னாள் கிரிக்கெட் வீரர் அதுல் வாசன் கருத்து தெரிவித்துள்ளார்.</p><p>சென்னை சூப்பர் கிங்ஸ் அணிக்கு ஐபிஎல் 2025 மிகவும் மோசமாக இருந்தது. 5 முறை சாம்பியன்ஷிப் வென்ற அணி புள்ளிகள் பட்டியலில் கடைசி இடத்தில் இருக்கிறது. ஐபிஎல் போட்டியின் நடுவில் நிரந்தர கேப்டன் ருதுராஜ் கெய்க்வாட் காயம் காரணமாக வெளியேறியதால், மகேந்திர சிங் தோனிக்கு கேப்டன்ஷிப் வாய்ப்பு கிடைத்தது. கேப்டன் மாறினாலும் அணியின் நிலைமை மாறவில்லை. சமூக வலைத்தளங்களில் கிரிக்கெட் ரசிகர்கள் தோனி ரிட்டையர் ஆக வேண்டும் என்று அறிவுறுத்தினாலும், தோனி தனது மழுப்பலான அறிக்கைகளால் ரிட்டையர்மென்ட் குறித்து சஸ்பென்ஸை உருவாக்கி வருகிறார். இதற்கிடையில், முன்னாள் கிரிக்கெட் வீரர் அதுல் வாசன் அடுத்த ஆண்டும் தோனி ஐபிஎல்லில் விளையாடுவார் என்று கணித்துள்ளார்.</p><h2>'உலகின் சிறந்த ஃபினிஷராகக் கருதப்பட்ட தோனி'</h2><p><strong>மேலும் படிக்க | </strong><a href="https://tamil.hindustantimes.com/cricket/ipl-2025-69th-match-pbks-vs-mi-preview-pitch-report-prediction-read-more-details-131748197589909.html" target="_blank">ஐபிஎல் 2025: டாப் 2 இடத்தை பிடிக்கும் போட்டி! ஜெயிக்கப்போவது யார்? பஞ்சாப் - மும்பை இடையே பலப்பரிட்சை</a></p><p>ஐபிஎல் 2025 போட்டியின் நடுவில் மகேந்திர சிங் தோனி மீண்டும் சிஎஸ்கே அணியின் கேப்டனாக நியமிக்கப்பட்டபோது, அவர் ஏதாவது அற்புதம் செய்வார் என்று அனைவருக்கும் எதிர்பார்ப்பு இருந்தது. ஆனால் அவரது கேப்டன்ஷிப்பிலும், பேட்டிங்கிலும் எந்த சிறப்பும் இல்லை. ஒரு காலத்தில் உலகின் சிறந்த ஃபினிஷராகக் கருதப்பட்ட தோனியின் ஸ்ட்ரைக் ரேட்டில் அவரது வயது அதிகரிப்பின் தாக்கம் தெளிவாகத் தெரிகிறது.</p><p><strong>மேலும் படிக்க | </strong><a href="https://tamil.hindustantimes.com/cricket/ipl-2025-68th-match-kkr-vs-srh-result-srh-beat-kkr-by-110-runs-131748197047955.html" target="_blank">ஐபிஎல் 2025: சன் ரைசர்ஸ் விஸ்வரூப ஆட்டம்.. தோல்வியுடன் சீசனை முடித்த நடப்பு சாம்பியன் கொல்கத்தா நைட் ரைடர்ஸ்</a></p><p>சிஎஸ்கே ஏன் அவரை மீண்டும் கேப்டனாக நியமித்தது மற்றும் அவர் ஏன் விளையாடிக் கொண்டிருக்கிறார் என்பதற்கான பதிலை அவர்களே சரியாகச் சொல்ல முடியும். ஆனால் இதே நிலைமை தொடர்ந்தால், தோனியின் கடுமையான ரசிகர்கள்கூட 'சரி, இனி போதும்' என்று சொல்ல வேண்டியிருக்கும். இருப்பினும், அதுல் வாசனுக்கு 2026 ஐபிஎல்லிலும் தோனி விளையாடுவார் என்று தோன்றுகிறது.</p><h2>'தோனிக்கு என்ன மாதிரியான அணி கிடைச்சிருக்குன்னு பார்த்துட்டு..'</h2>

<p>வாசன் ஓடிடிபிளேயில் உள்ள பெல்ஸ் அண்ட் பேண்டர் ஷோவின் சமீபத்திய எபிசோடில் தோனியின் கேப்டன்ஷிப்பைப் பாதுகாத்தார். அவர், 'ஒரு கேப்டன் எவ்வளவு நல்லவரா இருப்பாருன்னா, அவருக்கு எவ்வளவு நல்ல அணி கிடைக்குதோ அவ்வளவுதான். நான் கிளைவ் லாய்டுக்கு ஜிம்பாப்வே அணியை கொடுத்தா, அவராலும் சரியா செய்ய முடியாது. தோனிக்கு என்ன மாதிரியான அணி கிடைச்சிருக்குன்னு பார்த்துட்டு அவரோட கேப்டன்ஷிப்பை மதிப்பிடணும். அவருக்கு நல்ல அணி இருந்தப்போ, அவர் என்ன செஞ்சாருன்னு நம்ம எல்லாருக்கும் தெரியும். என் கருத்துப்படி, கேப்டன்ஷிப் பல சமயங்களில் ஓவர்ரேட்டட் ஆகிடுது.' என்று கூறினார்.</p><p><strong>மேலும் படிக்க | </strong><a href="https://tamil.hindustantimes.com/cricket/ipl-2025-67th-match-gt-vs-csk-result-csk-beat-gt-by-83-runs-131748180975691.html" target="_blank">ஐபிஎல் 2025: குஜராத் டைட்டன்ஸை கவிழ்த்து விட்ட சிஎஸ்கே.. அபார வெற்றியுடன் இந்த சீசனுக்கு குட்பை</a></p><p>வாசன், ரசிகர்களுக்கான தோனியின் அன்பே அவரை மைதானத்திற்கு இழுத்து வருகிறது என்று கூறினார். அவர் இனி அதிரடி சக்தியாக இல்லை என்பது அவருக்குத் தெரியும், ஆனால் அவருக்கு எதையும் நிரூபிக்க வேண்டிய அவசியமும் இல்லை. வாசன், தோனி ஐபிஎல் 2026ல் நிச்சயமாக விளையாடுவார் என்று நம்புவதாகவும், அவர் சிறந்த ஃபார்மில் இல்லாவிட்டாலும் அல்லது ஃபிட்னஸ் சவால்கள் இருந்தாலும் விளையாடுவார் என்றும் கூறினார்.</p>

மகேந்திர சிங் தோனி எப்போது ஐபிஎல்ல இருந்து ரிட்டையர் ஆகப் போறாரு? அடுத்த வருஷமும் விளையாடுவாரா? சிஎஸ்கே மற்றும் அதன் கேப்டன் தோனியின் ஐபிஎல் 2025ல் ஏற்பட்ட மோசமான செயல்பாட்டிற்குப் பிறகு இதுபோன்ற கேள்விகள் எழுவது இயல்பு.&nbsp;

ஐபிஎல் 2025: குஜராத் டைட்டன்ஸை கவிழ்த்து விட்ட சிஎஸ்கே.. அபார வெற்றியுடன் இந்த சீசனுக்கு குட்பை

<p>ஐபிஎல் 2025 தொடரின் 67வது போட்டி குஜராத் டைட்டன்ஸ் - சென்னை சூப்பர் கிங்ஸ் அணிகளுக்கு இடையே அகமதாபாத் நரேந்திர மோடி மைதானத்தில் நடைபெற்றது. இந்த சீசனில் இவ்விரு அணிகளின் முதல் மோதலாக இருந்து இந்த போட்டி அமைந்திருந்தது. முதல் இடத்தை தக்க வைக்க குஜராத் டைட்டன்ஸ்க்கு கட்டாய வெற்றியை பெற்றாக வேண்டிய போட்டியாகவும் இருந்தது.</p><p>ப்ளேஆஃப் சுற்றுக்கு தகுதி பெற்றிருக்கும் குஜராத் அணியும், ஐபிஎல் வரலாற்றில் முதல் முறையாக புள்ளிப்பட்டியலில் கடைசி இடத்தில் இருந்து வரும் சிஎஸ்கே அணியும் இந்த சீசனில் தங்களது கடைசி போட்டியில் களமிறங்கின.</p><p>சிஎஸ்கே அணியில் எந்த மாற்றமும் செய்யப்படவில்லை. குஜராத் டைட்டன்ஸ் அணியில் வேகப்பந்து வீச்சாளர் ரபாடாவுக்கு பதிலாக கோட்ஸி சேர்க்கப்பட்டிருந்தார்.</p><p>இந்த போட்டியில் முதலில் பேட் செய்த சிஎஸ்கே அணி 230 ரன்கள் குவித்தது. இந்த ஸ்கோரை சேஸ் செய்த குஜராத் டைட்டன்ஸ் ரன்கள் 83 ரன்கள் வித்தியாசத்தில் தோல்வியுற்றது.</p><p><strong>மேலும் படிக்க: </strong><a href="https://tamil.hindustantimes.com/cricket/ipl-2025-67th-match-gt-vs-csk-innings-breaks-csk-sets-231-runs-target-for-gt-131748173352456.html" target="_blank">ஐபிஎல் 2025: சிஎஸ்கே பேட்ஸ்மேன்கள் வானவேடிக்கை.. இந்த சீசனில் அதிகபட்ச ஸ்கோர்</a></p><h2>குஜராத் சேஸிங்</h2><p>முன்னதாக, டாஸ் வென்ற சென்னை சூப்பர் கிங்ஸ் கேப்டன் எம்எஸ் தோனி பேட்டிங்கை தேர்வு செய்தார். மாத்ரே, உர்வில் படேல், பிரெவீஸ் ஆகியோரின் அதிரடியால் சிஎஸ்கே 230 ரன்களை எடுத்தது. இந்த சவாலான இலக்கை துரத்தில் குஜராத் டைட்ன்ஸ் 18.3 ஓவரில் 147 ரன்களுக்கு ஆல்அவுட்டாகியுள்ளது.</p><p>அதிகபட்சமாக சாய் சுதர்சன் 41, அர்ஷத் கான் 20 ரன்கள் எடுத்தனர். மற்ற பேட்ஸ்மேன்கள் பெரிதாக பங்களிப்பு அளிக்கவில்லை. சிஎஸ்கே பவுலர்களில் அன்சுல் கம்போஜ், நூர் அகமது ஆகியோர் தலா 3 விக்கெட்டுகளை வீழ்த்தினர். ரவீந்திர ஜடேஜா 2 விக்கெட்டுகளை கைப்பற்றினார். கலீல் அகமது, மதிஷா பதிரனா ஆகியோர் தலா ஒரு விக்கெட் எடுத்தனர்.</p><h2>பவர்ப்ளேயில் ஆதிக்கம்</h2><p>முதலில் பேட்டிங்கில் பட்டையை கிளப்பிய சிஎஸ்கே அணி, பின்னர் பவுலிங்கிலும் ஆதிக்கம் செலுத்தியது. குஜராத் பேட்ஸ்மேன்களுக்கு ஆரம்பத்தில் இருந்தே நெருக்கடி கொடுத்தனர்.</p><p>பவர்ப்ளே முடிவுதற்குள் மூன்று முக்கிய விக்கெட்டுகளை இழந்தது. சுப்மன் கில் 13, பட்லர் 5, ருதர்போர்டு 0 என அடுத்தடுத்து அவுட்டாகினர். பவர்ப்ளே ஓவர்களில் குஜராத் அணி 3 விக்கெட் இழப்புக்கு 35 ரன்கள் எடுத்தது.</p><p><strong>மேலும் படிக்க: </strong><a href="https://tamil.hindustantimes.com/cricket/ipl-2025-gt-loss-agains-lsg-might-move-them-to-3rd-or-4th-place-in-points-table-says-sanja-bangar-131748074713524.html" target="_blank">ஐபிஎல் 2025: குஜராத் மூன்று அல்லது நான்காவது இடத்துக்கு செல்லும்.. சஞ்சய் பங்கர் கணிப்பு</a></p><h2>சாய் சுதர்சன் - ஷாருக்கான் பார்ட்னர்ஷிப்</h2><p>விக்கெட் சரிவை தடுக்கும் விதமாக தமிழ்நாடு வீரர்களான சாய் சுதர்சன் - ஷாருக்கான் ஆகியோர் இணைந்து பார்ட்னர்ஷிப் அமைத்தனர். இருவரும் இணைந்து நான்காவது விக்கெட்டுக்கு 50 ரன்கள் சேர்த்தனர். 19 ரன்கள் அடித்த ஷாருக்கான் அவுட்டாகி வெளியேறினார்.</p><p>இவரை தொடர்ந்து ராகுல் தெவாட்டியா 14, ரஷித் கான் 12 என சிறிய பங்களிப்பை அளித்தனர். இதற்கிடையே சிறப்பாக பேட் செய்து வந்த சாய் சுதர்சன் 28 பந்துகளில் 41 ரன்கள் எடுத்த நிலையில் அவுட்டானார்.</p><p>கடைசி கட்டத்தில் 3 சிக்ஸர்களை பறக்கவிட்ட அர்ஷத் கான் 20 ரன்கள் அடித்து கேமியோ இன்னிங்ஸை வெளிப்படுத்தினார்.</p><h2>சிஎஸ்கே பவுலர்கள் அபாரம்</h2><p>சென்னை சூப்பர் கிங்ஸ் பவுலர்களில் அன்சுல் கம்போஜ், ஜடேஜா, கலீல் அகமது, நூர் அகமது ஆகியோர் சிறப்பாக பந்து வீசி 6 ரன்களுக்கு குறைவான எகானமியில் பந்து வீசினார்.\</p><p><strong>மேலும் படிக்க: </strong><a href="https://tamil.hindustantimes.com/cricket/ipl-2025-punjab-kings-shocked-after-losing-despite-scoring-more-than-200-runs-placed-in-the-worst-record-list-131748153272893.html" target="_blank">ஐபிஎல் 2025: மோசமான சாதனை.. ஆர்சிபியை பின்னுக்கு தள்ளிய பஞ்சாப் கிங்ஸ்</a></p><p>நூர் அகமது 4 ஓவரில் 21 ரன்கள் விட்டுக்கொடுத்து 3 விக்கெட், கலீல் அகமது 3 ஓவரில் 17 ரன்கள் விட்டுக்கொடுத்து ஒரு விக்கெட் வீழ்த்தியதுடன் இருவரும் அதிகபட்சமாக தலா 12 டாட் பந்துகளை வீசினர். கம்போஜ் 2.3 ஓவரில் 13 ரன்கள் மட்டும் விட்டுக்கொடுத்து 3 விக்கெட்டுகளை எடுத்து 9 டாட் பந்துகளை வீசினார்.</p><p>இந்த சீசனின் 14 போட்டிகளில் 4 வெற்றி, 10 தோல்விகளுடன் 8 புள்ளிகளை பெற்ற சிஎஸ்கே அணி, ஐபிஎல் வரலாற்றில் முதல் முறையாக புள்ளிப்பட்டியலில் கடைசி இடத்தை பிடித்துள்ளது.</p>

<ul><li>பேட்டிங், பவுலிங் என குஜராத் டைட்டன்ஸ் அணிக்கு எதிராக ஆதிக்கம் மிக்க ஆட்டத்தை வெளிப்படுத்திய சிஎஸ்கே அணி, வெற்றியுடன் இந்த சீசனை முடித்துள்ளது. ஐபிஎல் வரலாற்றில் முதல் முறையாக சிஎஸ்கே அணி புள்ளிப்பட்டியலில் கடைசி இடத்தை பிடித்துள்ளது.&nbsp;</li></ul>

ஐபிஎல் 2025: சிஎஸ்கே பேட்ஸ்மேன்கள் வானவேடிக்கை.. இந்த சீசனில் அதிகபட்ச ஸ்கோர்!  குஜராத்துக்கு கடின இலக்கு

<p>ஐபிஎல் 2025 தொடரின் 67வது போட்டி குஜராத் டைட்டன்ஸ் - சென்னை சூப்பர் கிங்ஸ் அணிகளுக்கு இடையே அகமதாபாத் நரேந்திர மோடி மைதானத்தில் நடைபெற்று வருகிறது. இந்த சீசனில் இவ்விரு அணிகளின் முதல் மோதலாக இருந்து வரும் நிலையில், முதல் இடத்தை தக்க வைக்க குஜராத் டைட்டன்ஸ்க்கு கட்டாய வெற்றியை பெற்றாக வேண்டிய போட்டியாக அமைந்துள்ளது.</p><p>இந்த போட்டி தொடங்கும் முன் குஜராத் டைட்டன்ஸ் 13 போட்டிகளில் 9 வெற்றி, 4 தோல்வி என 18 புள்ளிகளை பெற்று தற்போதைய நிலையில் குஜராத் டைட்டன்ஸ் புள்ளிப்பட்டியலில் முதல் இடத்தில் உள்ளது. சென்னை சூப்பர் கிங்ஸ் (சிஎஸ்கே) 14 போட்டிகளில் 3 வெற்றி, 10 தோல்வியுடன் புள்ளிப்பட்டியலில் கடைசி இடத்தில் உள்ளது.</p><p>ப்ளேஆஃப் சுற்றுக்கு தகுதி பெற்றிருக்கும் குஜராத் அணியும், ஐபிஎல் வரலாற்றில் முதல் முறையாக புள்ளிப்பட்டியலில் கடைசி இடத்தில் இருந்து வரும் சிஎஸ்கே அணியும் இந்த சீசனில் தங்களது கடைசி போட்டியில் களமிறங்கியுள்ளன.</p><p>சிஎஸ்கே அணியில் எந்த மாற்றமும் செய்யப்படவில்லை. குஜராத் டைட்டன்ஸ் அணியில் வேகப்பந்து வீச்சாளர் ரபாடாவுக்கு பதிலாக கோட்ஸி சேர்க்கப்பட்டுள்ளார்.</p><p><strong>மேலும் படிக்க: </strong><a href="https://tamil.hindustantimes.com/cricket/ipl-2025-66th-match-punjab-kings-vs-delhi-capitals-match-result-rizvi-fifty-helps-dc-to-beat-pbks-by-6-wickets-131748109735988.html" target="_blank">ஐபிஎல் 2025: 5 சிக்ஸர்கள்.. ரிஸ்வி வேற லெவல் பேட்டிங்.. பஞ்சாப்புக்கு முட்டுக்கட்டை போட்ட டெல்லி</a></p><h2>சிஎஸ்கே பேட்டிங்</h2><p>இந்த போட்டியில் டாஸ் வென்ற சிஎஸ்கே கேப்டன் எம்எஸ் தோனி, பேட்டிங்கை தேர்வு செய்தார். இதையடுத்து முதலில் பேட் செய்த சிஎஸ்கே 20 ஓவரில் 5 விக்கெட் இழப்புக்கு 230 ரன்கள் குவித்துள்ளது. இந்த சீசனில் அதிகபட்ச ஸ்கோரை சிஎஸ்கே அணி குவித்துள்ளது.</p><p>டாப் ஸ்கோர்களாக டெவால்ட் பிரெவீஸ் 57, டேவான் கான்வே 52, உர்வில் படேல் 37, ஆயுஷ் மாத்ரே 34 ரன்கள் அடித்துள்ளனர்.</p><p>குஜராத் பவுலர்களில் பிரசித் கிருஷ்னா 2 விக்கெட்டும், சாய் கிஷேோர், ரஷித் கான், ஷாருக்கான் ஆகியோர் தலா ஒரு விக்கெட்டும் எடுத்துள்ளனர்.</p><h2>மாத்ரே, படேல் மிரட்டல் அடி</h2><p>சிஎஸ்கே ஓபனர் ஆயுஷ் மாத்ரே வழக்கம்போல் அதிரடியான தொடக்கத்தை தந்தார். அர்ஷத்கான் வீசிய ஆட்டத்தின் இரண்டாவது ஓவரில் 3 சிக்ஸர், 2 பவுண்டரி என 28 ரன்கள் விளாசினார் மாத்ரே. 17 பந்துகளில் 34 ரன்கள் எடுத்த மாத்ரே நல்ல தொடக்கத்தை தந்துவிட்டு முதல் விக்கெட்டாக அவு்டடானார். பவர்ப்ளே முடிவில் சிஎஸ்கே அணி ஒரு விக்கெட் இழப்புக்கு 68 ரன்கள் எடுத்தது.</p><p><strong>மேலும் படிக்க: </strong><a href="https://tamil.hindustantimes.com/cricket/ipl-2025-gt-loss-agains-lsg-might-move-them-to-3rd-or-4th-place-in-points-table-says-sanja-bangar-131748074713524.html" target="_blank">ஐபிஎல் 2025: குஜராத் மூன்று அல்லது நான்காவது இடத்துக்கு செல்லும்.. சஞ்சய் பங்கர் கணிப்பு</a></p><p>மூன்றாவது பேட்ஸ்மேனாக களமறிங்கிய உர்வில் படேல் தன் பங்குக்கு அதிரடியை வெளிப்படுத்தினார். இதனால் சிஎஸ்கே அணியின் ரன்ரேட் குறைாமல் இருந்ததோடு அணியின் ஸ்கோரும் உயர்ந்தது.</p><p>மிடில் ஓவர்களில் பவுண்டரி, சிக்ஸர்கள் என குஜராத் பவுலர்களுக்கு எதிராக அதிரடியை வெளிப்படுத்திய உர்வில் படேல் 19 பந்துகளில் 37 ரன்கள் அடித்த நிலையில் சிக்ஸர் முயற்சியில் தனது விக்கெட்டை பறிகொடுத்தார்.</p><h2>பிரெவீஸ் பினிஷ்</h2><p>அணியின் ஸ்கோர் 12.3 ஓவரில் 144 ரன்கல் என்று இருந்தபோது களமிறங்கினார் பிரெவீஸ். எதிர்கொண்ட முதல் பந்திலேயே பவர்ஃபுல்லான பவுண்டரியுடன் ரன் வேட்டையை தொடர்ந்தார். இதன்பின்னர் நிறுத்தாமல் அதிரடியை தொடர்ந்த பிரெவீஸ் பவுண்டரிகள் மட்டுமில்லாமல், சிக்ஸர்களை பறக்கவிட்டு வானவேடிக்கை காட்டினார்.</p><p>19 பந்துகளில் அரைசதத்தை பூர்த்தி செய்த பிரெவீஸ் ஆட்டத்தின் கடைசி பந்தில் பெரிய ஷாட் முயற்சியில் தனது விக்கெட்டை இழந்தார். 23 பந்துகளில் 57 ரன்கள் அடித்த பிரெவீஸ் தனது இன்னிங்ஸில் 4 பவுண்டரி, 5 சிக்ஸர்கள் அடித்தார்.</p><p><strong>மேலும் படிக்க: </strong><a href="https://tamil.hindustantimes.com/cricket/ipl-2025-punjab-kings-shocked-after-losing-despite-scoring-more-than-200-runs-placed-in-the-worst-record-list-131748153272893.html" target="_blank">ஐபிஎல் 2025: மோசமான சாதனை.. ஆர்சிபியை முந்திய பஞ்சாப் கிங்ஸ்</a></p><p>முதல் 10 ஓவரிலும், அடுத்த 10 ஓவரிலும் சிஎஸ்கே அணி முறையே 115 ரன்கள் எடுத்துள்ளது. குறிப்பாக கடைச 4 ஓவரில் 57 ரன்கள் எடுத்துள்ளது.</p><p>குஜராத் பவுலர்களில் பிரசித் கிருஷ்ணா மட்டும் கட்டுப்பாடுடன் பந்து வீசினார். 4 ஓவரில் 22 ரன்கள் மட்டும் விட்டுக்கொடுத்து 2 விக்கெட்டுகளை வீழ்த்தியதுடன் அதிகபட்சமாக 15 டாட் பந்துகளை வீசினார்.</p>

<ul><li>ஓபனிங்கில் ஆயுஷ் மாத்ரே, மிடில் ஓவரில் உர்வில் படேல், கடைசி கட்டத்தில் டெவால்ட் பிரெவீஸ் அதிரடியாக பேட் செய்து பவுண்டரி, சிக்ஸர் என வானவேடிக்கை காட்டினார். இவர்களின் அதிரடியால் இந்த சீசனில் அதிகபட்ச ஸ்கோரை சிஎஸ்கே அணி குவித்துள்ளது.</li></ul>

ஐபிஎல் 2025: முதல் இடத்தை தக்கவைக்க முனைப்பில் குஜராத் டைட்டன்ஸ்! வெற்றியுடன் சீசனை முடிக்குமா சிஎஸ்கே?

<p>ஐபிஎல் 2025 தொடரின் 67வது போட்டி குஜராத் டைட்டன்ஸ் - சென்னை சூப்பர் கிங்ஸ் அணிகளுக்கு இடையே அகமதாபாத் நரேந்திர மோடி மைதானத்தில் ஞாயிற்றுகிழமை மாலை 3.30 மணிக்குநடைபெற இருக்கிறது. இன்று நடைபெற இருக்கும் இரண்டு போட்டிகளில் முதல் போட்டியாக இது அமைந்துள்ளது.</p><p>13 போட்டிகளில் 9 வெற்றி, 4 தோல்வி என 18 புள்ளிகளை பெற்றிருக்கும் குஜராத் டைட்டன்ஸ் புள்ளிப்பட்டியலில் முதல் இடத்தில் உள்ளது. சென்னை சூப்பர் கிங்ஸ் (சிஎஸ்கே) 14 போட்டிகளில் 3 வெற்றி, 10 தோல்வியுடன் புள்ளிப்பட்டியலில் கடைசி இடத்தில் உள்ளது.</p><p>ப்ளேஆஃப் சுற்றுக்கு தகுதி பெற்றிருக்கும் குஜராத் அணியும், முதல் முறையாக புள்ளிப்பட்டியலில் கடைசி இடத்தில் இருந்து வரும் சிஎஸ்கே அணியும் இந்த சீசனில் தங்களது கடைசி போட்டியில் மோதுகின்றன. இந்த சீசனில் இவ்விரு அணிகளும் முதல் போட்டியில் பலப்பரிட்சை செய்கின்றன.</p><p><strong>மேலும் படிக்க: </strong><a href="https://tamil.hindustantimes.com/cricket/ipl-2025-66th-match-punjab-kings-vs-delhi-capitals-match-result-rizvi-fifty-helps-dc-to-beat-pbks-by-6-wickets-131748109735988.html" target="_blank">ஐபிஎல் 2025: 5 சித்ஸர்கள்.. வேற லெவல் பேட்டிங் செய்த ரிஸ்வி.. பஞ்சாப்புக்கு முட்டுக்கட்டை போட்ட டெல்லி</a></p><p>குஜராத் டைட்டன்ஸ் முதல் இடத்தை தக்க வைப்பதற்கான போட்டியாகவும், சென்னை சூப்பர் கிங்ஸ், கடைசி இடத்தில் இருந்து 9வது இடத்துக்கு முன்னேற வாய்ப்பாக இருக்கும் போட்டியாகவும் இது அமைந்துள்ளது.</p><h2>ஸ்டார் வீரர்கள்</h2><p>குஜராத் அணியை பொறுத்தவரை ப்ளேஆஃப்புக்கு முன்னர் பயிற்சி போல் இந்த ஆட்டம் அமையலாம். டாப் ஆர்டரில் ஷுப்மன் கில், சாய் சுதர்சன், ஜோஷ் பட்லர் பேட்டிங்கில் நல்ல பார்மில் உள்ளார்கள். மிடில் ஆர்டர் பேட்டிங்கில் ஷாருக்கான், ருதர்போர்டு ஆகியோரும் பேட்டிங்கில் நல்ல பங்களிப்பை அளிப்பவர்களாக உள்ளார்கள். பவுலிங்கில் ரபாடா, ரஷித் கான், சாய் கிஷோர், முகமது சிராஜ், பிரசித் கிருஷ்ணா அனைவரும் எதிரணிக்கு தலைவலி கொடுப்பவர்களாக இருக்கிறார்கள்.</p><p>சிஎஸ்கே அணியை பொறுத்தவரை ஐபிஎல் வரலாற்றிலேயே மிகவும் மோசமாந சீசனாக அமைந்திருக்கும் நிலையில், அடுத்த சீசனுக்கான அணியை கட்டமைக்கும் பணியில் தற்போதே ஈடுபட தொடங்கியுள்ளனர். இதற்கிடையே அணியின் பேட்டிங்கை பொறுத்தவரை மாத்ரே, பிரெவீஸ், ஷிவம் துபே ஆகியோர் கன்சிஸ்டன்டான ஆட்டத்தை வெளிப்படுத்தி வருகிறார்கள். தோனி, ஜடேஜா போன்றோரும் பேட்டிங்கில் பங்களிப்பை அளித்து வருகிறார்கள். பவுலிங்கில் ஸ்பின்னர் நூர் அகமது சிறப்பாக செயல்பட்டு வருகிறார்.</p><p><strong>மேலும் படிக்க: </strong><a href="https://tamil.hindustantimes.com/cricket/ipl-2025-gt-loss-agains-lsg-might-move-them-to-3rd-or-4th-place-in-points-table-says-sanja-bangar-131748074713524.html" target="_blank">ஐபிஎல் 2025: குஜராத் டைட்டன்ஸ் மூன்று அல்லது நான்காவது இடத்தை பிடிக்கும்.. சஞ்சய் பங்கர் கணிப்பு</a></p><h2>சென்னை சூப்பர் கிங்ஸ் - குஜராத் டைட்டன்ஸ் இதுவரை</h2><p>இந்த இரு அணிகளும் இதுவரை 7 முறஐ நேருக்கு நேர் மோதியுள்ளன. இதில் குஜராத் டைட்டன்ஸ் 4, சென்னை சூப்பர் கிங்ஸ் 3 முறை வெற்றி பெற்றுள்ளன. இரு அணிகளுக்கு இடையிலான முந்தைய மோதலில் சென்னை சூப்பர் கிங்ஸ் வெற்றி பெற்றுள்ளது.</p><h2>பிட்ச் ரிப்போர்ட்</h2><p>இந்த சீசனில் அகமதாபாத் மைதானம் பேட்ஸ்மேன்களுக்கான களமாக இருந்து வருகிறது. இங்கு நடைபெற்ற போட்டியில் முதலில் பேட் செய்த அணிகளே அதிக போட்டியில் வென்றுள்ளதால் டாஸ் முக்கிய பங்கு வகிக்கும் என எதிர்பார்க்கலாம். ஆடுகளம் பேட்ஸ்மேன்களுக்கு சாதகமாகவும், பிற்பாதியில் ஸ்பின்னர்களுக்கு உதவும் எனவும் கணிக்கப்பட்டுள்ளது.</p><p><strong>மேலும் படிக்க: </strong><a href="https://tamil.hindustantimes.com/cricket/ipl-2025-gujarat-titans-vs-lucknow-super-giants-64th-match-in-narendra-modi-stadium-ahmedabad-results-here-131747936740596.html" target="_blank">ஐபிஎல் 2025: ஷாருக்கான் அரைசதம் வீண்.. லக்னோ சூப்பர் ஜெயண்ட்ஸிடம் சரணடைந்த குஜராத் டைட்டன்ஸ்</a> </p><h2>இந்த போட்டிக்கான இரு அணிகளின் உத்தேச லெவன்</h2><p>குஜராத் டைட்டன்ஸ்: ஷுப்மன் கில் (கேப்டன்), சாய் சுதர்சன், ஜோஸ் பட்லர் (விக்கெட் கீப்பர்), ஷெர்பேன் ரூதர்ஃபோர்ட், ஷாருக் கான், ராகுல் தெவாடியா, அர்ஷத் கான், ரஷித் கான், ககிசோ ரபாடா, சாய் கிஷேோர், முகமது சிராஜ்</p><p>இம்பேக்ட் வீரர்: பிரசித் கிருஷ்னா</p><p>சென்னை சூப்பர் கிங்ஸ்: ஆயுஷ் மத்ரே, டெவோன் கான்வே, உர்வில் படேல், ரவீந்திர ஜடேஜா, டெவால்ட் ப்ரீவிஸ், ஷிவம் துபே, அஷ்வின், எம்எஸ் தோனி (கேப்டன் மற்றும் விக்கெட் கீப்பர்), அன்ஷுல் காம்போஜ், நூர் அகமது, கலீல் அகமது</p><p>இம்பேக்ட் வீரர்: மதிஷா பதிரனா</p>

<ul><li>புள்ளிப்பட்டியலில் முதல் இடத்தை தக்கவைக்க குஜராத்துக்கு கட்டாய வெற்றி போட்டியாக சிஎஸ்கேவுக்கு எதிரான இந்த ஆட்டம் அமைந்துள்ளது. சென்னை சூப்பர் கிங்ஸ் வெற்றியுடன் சீசனை முடிக்கும் முனைப்பில் களமிறங்கும்.</li></ul>

ஐபிஎல் 2025: சிஎஸ்கேவுக்கு இன்னொரு தோல்வி! வெற்றியுடன் சீசனை பினிஷ் செய்த ராஜஸ்தான் ராயல்ஸ்

<p>ஐபிஎல் 2025 தொடரின் 62வது போட்டி சென்னை சூப்பர் கிங்ஸ் - ராஜஸ்தான் ராயல்ஸ் அணிகளுக்கு இடையே டெல்லி அருண் ஜெட்லி மைதானத்தில் நடைபெற்றது. இந்த போட்டி தொடங்கும் முன்னர் சென்னை சூப்பர் கிங்ஸ் (சிஎஸ்கே) 12 போட்டிகள், 3 வெற்றி, 9 தோல்வியுடன் புள்ளிப்பட்டியலில் கடைசி இடத்திலும், ராஜஸ்தான் ராயல்ஸ் 13 போட்டிகளில் 3 வெற்றி, 9 தோல்விகளுடன் புள்ளிப்பட்டியலில் 9வது இடத்திலும் இருந்தது.</p><p>சிஎஸ்கே தனது முந்தைய போட்டியில் கொல்கத்தா நைட் ரைடர்ஸ் அணியை வீழ்த்தி வெற்றி பெற்றது. முந்தைய போட்டியில் பஞ்சாப் கிங்ஸ் அணியை எதிர்கொண்ட ராஜஸ்தான் ராயல்ஸ் தோல்வியை தழுவியது. சிஎஸ்கே - ராஜஸ்தான் ராயஸ்ஸ் இடையிலான முதல் மோதலில் ராஜஸ்தான் அணி வெற்றி பெற்றது. இரண்டாவது மோதலில் சிஎஸ்கே பதிலடி தருமா என்கிற எதிர்பார்ப்பு ஏற்பட்டது.</p><p>சிஎஸ்கே அணியில் எந்த மாற்றமும் செய்யப்படவில்லை. ராஜஸ்தான் ராயல்ஸ் அணியில் ஃபருக்கிக்கு பதிலாக யுத்வீர் சிங் சேர்க்கப்பட்டிருந்தார். இதையடுத்து முதலில் பேட் செய்த சென்னை சூப்பர் கிங்ஸ் 187 ரன்கள் எடுத்தது. இந்த ஸ்கோரை சேஸ் செய்த ராஜஸ்தான் ராயல்ஸ் 6 விக்கெட் வித்தியாசத்தில் வெற்றி பெற்றுள்ளது.</p><p><strong>மேலும் படிக்க: </strong><a href="https://tamil.hindustantimes.com/cricket/ipl-2025-62nd-match-chennai-super-kings-vs-rajasthan-royals-innings-break-csk-sets-runs-target-for-rr-131747755001292.html" target="_blank">ஐபிஎல் 2025: மாத்ரே. பிரெவீஸ் அதிரடி.. தடுமாறிய தோனி.. பினிஷிங்கில் சொதப்பிய சிஎஸ்கே</a></p><h2>ராஜஸ்தான் ராயல்ஸ் சேஸிங்</h2><p>முன்னதாக டாஸ் வென்ற ராஜஸ்தான் ராயல்ஸ் கேப்டன் சஞ்சு சாம்சன் பவுலிங்கை தேர்வு செய்த நிலையில், முதலில் பேட் செய்த சென்னை சூப்பர் கிங்ஸ் 20 ஓவரில் 8 விக்கெட் இழப்புக்கு 187 ரன்கள் குவித்தது. அதிகபட்சமாக மாத்ரே 43, பிரெவிஸ் 42 ரன்கள் அடித்தனர். சிஎஸ்கேவின் இலக்கை விரட்டிய ராஜஸ்தான் ராயல்ஸ் 17.1 ஓவரில் 188 ரன்கள் அடித்தது. 17 பந்துகள் எஞ்சியிருக்க 6 விக்கெட்டுகள் வித்தியாசத்தில் ராஜஸ்தான் ராயல்ஸ் வெற்றி பெற்றது.</p><p>அதிகபட்சமாக வைபவ் சூர்யவன்ஷி 57, சஞ்சு சாம்சன் 41, யஷஸ்வி ஜெய்ஸ்வால் 36 ரன்கள் எடுத்தனர். சிஎஸ்கே பவுலர்களில் அஸ்வின் 2 விக்கெட்டுகளை வீழ்த்தினார். அன்சுல் கம்போஜ், நூர் அகமது ஆகியோர் தலா ஒரு விக்கெட் எடுத்துள்ளனர். இந்த சீசனில் ராஜஸ்தான் ராயல்ஸ் அணிக்கு எதிரான இரண்டு மோதல்களிலும் சிஎஸ்கே தோல்வியுற்றுள்ளது. அத்துடன் ராஜஸ்தான் ராயல்ஸ் இந்த சீசனில் தனது கடைசி போட்டியில் களமிறங்கிய நிலையில், வெற்றியுடன் முடித்துள்ளது.</p><p>ஐபிஎல் 2025 தொடரில் அனைத்து லீக் போட்டிகளில் விளையாடி முடித்துள்ள ராஜஸ்தான் ராயல்ஸ், 14 போட்டிகளில் 4 வெற்றி, 10 தோல்வியுடன் 8 புள்ளிகளை பெற்று தற்போதைய நிலையில் புள்ளிப்பட்டியலில் தொடர்ந்து 9வது இடத்தில் உள்ளது.</p><h2>ஜெய்ஸ்வால் அதிரடி தொடக்கம்</h2><p>ராஜஸ்தான் ராயல்ஸ் அணியில் ஓபனர்களாக ஜெயஸ்வால் - சூர்யவன்ஷி களமிறங்கினார். பவர்ப்ளே ஓவர்களில் ஸ்டிரைக்க தன் வசம் அதிகமாக வைத்திருந்த ஜெய்ஸ்வால் அதிரடியில் மிரட்டினார். 5 பவுண்டரி, 2 சிக்ஸர்கள் என 19 பந்துகளில் 36 ரன்கள் விரைவாக அடித்துவிட்டு அவுட்டானார். பவர்ப்ளே முடிவில் ராஜஸ்தான் ராயல்ஸ் ஒரு விக்கெட் இழப்புக்கு 56 ரன்கள் எடுத்தது.</p><p><strong>மேலும் படிக்க: </strong><a href="https://tamil.hindustantimes.com/cricket/ipl-2025-61st-match-lucknow-super-giants-vs-sunrisers-hyderabad-match-result-srh-beat-lsg-by-wickets-131747677197506.html" target="_blank">ஐபிஎல் 2025: ஒரே ஓவரில் 4 சிக்ஸர்கள்.. லக்னோ ப்ளேஆஃப் கனவை உடைத்த சன் ரைசர்ஸ்</a></p><h2>சூர்யவன்ஷி - சாம்சன் பார்ட்னர்ஷிப்</h2><p>வழக்கம்போல் சிக்ஸர்களாக பறக்கவிடும் சூர்யவன்ஷி இந்த போட்டியில் கொஞ்சம் நிதானத்தை கடைப்பிடிகத்தார். அடிக்க வேண்டிய பந்துகளை பவுண்டரிக்கு விரட்டியதோடு, மெல்ல மெல்ல கியரை மாற்றினார். மிடில் ஓவர்களில் சூர்யவன்ஷி- சஞ்சு சாம்சன் இணைந்து பார்ட்னர்ஷிப் அமைத்து அணியின் ஸ்கோரையும், ரன்ரேட்டையும் குறையவிடாத விதமாக விளையாடினர்.</p><p>இந்த ஜோடி இரண்டாவது விக்கெட்டுக்கு 98 ரன்கள் சேர்த்தது. சிறப்பாக பேட் செய்த 26 பந்துகளில் அரைசதமடித்தார். அஸ்வின் வீசிய ஆட்டத்தின் 14வது ஓவரில் சாம்சன் 41, சூர்யவன்ஷி 57 ரன்கள் எடுத்த நிலையில் அவுட்டாகினர். ஒரே ஓவரில் நன்றாக பேட் செய்து வந்த 2 முக்கிய பேட்ஸ்மேன்களை பெவிலியனுக்கு அனுப்பினார் அஸ்வின்.</p><h2>ஜுரல் பினிஷ்</h2><p>இருப்பினும், புதிய பேட்ஸ்மேனாக ஸ்டிரைக் வந்த ஜுரல் பெரிய அடுத்தடுத்து சிக்ஸர்களை பறக்க விட்டு அணியின் ஸ்கோரை வெற்றி நோக்கி எடுத்து சென்றார். 3 சிக்ஸர்கள், 2 பவுண்டரிகளை அடித்த ஜுரல் 12 பந்துகளில் 31 ரன்கள் அடித்து நாட் அவுட் பேட்ஸ்மேனாக இருந்தார்.</p><p><strong>மேலும் படிக்க: </strong><a href="https://tamil.hindustantimes.com/cricket/ipl-2025-gt-bowler-ishant-sharma-praised-sai-sudharsan-shubman-gill-captaincy-and-the-influence-of-ashish-nehra-131747641986970.html" target="_blank">நெக்ரா வழிகாட்டுதல் அணிக்கு பலம்.. இஷாந்த் ஷர்மா</a></p><p>சிஎஸ்கே பவுலர்களில் அன்சுல் கம்போஜ் சிறப்பாக பவுலிங் செய்தார். 3 ஓவரில் 21 ரன்கள் விட்டுக்கொடுத்து ஒரு விக்கெட் வீழ்த்தியதோடு, சிஎஸ்கே அணியில் அதிகபட்சமாக 8 டாட் பந்துகளை வீசிய பவுலராக உள்ளார். மற்ற பவுலர்கள் அனைவரும் 10 ரன்களுக்கும் அதிகமான எகானமியுடன் பந்து வீசியுள்ளனர்.</p>

<ul><li>இந்த சீசனில் சிஎஸ்கேவுக்கு எதிராக விளையாடி இரண்டு போட்டிகளிலும் ராஜஸ்தான் ராயல்ஸ் வெற்றி பெற்றுள்ளது. சிஎஸ்கேவுக்கு எதிராக பேட்டிங், பவுலிங் என சிறப்பாக செயல்பட்ட ராஜஸ்தான் அணி வெற்றியுடன் சீசனை முடித்துள்ளது.&nbsp;</li></ul>

ஐபிஎல் 2025: மாத்ரே, பிரெவீஸ் அதிரடி.. பேட்டிங்கில் தடுமாறிய தோனி.. பினிஷிங்கில் சொதப்பிய சிஎஸ்கே

<p>ஐபிஎல் 2025 தொடரின் 62வது போட்டி சென்னை சூப்பர் கிங்ஸ் - ராஜஸ்தான் ராயல்ஸ் அணிகளுக்கு இடையே டெல்லி அருண் ஜெட்லி மைதானத்தில் நடைபெற்று வருகிறது. சென்னை சேப்பாக்கம் மைதானத்தில் நடைபெற இருக்க வேண்டிய இந்த போட்டி ஐபிஎல் புதிய அட்டவணை காரணமாக டெல்லிக்கு மாற்றப்பட்டுள்ளது.</p><p>இந்த போட்டி தொடங்கும் முன்னர் சென்னை சூப்பர் கிங்ஸ் (சிஎஸ்கே) 12 போட்டிகள், 3 வெற்றி, 9 தோல்வியுடன் புள்ளிப்பட்டியலில் கடைசி இடத்தில் உள்ளது. ராஜஸ்தான் ராயல்ஸ் 13 போட்டிகளில் 3 வெற்றி, 9 தோல்விகளை பெற்று புள்ளிப்பட்டியலில் 9வது இடத்தில் உள்ளது.</p><p>சிஎஸ்கே தனது முந்தைய போட்டியில் கொல்கத்தா நைட் ரைடர்ஸ் அணியை வீழ்த்தி வெற்றி பெற்றது. முந்தைய போட்டியில் பஞ்சாப் கிங்ஸ் அணியை எதிர்கொண்ட ராஜஸ்தான் ராயல்ஸ் தோல்வியை தழுவியது. அந்த அணிக்கு இந்த சீசனின் கடைசி போட்டியாக அமைந்துள்ளது. சிஎஸ்கே - ராஜஸ்தான் ராயஸ்ஸ் இடையிலான முதல் மோதலில் ராஜஸ்தான் அணி வெற்றி பெற்ற நிலையில், அதற்கு சிஎஸ்கே பதிலடி கொடுக்கும் முனைப்பில் இந்த போட்டியில் களமிறங்கியுள்ளது.</p><p>சிஎஸ்கே அணியில் எந்த மாற்றமும் செய்யப்படவில்லை. ராஜஸ்தான் ராயல்ஸ் அணியில் ஃபருக்கிக்கு பதிலாக யுத்வீர் சிங் சேர்க்கப்பட்டுள்ளார்.</p><p><strong>மேலும் படிக்க: </strong><a href="https://tamil.hindustantimes.com/cricket/ipl-2025-61st-match-lucknow-super-giants-vs-sunrisers-hyderabad-match-result-srh-beat-lsg-by-wickets-131747677197506.html" target="_blank">ஐபிஎல் 2025: ஒரே ஓவரில் 4 சிக்ஸர்கள்.. அபிஷேக் ஷர்மா வானவேடிக்கை.. லக்னோ ப்ளேஆஃப் கனவை உடைத்த சன் ரைசர்ஸ்</a></p><h2>ராஜஸ்தான் ராயல்ஸ் பவுலிங்</h2><p>டாஸ் வென்ற ராஜஸ்தான் ராயல்ஸ் கேப்டன் பவுலிங்கை தேர்வு செய்தார். இதையடுத்து முதலில் பேட் செய்த சென்னை சூப்பர் கிங்ஸ் 20 ஓவரில் 8 விக்கெட் இழப்புக்கு 187 ரன்கள் எடுத்துள்ளது. அதிகபட்சமாக ஆயுஷ் மாத்ரே 43, டெவால்ட் பிரெவீஸ் 42, ஷிவம் துபே 39 ரன்கள் எடுத்தனர்</p><p>ராஜஸ்தான் ராயல்ஸ் பவுலர்களில் யுத்வீர் சிங் 3, ஆகாஷ் மத்வால் ஆகியோர் தலா 3 விக்கெட்டுகளை கைப்பற்றியுள்ளனர். தேஷ்பாண்டே, ஹசரங்கா ஆகியோர் தலா ஒரு விக்கெட் எடுத்துள்ளனர்.</p><h2>பவர்ப்ளேயில் மிரட்டி ஆயுஷ் மாத்ரே</h2><p>சிஎஸ்கே அணியில் ஓபனர்களாக டேவான் கான்வே - ஆயுஷ் மாத்ரே ஆகியோர் களமிறங்கினர். கான்வே 10, உர்வில் படேல் 0 என ஒரே ஓவரில் அவுட்டாகி ஏமாற்றம் அளித்தனர். சர்ப்ரைஸாக பவர்ப்ளே ஓவரில் ரவிச்சந்திரன் அஸ்வின் களமிறக்கப்பட்டார்.</p><p>முதல் இரண்டு ஓவர் முடிவதற்குள்ளாகவே 2 விக்கெட்டுகளை இழந்தபோதிலும் களத்தில் இருந்த ஆயுஷ் மாத்ரே சரவெடி ஆட்டத்தை வெளிப்படுத்தினார். ராஜஸ்தான் ராயல்ஸ் பவுலர்களின் பந்துவீச்சை பவுண்டரிகளுக்கு விரட்டினார். இதனால் அணியின் ஸ்கோர் விர்ரென உயர்ந்தது. அஸ்வினும் தனது பங்களிப்பாக சிக்ஸர், பவுண்டரியை அடித்தார்.</p><p>பவர்ப்ளே கடைசி ஓவரில் அதிரடியாக பேட் செய்து வந்த மாத்ரே 20 பந்துகளில் 43 ரன்கள் எடுத்த நிலையில் அவுட்டானார். தனது இன்னிங்ஸில் 8 பவுண்டரி, ஒரு சிக்ஸர் அடித்தார். பவர்ப்ளே முடிவில் சிஎஸ்கே அணி 3 விக்கெட் இழப்புக்கு 68 ரன்கள் எடுத்தது.</p><p><strong>மேலும் படிக்க: </strong><a href="https://tamil.hindustantimes.com/cricket/ipl-2025-lucknow-super-giants-got-knocked-out-from-the-race-to-make-the-ipl-playoffs-what-did-rishabh-pant-say-131747725182668.html" target="_blank">ஐபிஎல் 2025: ப்ளேஆஃப்புக்கு தகுதி பெறாத லக்னோ.. கேப்டன் ரிஷப் பந்து சொன்னது என்ன?</a></p><h2>துபே - பிரெவீஸ் பார்ட்னர்ஷிப்</h2><p>அடுத்து பேட் செய்ய வந்த ஜடேஜா 1 ரன்னில் நடையை கட்ட, களத்தில் இருந்த அஸ்வினும் 13 ரன்களில் அவுட்டானார். இதனால் சிஎஸ்கே 78 ரன்களுக்கு 5 முக்கிய விக்கெட்டுகளை இழந்திருந்தது.</p><p>அப்போது துபே - பிரெவீஸ் ஜோடி இணைந்து பார்ட்னர்ஷிப் அமைத்தனர். இருவரும் இணைந்து விக்கெட் சரிவை தடுத்து ரன் குவிப்பில் ஈடுபட்டனர். ஒரு பக்கம் பிரெவீஸ் பவுண்டரி, சிக்ஸர் என ரன்களை குவிக்க, துபே நங்கூர இன்னிங்ஸை வெளிப்படுத்தினார்.</p><p>இந்த ஜோடி 6வது விக்கெட்டுக்கு 59 ரன்கள் சேர்த்தது. சிறப்பாக பேட் செய்து வந்த பிரெவீஸ் 25 பந்துகளில் 42 ரன்கள் அடித்து மட்வால் பந்தில் பெரிய ஷாட் முயற்சியில் அவுட்டானார். தனது இன்னிங்ஸில் 2 பவுண்டர், 3 சிக்ஸர்களை அடித்தார்.</p><h2>பினிஷிங் சொதப்பல்</h2><p>முதல் 10 ஓவரில் சிஎஸ்கே அணி 5 விக்கெட் இழப்புக்கு 102 ரன்கள் குவித்தது. ஆனால் கடைசி 10 ஓவரில் ரன்கள் மட்டுமே எடுத்தது. குறிப்பாக கடைசி 4 ஓவரில் ஷிவம் துபே, எம்எஸ் தோனி ஆகியோர் ஸ்டிரைக்கில் இருந்தபோதிலும் சிஎஸ்கே அணி 27 ரன்கள் மட்டுமே எடுத்தது.</p><p><strong>மேலும் படிக்க: </strong><a href="https://tamil.hindustantimes.com/cricket/ipl-2025-gt-bowler-ishant-sharma-praised-sai-sudharsan-shubman-gill-captaincy-and-the-influence-of-ashish-nehra-131747641986970.html" target="_blank">ஐபிஎல் 2025: நெக்ரா வழிகாட்டுதல் அணிக்கு பலம்.. இஷாந்த் ஷர்மா</a></p><p>ஆடத்தின் கடைசி ஓவரில் 32 பந்துகளில் 39 ரன்கள் எடுத்திருந்த ஷிவே துபே பவுண்டரி முயற்சியில் அவுட்டானார். ஒரு ராக்கெட் வேக சிக்ஸர் அடித்தபோதிலும் பேட்டிங்கில் தடுமாறிய தோனி 17 பந்துகளில் 16 ரன்கள் எடுத்து அதே ஓவரில் அவுட்டானார்.</p><p>கடைசி கட்ட ஓவர்களை ராஜஸ்தான் பவுலர்கள் சிறப்பாக பந்து வீசி சிஎஸ்கே பேட்ஸ்மேன்களை நன்கு கட்டுப்படுத்தினர். ராஜஸ்தான் பவுலர்களில் துஷார் தேஷ்பாண்டே, ஹசரங்கா ஆகியோர் அதிகபட்சமாக தலா 10 டாட் பந்துகளை வீசினர்.</p>

<ul><li>பவர்ப்ளே ஓவரில் ஆயுஷ் மாத்ரே, மிடில் ஓவர்களில் டெவால்ட் பிரெவீஸ் அதிரடிகாட்ட நங்கூர இன்னிங்ஸை வெளிப்படுத்திய ஷிவம் துபே மற்றும் எம்எஸ் தோனி ஆகியோர் நல்ல பினிஷிங்கை கொடுத்தனர். ராஜஸ்தானுக்கு எதிராக அதிரடியை வெளிப்படுத்திய சிஎஸ்கே அணி&nbsp;</li></ul>

Chennai Super Kings

Cricket News in Tamil: Stay updated with the latest Tamil cricket news. Get today's கிரிக்கெட் செய்திகள், live match updates, and தமிழில் சமீபத்திய கிரிக்கெட் செய்திகள் from around the world.

கிரிக்கெட் செய்திகள்

Cricket News in Tamil: Tamil Cricket News | தமிழில் கிரிக்கெட் செய்திகள், தமிழில் சமீபத்திய கிரிக்கெட் செய்திகள் 

திருவண்ணாமலை போராட்டம்! முன்னாள் அமைச்சர் உள்ளிட்ட அதிமுகவினர் கைது.. போலீஸ் அதிரடி

<p>திருவண்ணாமலையில் மாநகராட்சி மற்றும் அறநிலையத் துறையை கண்டித்து அமைதியான முறையில் ஆர்ப்பாட்டம் செய்த அதிமுகவினரை போலீஸார் கைது செய்துள்ளனர். இந்த விவகாரம் கடும் சர்ச்சையை ஏற்படுத்தியிருக்கிறது.</p><h2>அதிமுகவினர் ஆர்ப்பாட்டம்</h2><p>திருவண்ணாமலையில் குடிநீர், சாலை வசதி உள்ளிட்ட அடிப்படைத் தேவைகளை பூர்த்தி செய்யாத மாநகராட்சி நிர்வாகத்தைக் கண்டித்தும், அண்ணாமலையார் கோயிலுக்கு வரும் பக்தர்களுக்கு தேவையான அடிப்படை வசதிகளை ஏற்படுத்தி தராத அறநிலைய துறையை கண்டித்தும் அதிமுக சார்பில் இன்று காலை (ஜூலை 16) ஆர்ப்பாட்டம் நடைபெற்றது.</p><p>திருவண்ணாமலை மாநகராட்சிக்கு உட்பட்ட அண்ணா சிலை அருகில் அதிமுகவினர் கண்டன ஆர்ப்பாட்டத்தில் ஈடுபட்டனர். திருவண்ணாமலை கிழக்கு மாவட்ட அதிமுக செயலாளர் எஸ்.ராமச்சந்திரன், திருப்பத்தூர் மாவட்ட அதிமுக செயலாளரும், முன்னாள் அமைச்சருமான கே.சி.வீரமணி தலைமையில் நடந்த இந்த ஆர்ப்பாட்டத்தில் ஆயிரக்கணக்கான அதிமுக தொண்டர்களும், பொதுமக்களும் பங்கேற்றனர்.</p><p>முன்னாள் அமைச்சர் கே.சி.வீரமணி உள்ளிட்டோர் தமிழ்நாடு அரசையும், மாநகராட்சியையும் கண்டித்து கோஷங்களை எழுப்பினர். இதையடுத்து, மாவட்ட காவல் கண்காணிப்பாளர் சுதாகர் தலைமையில் 300க்கும் மேற்பட்ட போலீஸார் ஆர்ப்பாட்டத்தின் நடுவே அப்பகுதியை சூழந்துகொண்டனர்.</p><p><strong>மேலும் படிக்க: </strong><a href="https://tamil.hindustantimes.com/tamilnadu/admk-former-minister-arrested-while-trying-to-protest-agaisnt-primary-health-center-in-ranipet-131752144157004.html" target="_blank">மேல்விஷாரத்தில் தடையை மீறி ஆர்ப்பாட்டம்.. அதிமுக முன்னாள் அமைச்சர் கைது&nbsp;</a></p><h2>போலீசார் கைது நடவடிக்கை</h2><p>ஆர்ப்பாட்டம் நடத்த முறையாக அனுமதி பெறவில்லை என்று கூறி மேடையில் இருந்த அதிமுக நிர்வாகிகளையும், தொண்டர்களையும் கீழே இறக்கி கைது செய்ய தொடங்கினர். ஆர்ப்பாட்டம் முடிந்ததும் கைதாகிறோம் என்று கட்சி நிர்வாகிகள் தரப்பில் சொல்லியும் போலீஸார் கேட்காததால், இருதரப்புக்கும் இடையே வாக்குவாதம், தள்ளுமுள்ளு ஏற்பட்டது. இதன் காரணமாக அந்த பகுதியில் போக்குவரத்து நெரிசலும் உருவானது.</p><p>இதைதத்தொடர்ந்து முன்னாள் அமைச்சர் கே.சி. வீரமணி உள்பட அதிமுக நிர்வாகிகள் பலரை கைது செய்த போலீசார், அவர்களை அருகில் இருந்த திருமண மண்டபத்தில் அடைத்து வைத்தனர்.</p><p><strong>மேலும் படிக்க: </strong><a href="https://tamil.hindustantimes.com/tamilnadu/edappadi-palaniswami-has-accused-the-stalin-government-of-openly-looting-mineral-resources-131752471289824.html" target="_blank">ஸ்டாலின் அரசு பகிரங்கமாக கணிம வளத்தை கொள்ள அடிக்கிறது.. எடப்பாடி பழனிசாமி&nbsp;</a></p><h2>அருணாச்சலம் சர்ச்சை</h2><p>முன்னதாக, திருவண்ணாமலை செல்லும் அரசு பேருந்துகளில், ஊர் பெயர் குறிக்கும் பலகையில், திருவண்ணாமலை என்பதற்கு பதிலாக அருணாச்சலம் என்ற வார்த்தைகள் ஆங்கிலத்திலும் தமிழிலும் இடம்பிடித்திருந்தன. இதுதொடர்பான புகைப்படங்கள் சமூக வலைத்தளங்களில் வெளியாகி சர்ச்சையை கிளப்பியது.</p><p>போக்குவரத்து துறை அமைச்சர் சிவசங்கர் பெயரை டேக் செய்து தவறான இந்த பெயர் மாற்றம் குறித்து சமூக வலைத்தளங்களில் பதிவுகள் பகிரப்பட்டன. இதைத்தொடர்ந்து அருணாச்சலம் என குறிப்பிடப்பட்ட பெயர் நீக்கப்பட்டு வழக்கம்போல் திருவண்ணாமலை என பேருந்து பலகைகளில் மாற்றப்பட்டன.</p><p><strong>மேலும் படிக்க: </strong><a href="https://tamil.hindustantimes.com/videos/devotees-throng-tiruvannamalai-temple-to-worship-arulmigu-annamalaiyar-131739388520001.html" target="_blank">அலைமோதும் பக்தர்கள் கூட்டம் திருவண்ணாமலையில் பரபரப்பு</a></p><p>சமீப காலமாக திருவண்ணாமலையில் அண்டை மாநிலமான ஆந்திரா, கர்நாடகாவை சேர்ந்த தெலுங்கு மற்றும் கன்னடம் பேசும் பக்தர்கள் அதிகரித்து வருகின்றனர். குறிப்பாக் சனி, ஞாயிறு போன்ற விடுமுறை நாள்களில் பக்தர்களின் வருகை வழக்கத்தை விட பல மடங்கு அதிகரித்து காணப்படுவதுடன், சுமார் 2 கிமீ வரை வரிசையில் நின்று சாமி தரிசனம் மேற்கொள்ள வேண்டிய சூழ்நிலையும் உருவாகியுள்ளது. பக்தர்களின் வருகை நாளுக்கு நாளுக்கு அதிகரித்து வருவதால் அதற்கு ஏற்ப அடிப்படை வசதிகள் ஏற்படுத்த தர வேண்டும் என்கிற கோரிக்கையும் எழுந்துள்ளது.</p>

<ul><li>திருவண்ணாமலை மாநகராட்சி மற்றும் அறநிலைய துறையை கண்டித்து நடைபெற்ற போராட்டத்தில் முன்னாள் அமைச்சர்களான கே.சி.வீரமணி உள்ளிட்ட அதிமுகவினரை போலீசார் கைது செய்துள்ளனர்.</li></ul>

‘அதிமுக கூட்டணியில் டிடிவி தினகரன்.. ஓபிஎஸ் வருவார்களா?’ உடைத்து பேசிய எடப்பாடி பழனிசாமி!

Edappadi Palaniswami interviews

<p>மக்களைக் காப்போம் தமிழ்கத்தை மீட்போம் எழுச்சிப் பயணத்தில் ஒரு கட்டமாக இன்று சிதம்பரத்தில் பல்வேறு விவசாய சங்கப் பிரதிநிதிகளை, அதிமுக பொதுச்செயலாளரும் எதிர்க்கட்சித் தலைவருமான எடப்பாடி பழனிசாமி சந்தித்துப் பேசினார். விவசாயிகள் கூறிய கருத்துகள், கோக்கைகளைப் பரிசீலித்து அதிமுக ஆட்சி அமைந்ததும் நடவடிக்கை எடுக்கப்படும் என்று உறுதியளித்தார்.</p><p>இதையடுத்து செய்தியாளர்களை சந்தித்த இபிஎஸ், ‘’ஏற்கனவே அம்மா அவர்கள் வருவாய்த் துறையில் ஒரு திட்டத்தைக் கொண்டு வந்தார்கள். அதில் ஸ்டிக்கர் ஒட்டி 46 திட்டங்களகை் குறிப்பிட்டு முதல்வர் விளம்பரம் செய்கிறார். மக்களுக்கு எவ்வளவோ பிரச்னைகள் இருக்கிறது, இதையெல்லாம் நான்காண்டுகளாக ஏன் சரி செய்யவில்லை..?</p><p>ஸ்டாலின் எதிர்க்கட்சித் தலைவராக இருந்த நேரத்தில் கிராம் கிராமமாகச் சென்று மக்களிடம் மனு வாங்கினார். ஆட்சி வந்ததும் தீர்ப்பேன் என்றார். ஏன் தீர்க்கவில்லை. இப்போது மீண்டும் மனு வாங்குகிறார் என்றால் மக்களுடைய பிரச்னைகள் இன்னமும் தீரவில்லை என்பதை முதல்வரே ஒப்புக்கொள்கிறாரா…? இன்னும் எட்டு மாதங்களில் என்ன பிரச்னைகளைத் தீர்க்க முடியும். 2026 தேர்தலில் மக்களை ஏமாற்றுவதற்காகவே இந்த திட்டத்தைக் கொண்டு வருகிறார்</p><h2>1 கோடி மனுக்கள்: வெள்ளை அறிக்கை வேண்டும்</h2><p>அரசு சம்பந்தப்பட்ட உண்மையை அப்படியே சொல்ல வேண்டும். 1 கோடியே 5 லட்சம் மனுக்கள் பெறப்பட்டு 1 கோடியே 1 லட்சம் மனுக்கள் தீர்வு காணப்பட்டதாக கூறுகிறார்கள். அப்படி என்றால் இத்தனை மக்கள், விவசாயிகள் மீண்டும் எதற்காக குறை சொல்கிறார்கள். 1 கோடி மனுக்கள் குறித்து வெள்ளை அறிக்கை கொடுங்கள். அரசு அதிகாரிகள் அரசியல்வாதிகளாக மாறிவிடக் கூடாது. கூடுதல் தலைமைச் செயலாளர் பொறுப்பில் உள்ளவர்ர்கள் சொன்னால் மட்டுமே மக்கள் நம்புவார்கள் என்பதால், அதிகாரிகளை தவறாக பயன்படுத்துவது சரியில்லை. அதனால்தான், தவறாக செய்தி வெளியிட்டால் அதற்கு ஐஏஎஸ் அதிகாரிகள் தான் பொறுப்பு என்று கூறினேன்..’’ என்று கூறினார்.</p><p>பாஜகவிடம் அதிமுக அடகு வைக்கப்பட்டது என்ற திமுக விமர்சனம் குறித்த கேள்விக்கு, ‘’நான் விவசாயம் செய்து கொண்டிருக்கிறேன். விவசாயத்தில் என்ன செய்ய முடியும்? மக்கள் பிரச்சினைகளை பேசிக் கொண்டிருக்கிறேன். இன்றைய முதலமைச்சரின் தந்தை 1999 எம்.பி. தேர்தல், 2001 சட்டமன்றத் தேர்தலில் பாஜகவுடன் தானே கூட்டணி வைத்தார்? அதிமுகவுடன் பாஜக சேர்ந்துவிட்டதைக் கண்டு ஸ்டாலினுக்கு இப்போது தோல்வி பயம் வந்து விட்டதால் ஏதேதோ பேசுகிறார். திமுக கூட்டணி வைக்கும் போது நல்ல கட்சி. அதிமுக கூட்டணி வைக்கும் போது மதவாதக் கட்சியா?’’ என்று கேட்டார்.</p><h2>டிடிவி தினகரன் கூட்டணியில் இருப்பாரா?</h2><p>டிடிவி தினகரன் பற்றிய கேள்விக்கு, ‘’நாங்கள் பாஜக கூட்டணியில் இருக்கிறோம். எங்கள் கூட்டணிக்கு மேலும் பல கட்சிகள் வரும்’’ என்றார்.</p><p>அமித்ஷாவின் கூட்டணி ஆட்சி குறித்த கேள்விக்கு, ‘’அமித்ஷா கூட்டணி ஆட்சி என்று சொல்லவில்லை. எங்களுடைய கூட்டணி ஆட்சி அமைக்கும் என்றே கூறினார். நீங்கள் தவறாக புரிந்து கொண்டீர்கள். இந்த கூட்டணிக்கு யார் தலைமை தாங்குவது? நான் தலைமை தாங்குகிறேன். நான் எடுப்பதுதான் முடிவு. அதனால் நாங்கள்தான் ஆட்சி அமைப்போம். இருவரும் அமர்ந்து தெளிவுபடுத்திவிட்டோம். தோண்டித் தோண்டி விரிசலை ஏற்படுத்தலாம் என்று நினைக்காதீர்கள். ஒன்றும் முடியாது. இந்தக் கூட்டணி தெளிவான கூட்டணி. பிரமாண்ட வெற்றி பெற்று அதிமுக தனித்து ஆட்சி அமைக்கும்.</p><p>திமுகவை அப்புறப்படுத்த மக்கள் தயாராகிட்டாங்க. மக்கள் முகம் பிரகாசமாக இருப்பதே வெற்றிக்கு அறிகுறி. அவங்க கூட்டணி பலம் குறையுது. திமுக செய்கிற தவறுகளுக்கு கூட்டணிக் கட்சிகள் உடந்தையாக இருப்பதை மக்கள் பார்க்கிறார்கள். எதிர்காலத்தில் அவர்கள் தெரிந்துகொள்வார்கள்" என்றார்.</p><h2>ஓபிஎஸ்., கதை முடிந்து விட்டது</h2><p>இதையடுத்து பா.ம.க. குறித்து செய்தியாளர்கள் கேட்டதற்கு, ‘’பாமக கூட்டணிக்கு வந்தாலும் வரலாம் என்றுதான் கூறினேன். இன்னமும் அவர்கள் கூட்டணியில் இணையவில்லை…’’ என்றார். பாமகவில் நிலவும் குழப்பம் குறித்த கேள்விக்கு, ‘இது மற்ற கட்சி பிரச்னை. அதில் நான் எப்படி கருத்து சொல்ல முடியும்?’’ என்று கேட்டார்.</p><p>ஓ.பன்னீர்செல்வம் பற்றிய கேள்விக்கு, ‘’அது முடிந்துபோன பிரச்னை’’ என்று கூறியதோடு பேட்டியை முடித்துக்கொண்டார்.</p>

‘அமித்ஷா கூட்டணி ஆட்சி என்று சொல்லவில்லை. எங்களுடைய கூட்டணி ஆட்சி அமைக்கும் என்றே கூறினார். நீங்கள் தவறாக புரிந்து கொண்டீர்கள். இந்த கூட்டணிக்கு யார் தலைமை தாங்குவது? நான் தலைமை தாங்குகிறேன். நான் எடுப்பதுதான் முடிவு’

LIVE | எடப்பாடியின் இன்றைய சிதம்பரம், புவனகிரி, காட்டுமன்னார் கோயில் பயணம் நேரலை!

Edappadi Palaniswami

video

<p>அதிமுக பொதுச் செயலாளர் எடப்பாடி பழனிசாமி, சிதம்பரம், புவனகிரி, காட்டுமன்னார்கோயிலில் இன்று எழச்சிப் பயணம் மேற்கொள்கிறார். அதன் நேரலையை இங்கே காணலாம்.</p>

மாம்பழம் சாப்பிட்டதும் வயிற்றுப் பிரச்சனையா? இந்த உணவுகளை மாம்பழத்துடன் சேர்த்து சாப்பிடுகிறீர்களா? ஜாக்கிரதை!

மாம்பழம் சுவைக்கு மட்டுமல்ல, ஆரோக்கியத்திற்கும் நல்லது. நீங்களும் மாம்பழம் பிரியர் என்றால், இந்த பழத்தை சாப்பிட்ட உடனேயே இந்த உணவுகளை சாப்பிடாதீர்கள். அந்த பட்டியல் இதோ-

‘மாட்டுச்சாணம் இருந்த கையில் தேசிய விருது வாங்கினேன்’ - நித்யாமேனன் பேட்டி!

<p>நடிகை நித்யா மேனன் சமீபத்தில் தன்னால் செய்ய முடியாத விஷயங்களைச் செய்ய அனுமதிக்கும் கதாபாத்திரங்களை ஏற்றுக்கொள்வது பற்றி பேசினார்.</p><h2>மாட்டுச் சாணத்தை எப்படி செய்வது?</h2><p>இது குறித்து சினிமா விகடனுக்கு அவர் அளித்த பேட்டியில், ‘இட்லி கடை படத்திற்காக மாட்டுச் சாணத்தை எப்படி செய்வது என்று கற்றுக்கொண்டேன். நான் அதைச் செய்யத் தயாராக இருக்கிறேனா என்று அவர்கள் என்னிடம் கேட்டார்கள்.</p><p>நான் ஆமாம் என்று சொன்னேன். வாழ்க்கையில் முதல் முறையாக, வெறும் கைகளால் அவற்றை எவ்வாறு உருட்டுவது மற்றும் சுற்றுவது உள்ளிட்டவற்றைக் கற்றுக்கொண்டேன்.</p><h2>மாட்டுச்சாணம் கையில் இருந்தது.</h2><p>தேசிய விருது வாங்க டெல்லி செல்வதற்கு முன்னதாக நான் இட்லி கடை படத்தில் மாட்டுச்சாணம் பயன்படுத்துவது தொடர்பான காட்சி ஒன்றில் நடித்திருந்தேன். </p><p>நான் தேசிய விருது வாங்கச் சென்றபோது என் விரல் நகங்களில் மாட்டுச்சாணம் இருந்தது மிகவும் ஆச்சரியமாக இருந்தது. மாட்டுச்சாணம் இருந்த கையில் தேசிய விருது வாங்கியது சந்தோஷமாக இருந்தது. அதுதான் வாழ்க்கை.</p><h2>இட்லிகடை படத்தில் கிடைத்த அனுபவம்</h2><p>இட்லி கடை படத்தில் எனக்கு கிடைத்த பன்முக அனுபவம் எனக்கு மிகவும் பிடித்திருந்தது. அந்தப்படம் எனக்கு கிடைக்கவில்லையென்றால் எனக்கு இவற்றையெல்லாம் செய்வதற்கு வாய்ப்பு கிடைத்திருக்காது.’ என்று பேசினார்.</p><p>தனுஷ் எழுதி, இயக்கி, தயாரித்துள்ள படம் இட்லி கடை. இந்தப்படத்தில் நித்யா மேனனுடன் அருண் விஜய், ஷாலினி பாண்டே, சத்யராஜ், பார்த்திபன், சமுத்திரக்கனி, ராஜ்கிரண் உள்ளிட்டோர் நடித்துள்ளனர். ஜி.வி.பிரகாஷ் குமார் இசையமைத்துள்ள இப்படம் அக்டோபர் 1 ஆம் தேதி திரையரங்குகளில் வெளியாகிறது.</p><p>கடந்த 2022 ஆம் ஆண்டு வெளியான திருச்சிற்றம்பலம் படத்திற்குப் பிறகு நித்யா தனுஷுடன் இணைவது இது இரண்டாவது முறையாகும். அந்தப்படத்தில் நித்யாமேனன் அவரது நடிப்பிற்காக சிறந்த நடிகைக்கான தேசிய திரைப்பட விருதை வென்றார்.</p>

தேசிய விருது வாங்க டெல்லி செல்வதற்கு முன்னதாக நான் இட்லிக்கடை படத்தில் மாட்டுச்சாணம் பயன்படுத்துவது தொடர்பான காட்சி ஒன்றில் நடித்திருந்தேன்.

‘உங்களுடன் ஸ்டாலின்’ திட்டம் - திமுக தோல்வி பயத்தின் அப்பட்டமான வெளிப்பாடு! அன்புமணி ராமதாஸ்

<p>தமிழ்நாட்டில் அனைத்து நகர்ப்புற, ஊரகப்பகுதிகளில் முகாம் நடத்தி மக்களிடமிருந்து மனுக்களை பெற்று குறைகளுக்கு தீர்வு காணும் உங்களுடன் ஸ்டாலின் என்ற திட்டத்தை தமிழ்நாடு முதலமைச்சர் மு.க. ஸ்டாலின் கடலூரில் வைத்து தொடங்கி வைத்தார். இதையடுத்து இந்த திட்டத்தை கடுமையாக விமர்சித்துள்ளார் பாமக தலைவர் அன்புமணி ராமதாஸ். திமுக தோல்வி பயத்தின் அப்பட்டமான வெளிப்பாடாக இந்த திட்டம் இருப்பதாக அவர் தெரிவித்துள்ளார்.</p><p>இதுதொடர்பாக பாமக தலைவர் மருத்துவர் அன்புமணி ராமதாஸ் அறிக்கை ஒன்றை வெளியிட்டுள்ளார். அதில் அவர் கூறியிருப்பதாவது: "தமிழ்நாட்டின் ஆளும் கட்சியால் கதை வசனம் எழுதப்பட்ட ‘உங்களுடன் ஸ்டாலின்’ என்ற மோசடி நாடகம் மாநிலத்தின் அனைத்து மாவட்டங்களிலும் முதலமைச்சர் மற்றும் அமைச்சர்களில் இயக்கத்தின் வெற்றிகரமாக அரங்கேற்றம் செய்யப்பட்டுள்ளன. வெற்று விளம்பரத்துக்கான இந்தத் திட்டத்தால் தமிழ்நாட்டு மக்களுக்கு எந்தப் பயனும் இல்லை என்பது முதல்நாள் நிகழ்வுகளில் இருந்தே அப்பட்டமாக அம்பலமாகி இருக்கிறது.</p><p>‘உங்களுடன் ஸ்டாலின்’ திட்டத்தில் எந்த புதிய அம்சங்களும் இல்லை. பொதுச் சேவை பெறும் உரிமைச் சட்டத்தை நிறைவேற்றியிருந்தால் தமிழ்நாட்டு மக்களுக்கு ஆண்டின் 365 நாள்களும் கிடைக்கக் கூடிய சேவைகளை, முகாம்களுக்கு வரவழைத்து கையேந்தி பெற வைக்கும் திட்டம் தான் இது. இதை கடந்த வாரம் நான் வெளியிட்ட அறிக்கையில் விரிவாக விளக்கியிருந்தேன். எனது குற்றச்சாட்டுகள் அனைத்தும் உண்மை என்பதை இந்தத் திட்டத்தின் தொடக்க விழாவில் நடந்த நிகழ்வுகள் நிரூபித்துள்ளன.</p><p><strong>மேலும் படிக்க: </strong><a href="https://tamil.hindustantimes.com/tamilnadu/dr-anbumani-ramadoss-urges-government-to-drop-groundwater-tax-plan-for-agricultural-use-131751008508682.html" target="_blank">நிலத்தடி நீருக்கு வரியா? மத்திய அரசை விளாசும் அன்புமணி</a></p><h2>மோசடி திட்டம்</h2><p>கடலூர் மாவட்டம் சிதம்பரத்தில் முதலமைச்சர் மு.க.ஸ்டாலின் தலைமையில் நடந்த ‘உங்களுடன் ஸ்டாலின்’ திட்ட தொடக்க விழாவில், காதொலி கருவி கேட்டு விண்ணப்பித்த ஒருவருக்கு காதொலி கருவி, மருத்துவக் காப்பீட்டுத் திட்ட அட்டை கோரி விண்ணப்பித்த பெண்மணிக்கு காப்பீட்டு அட்டை, மின் இணைப்பு பெயர் மாற்றம் செய்யக் கோரிய ஒருவருக்கு அதற்கான ஆணையும் வழங்கப்பட்டுள்ன.</p><p>இந்த பயனாளிகள் அனைவரும் ஏற்கனவே தேர்வு செய்யப்பட்டு, அவர்களிடமிருந்து அதிகாரப்பூர்வமற்ற முறையில் முன்கூட்டியே விண்ணப்பம் பெறப்பட்டிருந்தது. இயல்பாகவே, இந்தக் கோரிக்கைகளுக்காக விண்ணப்பித்தால், ஓரிரு நாள்களில் அவை நிறைவேற்றப்படுவது வழக்கம் தான். ஆனால், அதற்காக ஒரு புதிய திட்டம், அதற்கான விளம்பரங்களுக்கு கோடிக்கணக்கில் மக்களின் வரிப்பணம் வீணடிக்கப்படுவது ஆகியவை கண்டிக்கத்தக்கவை. அதனால் தான் இத்திட்டத்தை மோசடித் திட்டம் என பாமக குற்றம் சாட்டுகிறது.</p><h2>தோல்வி பயத்தின் அப்பட்டமான வெளிப்பாடு</h2><p>உண்மையில் ‘உங்களுடன் ஸ்டாலின்’ திட்டம் திமுகவின் தோல்வி பயத்தின் அப்பட்டமான வெளிப்பாடு தான். 2026 தேர்தலில் திமுக படுதோல்வி அடைவது உறுதியாகி விட்ட நிலையில், அதைத் தடுப்பதற்கான முயற்சிகளில் ஈடுபட்டிருக்கும் திமுக, மக்களின் கவனத்தை ஈர்க்கவும், அரசின் செலவில் பரப்புரை செய்யவும் உருவாக்கியத் திட்டம் தான் ‘உங்களுடன் ஸ்டாலின்’ திட்டம். இத்திட்டத்தின் அடிப்படை நகரப் பகுதிகளில் நகர்ப்புற பகுதிகளில் 13 அரசுத்துறைகளைச் சார்ந்த 43 சேவைகளையும் ,ஊரகப்பகுதிகளில் 15 துறைகளைச் சேர்ந்த 46 சேவைகளையும் வழங்குவது தான்.</p><p>இந்த சேவைகளை வீடுகளுக்கு அருகில் உள்ள இ-சேவை மையங்களிலேயே பெற முடியும் எனும் நிலையில், இதற்காக நடத்தப்படும் முகாம்களுக்கு மக்கள் வரமாட்டார்கள். அதனால் தான், பெண்களை ஈர்க்கும் வகையில் கலைஞர் உரிமைத் தொகைக்கான விண்ணப்பங்கள் இந்த முகாம்களில் மட்டும் தான் பெற்றுக் கொள்ளப்படும் என்ற கவர்ச்சியான அறிவிப்பை திமுக அரசு வெளியிட்டிருக்கிறது. ஆனால், இதுவும் கூட அடிப்படையில் மக்களை ஏமாற்றும் வேலை தான்.</p><h2>ஏமாற்று வேலைக்கு மக்கள் மயங்க மாட்டார்கள்</h2><p>மாதம் ரூ.1000 பெறுவதற்கான மகளிர் உரிமைத் திட்டத்தில் சேருவதற்கு தேவையான ஆவணங்களை விண்ணப்பத்துடன் இணைத்து அளிக்கும்படி தமிழக அரசு அறிவித்திருக்கிறது. அதன்படி, தமிழகத்தில் நேற்று ஒரே நாளில் நடைபெற்ற நூற்றுக்கணக்கான முகாம்களில் பல்லாயிரக்கணக்கான பெண்கள், மகளிர் உரிமைத் தொகை கோரி உரிய சான்றுகளுடன் விண்ணப்பித்துள்ளனர்.</p><p><strong>மேலும் படிக்க: </strong><a href="https://tamil.hindustantimes.com/tamilnadu/mk-stalin-x-post-praising-dmk-party-members-for-oraniyil-tamil-nadu-campaign-on-a-path-towards-great-victory-131752135883417.html" target="_blank">மாபெரும் வெற்றியை நோக்கி பயணிக்கும் ஓரணியில் தமிழ்நாடு பிரச்சாரம்.. மு.க. ஸ்டாலின் பெருமிதம்</a></p><p>விண்ணப்பம் செய்த ஒரு மணி நேரத்தில் பயனாளிகளுக்கு காதொலி கருவி, மருத்துவக் காப்பீட்டு அட்டை, மின் இணைப்பு பெயர் மாற்றம் ஆகியவற்றை செய்து தர முடிந்த தமிழக அரசுக்கு, மகளிர் உரிமைத் திட்ட மனுக்களையும் உடனடியாக ஆய்வு செய்து அடுத்த சில மணி நேரங்களில் ஆணை பிறப்பிப்பதும் சாத்தியம் தான். அதன்படி உடனடியாக உரிமை தொகை கோரி விண்ணப்பித்த பல்லாயிரம் பெண்களுக்கு மகளிர் உரிமைத் தொகையை வழங்கியிருக்க முடியும். ஆனால், தமிழ்நாட்டில் எந்த இடத்திலும் அதற்கான ஆணைகள் வழங்கப்படவில்லை என்பது தான் உண்மை.</p><p>முகாம்களில் மட்டுமல்லாமல், முகாம்கள் முடிவடைந்த பிறகும் கூட, பொங்கல் திருநாள் வரை உரிமைத்தொகை வழங்கப்பட போவதில்லை. காரணம் அதற்கான நிதி அரசிடம் இல்லை. இந்தத் திட்டத்துக்கு ரூ.13,800 கோடி நிதி தேவைப்படும் நிலையில், அதை விட குறைவாக ரூ.7 கோடியை மட்டும் தான் தமிழக அரசு ஒதுக்கியுள்ளது.</p><p>அதைக் கொண்டு 5,833 பேருக்கு மட்டும் தான் கூடுதலாக உரிமைத் தொகை வழங்க முடியும். ஆனால், 10,000 மையங்களில் லட்சக்கணக்கான பெண்களிடமிருந்து விண்ணப்பங்களை வாங்க திமுக அரசு தீர்மானித்துள்ளது. ஆனால், அதற்கான பணம் அரசிடம் இல்லை என்பதால் நவம்பர் 14ஆம் தேதி வரை விண்ணப்பங்களை பெறப்போவதாகக் கூறி தாமதித்து விட்டு, பொங்கலுக்குப் பிறகு சில மாதங்களுக்கு மட்டும் பெண்களுக்கு உரிமைத் தொகையை அளித்து விட்டு ஏமாற்றுவது தான் இந்த அரசின் நோக்கமாகும். இந்த ஏமாற்று வேலைகளுக்கெல்லாம் தமிழக மக்கள் மயங்க மாட்டார்கள்.</p><h2>உரிமை தொகையை வழங்க வேண்டும்</h2><p>திமுக ஆட்சிக்கு வந்தால் அனைத்து குடும்ப அட்டைதாரர்களுக்கு உரிமைத் தொகை வழங்கப்படும் என்பது தான் திமுகவின் தேர்தல் வாக்குறுதி ஆகும். ஆனால், அதை செயல்படுத்தாமல் ஆட்சியாளர்களுக்கு வேண்டியவர்களுக்கு மட்டும் உரிமைத் தொகை கொடுத்து ஏமாற்றி வரும் திமுக அரசு, இப்போது அடுத்தப்பட்ட ஏமாற்று வேலைக்கு ஆயத்தமாகி வருகிறது. உண்மையாகவே மகளிருக்கு உரிமைத்தொகை வழங்குவதில் தமிழக அரசுக்கு அக்கறை இருந்தால், முகாம்களில் பெறப்படும் கலைஞர் உரிமைத்தொகை விண்ணப்பங்கள் மீது அரசு உடனடியாக நடவடிக்கை எடுத்து உரிமைத் தொகையை வழங்க வேண்டும்.</p><p>நடப்பு மாதத்தில் எத்தனை பேருக்கு உரிமைத்தொகை புதிதாக கிடைக்கும்? மொத்தம் எத்தனை பேருக்கு உரிமைத் தொகை கொடுக்க வேண்டும்? அதற்கான நிதியை தமிழக அரசு எப்படி திரட்டும்? என்பன உள்ளிட்ட அனைத்து விவரங்களையும் தமிழக அரசு வெளியிட வேண்டும். அதை விடுத்து வெறும் விளம்பரத்துக்காக மட்டும் அறிவிப்புகளை வெளியிட்டால், அது மக்களிடம் கோபத்தை ஏற்படுத்தும்.</p><p><strong>மேலும் படிக்க: </strong><a href="https://tamil.hindustantimes.com/tamilnadu/pmk-founder-dr-ramadoss-questions-tamil-nadu-government-on-fair-distribution-among-7-crore-people-in-the-state-131747293968413.html" target="_blank">கலைஞர் மகளிர் உரிமை தொகை: 7 கோடி ரூபாயில் எத்தனை பேருக்கு ரூ. 1000 கிடைக்கும்! ராமதாஸ் கேள்வி</a></p><p>எனவே, திமுக ஏற்கனவே வாக்குறுதி அளித்தவாறு அனைத்து மகளிருக்கும் மாதம் ரூ.1000 மகளிர் உரிமைத் தொகையை வழங்க வேண்டும். இல்லாவிட்டால் தமிழக மக்கள் சரியான பாடம் புகட்டுவார்கள்"</p><p>இவ்வாறு தனது அறிக்கையில் அன்புமணி ராமதாஸ் கூறியுள்ளார்.</p>

<ul><li>திமுக தோல்வி பயத்தின் அப்பட்டமான வெளிப்பாடாகவே உங்களுடன் ஸ்டாலின் திட்டம் இருப்பதாக பாமக தலைவர் அன்புமணி ராமதாஸ் தெரிவித்துள்ளார். ஏற்கனவே வாக்குறுதி அளித்தவாறு அனைத்து மகளிருக்கும் மாதம் ரூ.1000 மகளிர் உரிமை தொகையை வழங்காவிட்டால் மக்கள் சரியான பாடம் புகட்டுவார்கள் எனவும் கூறியுள்ளார்.</li></ul>

Chennai Super Kings: சென்னை விமான நிலையத்தில் "தோனி தோனி" என ஆரவாரம் - பெங்களுரு புறப்பட்ட சிஎஸ்கே வீரர்கள்

<ul><li>ஐபிஎல் 2024 தொடரில் தனது கடைசி லீக் போட்டியில் சென்னை சூப்பர் கிங்ஸ், ராயல் சேலஞ்சர்ஸ் பெங்களுரு அணியை எதிர்கொள்கிறது. பெங்களுரு சின்னசாமி மைதானத்தில் நடைபெறும் இந்த போட்டியில் பங்கேற்பதற்காக சிஎஸ்கே வீரர்கள் சென்னை விமான நிலையம் வந்தடைந்தனர்.</li></ul>

Deepak Chahar: சென்னையில் நடைபெற்ற விழாவில் பங்கேற்ற சிஎஸ்கே வீரர் தீபக் சஹர்

<ul><li>இந்திய கிரிக்கெட் வீரர் தீபக் சாஹர், சென்னை சேப்பாக்கம் மைதானத்தில் நடைபெற்ற இந்தியா சிமெண்ட்ஸ் ஸ்பான்சர் 'TNSJA (தமிழ்நாடு ஸ்பாட்ஸ் ஜர்னலிஸ்ட்ஸ் அசோசியேஷன்) ஆண்டு விருதுகள் மற்றும் உதவித்தொகை' நிகழ்ச்சியில் பங்கேற்று உரையாற்றினார்.</li></ul>

Dhoni Arrived in Chennai: ‘சென்னை வந்த தோனி.. பழைய ஹேர்.. புதிய கெட்டப்.. கருப்பு காரில் கலர்புல் எண்ட்ரி’

<ul><li>IPL 2024: குஜராத்தில் அம்பானி மகன் திருமண விழாவை முடித்த கையோடு அங்கிருந்து சென்னை வந்தடைந்தார் சிஎஸ்கே அணி கேப்டன் எம்.எஸ்.தோனி. ஐபிஎல் தொடரில் பங்கேற்பதற்காக விமான நிலையம் வந்த அவர், பிரத்யேக வழியில் அங்கிருந்து புறப்பட்டார். அவரை விமான நிலைய அதிகாரிகள் வரவேற்று, வழியனுப்பி வைத்தனர். கருப்பு நிற பிஎம்டபுள்யூ காரில் சிவப்பு உடையில் கெத்தான போன தோனியை, ‘வெல்கம் டூ சென்னை சார்’ என்று பலரும் வரவேற்றனர்.</li></ul>

ஆர்சிபி, சிஎஸ்கே போட்டிக்குப் பிறகு ஊதா தொப்பி பட்டியல்

slide

RCB vs CSK போட்டிக்குப் பிறகு ஊதா தொப்பி பட்டியல் எவ்வளவு மாறியுள்ளது?

குஜராத் டைட்டன்ஸ் அணியின் பிரசித் கிருஷ்ணா 10 போட்டிகளில் 19 விக்கெட்டுகள் எடுத்து 7.48 எக்கனாமியுடன் முதலிடத்தில் உள்ளார். இவரிடம் தான் ஊதா தொப்பி உள்ளது.

ஜோஷ் ஹேசில்வுட் 10 போட்டிகளில் 8.44 எக்கனாமியுடன் 18 விக்கெட்டுகளுடன் இரண்டாவது இடத்தில் உள்ளார்

சென்னை சூப்பர் கிங்ஸ் சுழற்பந்து வீச்சாளர் நூர் அகமது 8.05 எக்கனாமியுடன் மூன்றாவது இடத்திற்கு முன்னேறியுள்ளார். இவர் 16 விக்கெட்டுகளை இதுவரை இந்த சீசனில் கைப்பற்றி இருக்கிறார்.

மும்பை இந்தியன்ஸ் வேகப்பந்து வீச்சாளர் ட்ரெண்ட் போல்ட் 11 போட்டிகளில் 8.80 எக்கனாமியுடன் 16 விக்கெட்டுகளுடன் நான்காவது இடத்தில் உள்ளார்

க்ருனால் பாண்டியா 11 போட்டிகளில் 14 விக்கெட்டுகளுடன் 8.57 எகானமி ரேட்டுடன் ஐந்தாவது இடத்திற்கு முன்னேறியுள்ளார்

மிட்செல் ஸ்டார்க், கலீல் அகமது மற்றும் முகமது சிராஜ் ஆகியோரும் 14 விக்கெட்டுகளை வீழ்த்தியுள்ளனர், ஆனால் அவர்கள் தங்கள் எகானமி ரேட்டால் முதல் ஐந்து இடங்களில் இல்லை

பஞ்சாப் கிங்ஸ் அணியின் அர்ஷ்தீப் சிங் 10 விக்கெட்டுகளுடன் ஊதா தொப்பி பட்டியலில் 10வது இடத்தில் இருக்கிறார்.

யார் இந்த பிரியான்ஷ் ஆர்யா.. ஐபிஎல்-ல் 2 வது அதிவேக சதம் எடுத்த ஆட்ட நாயகன்!

யார் இந்த பிரியான்ஷ் ஆர்யா!

ஐபிஎல்-ல் 2 வது அதிவேக சதம் எடுத்த ஆட்ட நாயகன்!

விறுவிறுப்பாக நடந்து வரும் ஐபிஎல் கிரிக்கெட்டில் நேற்று முன்தினம் சென்னை சூப்பர் கிங்ஸ் - பஞ்சாப் கிங்ஸ் அணிகளுக்கு இடையில் போட்டி நடை பெற்றது. 

இந்த போட்டியில் பஞ்சாப் அணியின் தொடக்க ஆட்டக்காரரான இடது கை பேட்ஸ்மேன் பிரியான்ஷ் ஆர்யா 39 பந்துகளில் சதம் எடுத்து அசத்தினார். 

இவர் 42 பந்தில் 7 பவுண்டரி, 9 சிக்சருடன் 103 ரன்கள் குவித்து ஆட்ட நாயகன் விருதை பெற்றார்.

பிரியான்ஷ் ஆர்யா டெல்லியை சேர்ந்தவர். இவரது பெற்றோர் ஆசிரியர்களாக பணியாற்றி வருகின்றனர். இவருக்கு வயது 24

உத்தரப் பிரதேசம் மாநிலம் ஃபதேபூரில் பிறந்த பிரியான்ஷ் ஆர்யா டெல்லியில் வசித்து வருகிறார். 

டெல்லி பிரிமியர் லீக் கிரிக்கெட்டில் ஒரே ஓவரில் 6 சிக்சர் பெற்றதன் மூலம் ரசிகர்களின் கவனத்தை ஈர்த்தார். 

கிரிகெட்டில் புதிய ஹீரோவாக உருவெடுத்து வரும் பிரியான்ஸ் ஆர்யா கனவு உலகத்தில் இருப்பது போல் உணர்கிறேன் என்று தனது மகிழ்ச்சியை தெரிவித்துள்ளார். 

விறுவிறுப்பாக நடந்து வரும் ஐபிஎல் கிரிக்கெட்டில் நேற்று முன்தினம் சென்னை சூப்பர் கிங்ஸ் - பஞ்சாப் கிங்ஸ் அணிகளுக்கு இடையில் போட்டி நடை பெற்றது. 

MS Dhoni Records: ஐபிஎல் கிரிக்கெட்டில் தோனியின் ரெக்கார்டு

சிஎஸ்கேவின் முன்னாள் கேப்டன் எம்.எஸ்.தோனியின் ஐபிஎல ் ரெக்கார்ட்ஸ் இதோ

ஐபிஎல்லில் 200க்கும் மேற்பட்ட போட்டிகளில் சென்னை சூப்பர் கிங்ஸ் (CSK) அணியை வழிநடத்தியவர் தோனி, அந்த அணியை மிக நீண்ட காலம் வழிநடத்தியுள்ளார்.

தோனி சிஎஸ்கே அணியை 4 ஐபிஎல் பட்டங்களுக்கு (2010, 2011, 2018, மற்றும் 2021) வழிநடத்தியுள்ளார், இதன் மூலம் ஐபிஎல் வரலாற்றில் மிகவும் வெற்றிகரமான கேப்டன்களில் ஒருவராக அவரை மாற்றியுள்ளார்.

2025 ஆம் ஆண்டு நிலவரப்படி தோனி 240+ ஐபிஎல் போட்டிகளில் விளையாடியுள்ளார், இதன் மூலம் போட்டி வரலாற்றில் அதிக முறை விளையாடிய வீரர்களில் ஒருவராக அவர் திகழ்கிறார்.

ஐபிஎல்லில் ஒரு கேப்டனாக தோனி நிலையான பேட்டிங் சராசரியை பராமரித்து வருகிறார். அவரது சராசரி பெரும்பாலும் 40+ வரம்பில் இருக்கும், இது ஒரு கீழ்-நடுத்தர வரிசை பேட்ஸ்மேனுக்கு ஈர்க்கக்கூடியது.

ஐபிஎல் வரலாற்றில் ஒரு விக்கெட் கீப்பராக அதிக ஆட்டமிழக்கச் செய்தவர் என்ற சாதனையை தோனி வைத்திருக்கிறார், 350க்கும் மேற்பட்ட ஆட்டமிழக்கச் செய்தல்களுடன் (கேட்ச் + ஸ்டம்பிங்) அவர் உள்ளார்.

ஐபிஎல்லில் 16 பந்துகளில் தோனி அதிவேக அரைசதம் அடித்தார், இது போட்டியில் ஒரு வீரரின் அதிவேக அரைசத சாதனையாகும்.

சென்னை சூப்பர் கிங்ஸ் அணிக்காக அதிக ரன்கள் எடுத்த வீரர்களில் தோனியும் ஒருவர் ஆவார், மேலும் அணியின் மொத்த எண்ணிக்கையில் தொடர்ந்து முக்கிய பங்களிப்பாளராக இருந்து வருகிறார்.

MS Dhoni Catch: தோனி கேட்ச்-மிரண்டு போன விஜய் சங்கர்

தோனி பிடித்த கேட்ச்-மிரண்டு போன விஜய் சங்கர்

Shivam Dube: ஷிவம் துபே அரை சதம்: தோனி ரியாக்ஷன்

ஷிவம் துபே அரை சதம்: தோனி ரியாக்ஷன் என்ன தெரியுமா

Latest chennai super kings News

செய்திகள்

ஐபிஎல் 2025: குஜராத் டைட்டன்ஸை கவிழ்த்து விட்ட சிஎஸ்கே.. அபார வெற்றியுடன் இந்த சீசனுக்கு குட்பை

ஐபிஎல் 2025: சிஎஸ்கே பேட்ஸ்மேன்கள் வானவேடிக்கை.. இந்த சீசனில் அதிகபட்ச ஸ்கோர்! குஜராத்துக்கு கடின இலக்கு

ஐபிஎல் 2025: முதல் இடத்தை தக்கவைக்க முனைப்பில் குஜராத் டைட்டன்ஸ்! வெற்றியுடன் சீசனை முடிக்குமா சிஎஸ்கே?

ஐபிஎல் 2025: சிஎஸ்கேவுக்கு இன்னொரு தோல்வி! வெற்றியுடன் சீசனை பினிஷ் செய்த ராஜஸ்தான் ராயல்ஸ்

ஐபிஎல் 2025: மாத்ரே, பிரெவீஸ் அதிரடி.. பேட்டிங்கில் தடுமாறிய தோனி.. பினிஷிங்கில் சொதப்பிய சிஎஸ்கே

Loading...