TOP 10 NEWS: சவுக்கு சங்கருக்கு நெஞ்சுவலி முதல் கவரப்பேட்டை ரயில் விபத்து வரை! இன்றைய டாப் 10 நியூஸ்!
TOP 10 NEWS: யூடியூபர் சவுக்கு சங்கர் மருத்துவமனையில் அனுமதி, கவரைப்பேட்டை ரயில் விபத்து விவகாரம், வடகிழக்கு பருவமழை எச்சரிக்கை, திமுகவுக்கு மருத்துவர் ராமதாஸ் கண்டனம் உள்ளிட்ட முக்கிய செய்திகளின் தொகுப்பு இதோ!
உள்ளூர் முதல் உலகம் வரை, தமிழகம் முதல் தேசம் வரையிலான அனைத்து விதமான முக்கிய செய்திகளை இந்தத் தொகுப்பில் தெரிந்து கொள்ளலாம்.
1.சவுக்கு சங்கர் மருத்துவமனையில் அனுமதி
சென்னையில் நெஞ்சுவலி மற்றும் உடல் நல குறைவால் யூடியூபர் சவுக்கு சங்கர் தனியார் மருத்துவமனையில் அனுமதிக்கப்பட்டு உள்ளார்.
2.ரயிலை கவிழ்க்க சதியா?
திருவள்ளூர் மாவட்டம் கவரைப்பட்டையில் ரயில் விபத்து நேரிட்ட தண்டவாளத்தில் போல்டுகள் கழற்றப்பட்டதாக என்.ஐ.ஏ அதிகாரிகள் தகவல். பொன்னேரி ரயில் நிலையத்தில் ஏற்கெனவே இதே போல் போல்டுகள் கழற்றப்பட்டு உள்ளன. விபத்து குறித்து விசாரணை செய்து அடுத்த 10 முதல் 15 நாட்களில் அறிக்கை தரப்படும் என தேசிய புலான்ய்வு முகமை தெரிவித்து உள்ளது.
3. கலைஞர் நூற்றாண்டு பூங்காவில் பழுது
சென்னை தேனாம்பேட்டை அருகே புதிதாக திறக்கப்பட்ட கலைஞர் நூற்றாண்டு பூங்காவின் ஜிப் லைனில் பழுது ஏற்பட்டது. 20 நிமிடங்கள் வரை ஜிப் லைன் செயல்படாததால் கயிறு மூலம் இரு பெண்களும் மீட்கப்பட்டனர்.
4. சிலிண்டர் வெடித்து காயம்
சென்னையை அடுத்த பூந்தமல்லியில் உள்ள சக்தி நகரில் வீட்டு உபயோக சிலிண்டர் வெடித்து விற்பத்து ஏற்பட்டது. குமார் என்பவர் வீட்டில் சிலிண்டர் வெடித்ததில் 2 சிறுவர்கள் உட்பட 5 பேர் காயம்.
5.ரயில் விபத்து குறித்து சு.வெ. கேள்வி
ஆறுநாட்களுக்கு ஒரு ரயில் விபத்து நடந்து கொண்டு வருகின்றது. ஒவ்வொரு விபத்துகள் நடக்கும் போது நடைபெறுவது ஆய்வுகள் மட்டுமே, ஆய்வின் முடிவுகளை வைத்துக் கொண்டு தீர்வுகளை உருவாக்குவது யார்?, உயிர்சேதம் இல்லாத பெரும் நிம்மதி இருந்தாலும், ஒவ்வொரு ரயில் பயணத்டையும் நிம்மதி இல்லாத பதட்டத்தை நோக்கி தள்ளும் சூழலில் இருந்து மீள ரயில்வே துறை என்னதான் செய்யப்போகிறது என மதுரை நாடாளுமன்ற உறுப்பினர் சு.வெங்கடேசன் கேள்வி.
6.வங்க கடலில் புதிய காற்றழுத்த தாழ்வு பகுதி
வங்கக்கடலில் வரும் அக்டோபர் 14ஆம் தேதி அன்று புதிய காற்றழுத்த தாழ்வுப்பகுதி உருவாகும் என சென்னை மண்டல வானிலை ஆய்வு மையம் எச்சரிக்கை விடுத்து உள்ளது.
7.8 மாவட்டங்களில் கனமழை எச்சரிக்கை
கோவை, நீலகிரி, தஞ்சாவூர், திருவாரூர், நாகப்பட்டினம், மயிலாடுதுறை, அரியலூர், பெரம்பலூர் மாவட்டங்களில் கனமழை பெய்யும் என சென்னை மண்டல வானிலை ஆய்வு மையம் எச்சரிக்கை.
8.பருவமழையை எதிர்கொள்ள தயார்
வடகிழக்கு பருவமழையை எதிர்கொள்ள அரசு தயாராக உள்ளது. பருவமழைக்கு முன்பாகவே அத்தியாவசிய பொருட்களை அனுப்பி வைக்க ஏற்பாடுகள் செய்யப்பட்டு உள்ளன. தமிழ்நாடு முழுவதும் நீர்நிலைகள் கண்காணிக்கப்படுகின்றன. அவசரகால செயல்பாட்டு மையம் மூலம் தண்ணீர் தேங்கிய பகுதிகளை கண்டறிய நடவடிக்கை எடுக்கப்படும் என வருவாய் மற்றும் பேரிடர் மேலாண்மை துறை அமைச்சர் கே.கே.எஸ்.எஸ்.ஆர்.ராமச்சந்திரன் பேட்டி.
9.முதலமைச்சர் மீது வானதி விமர்சனம்
தமிழ்நாடு முதலமைச்சர் மு.க.ஸ்டாலின் ஆயுதபூஜைக்கு வாழ்த்து தெரிவிப்பதில் என்ன தயக்கம்? இந்து பண்டிகைகளுக்கு வாழ்த்து சொல்லாமல் முதலமைச்சர் தவிர்க்கிறார் என பாஜக எம்.எல்.ஏ வானதி சீனிவாசன் விமர்சனம்.
10.திமுக அரசை சாடும் ராமதாஸ்
நாங்கள் ஆட்சிக்கு வந்தால் தமிழ்நாட்டில் தேனாறும், பாலாறும் ஓடும் என்று கூறி, பொய்யான வாக்குறுதிகளால் மக்களை ஏமாற்றி ஆட்சிக்கு வந்த திமுக, மக்களுக்கு அளித்த வாக்குறுதிகளில் 450&க்கும் கூடுதலான வாக்குறுதிகளை நிறைவேற்றவில்லை. தமிழ்நாட்டில் ஐந்தரை லட்சம் இளைஞர்களுக்கு அரசு வேலை வழங்கப் படும் என்று அறிவித்த திமுக அரசு, ஓய்வுபெற்றவர்களால் ஏற்பட்ட காலியிடங்களைக் கூட நிரப்ப மறுக்கிறது. குத்தகை முறை பணி நியமனங்களின் மூலம் இளைஞர்களை அடிமாட்டு ஊதியத்திற்கு பணியமர்த்துகிறது. தனியார் நிறுவனங்களில் உள்ளூர் இளைஞர்களுக்கு 75% இட ஒதுக்கீடு வழங்கப்படும் என்று வாக்குறுதி அளித்த திமுக, பன்னாட்டு நிறுவனங்களுக்கு அஞ்சி, உள்ளூர் மக்களுக்கு வேலை உத்தரவாதத்தை மறுக்கிறது என பாமக நிறுவனர் மருத்துவர் ராமதாஸ் கண்டனம்.
டாபிக்ஸ்