Ponmudi Vs RN Ravi: ஆளுநரின் குட்புக்கில் இடம்பெற பொன்முடிக்கு வன வாசமா? உயர்கல்வி துறை மாற்றப்பட்டதன் பின்னணி என்ன?
Published Sep 29, 2024 03:34 PM IST
ஆளுநரின் பதவிக்காலம் முடிந்த பின்னும் ஆர்.என்.ரவி மாற்றபடுவதற்கான சாத்தியக்கூறுகள் தென்படாத நிலையில் மத்திய அரசு உடன் சுமூக உறவை பேண பொன்முடிக்கு வனத்துறையை கொடுத்து வனவாசத்திற்கு தலைமை அனுப்பி உள்ளதா என்ற கேள்வி அரசியல் வட்டாரங்களில் எழத்தொடங்கி உள்ளது.
Ponmudy Vs RN Ravi: ஆளுநரின் குட்புக்கில் இடம்பெற பொன்முடிக்கு வன வாசமா? உயர்கல்வி துறை மாற்றப்பட்டதன் பின்னணி என்ன?
கடந்த சில நாட்களாக எதிர்பார்க்கப்பட்டும், பேசப்பட்டும் வந்த அமைச்சரவை மாற்றும் இன்று நடந்தேற இருக்கின்றது. செந்தில் பாலாஜியின் ஜாமீனுக்காக காத்திருந்த முதலமைச்சர், செந்தில் பாலாஜி வெளியே வந்த உடன் தனது அமைச்சரவை மாற்ற பரிந்துரையை ஆளுநர் மாளிகைக்கு அளித்த நிலையில், அமைச்சரவையில் மாற்றம் குறித்த விவரங்கள் நேற்று வெளியானது.
உதயநிதி ஸ்டாலின் துணை முதலமைச்சராக அறிவிக்கப்பட்டு உள்ள நிலையில், மனோ தங்கராஜ், செஞ்சி மஸ்தான், கா.ராமச்சந்திரன் ஆகியோர் நீக்கப்பட்டு உள்ளனர்.
செந்தில் பாலாஜி, ஆவடி நாசர், பனைமரத்துப்பட்டி ராஜேந்திரன், கோவி.செழியன் ஆகியோர் அமைச்சரவையில் இடம் பிடித்து உள்ளனர். இது மட்டுமின்றி அமைச்சர்களின் இலாகாகளும் மாற்றப்பட்டு உள்ளன.