Vairamuthu: வீடு இல்லாம தெருவுலயா இருக்காரு ? இவருக்கு எதுக்கு கனவு இல்லம் வீடு? தமிழ்நாடு அரசை விளாசும் சவுக்கு சங்கர்

ஏற்கெனவே வீடு வைத்திருக்கும் விருதாளர்களும், மத்திய மாநில அரசுகளில் பணியாற்றுபவர்களும் மற்றும் ஓய்வூதியம் பெற்று வரும் விருதாளர்களும் இத்திட்டத்தில் பயன்பெற முடியும். ‘கனவு இல்லம்’ திட்டத்தின் கீழ் விண்ணப்பிக்கும் நேர்வில் ஒவ்வொரு நிதியாண்டுக்கும் அதிகபட்சமாக 10 விருதாளர்களுக்கு வீடுகளை தமிழ்நாடு அரசு வழங்கி வருகிறது. இந்த வீடுகளை பெற தமிழ் வளர்ச்சித்துறையின் வலைத்தளத்தில் கிடைக்கும் விண்ணப்பம் மூலம் வீடுகளை பெற்ற விண்ணப்பிக்கலாம் என தமிழ்நாடு அரசு தெரிவித்துள்ளது.

இந்த நிலையில் கவிஞர் வைரமுத்துவிற்கு ஏற்கெனவே வீடு இருக்கும் நிலையில் இவருக்கு எதற்கு கனவு இல்லம் திட்டத்தின் கீழ் வீடு வழங்க வேண்டும் என பத்திரிக்கையாளரும் அரசியல் விமர்சகருமான சவுக்கு சங்கர் ட்வீட் செய்துள்ளார்.

வீடு இல்லாம தெருவுலயா இருக்காரு ? இவருக்கு எதுக்கு கனவு இல்லம் வீடு ? பெரியார் படத்துல ஒரு பாட்டுக்கு 5 லட்சம் வாங்குன பெரிய மனுசன் என்றும் சவுக்கு சங்கர் விமர்சித்துள்ளார்.

மேலும் கவிஞர் வைரமுத்துவுக்கு சொந்தமாக ஏற்கெனவே மூன்று வீடு உள்ளதாகவும் சவுக்கு சங்கர் ட்வீட் செய்துள்ளார்.