U20 Junior Wrestling Championship: தொடர்ந்து இரண்டாவது தங்கம் - சாதனை புரிந்த இளம் வீராங்கனை
யு20 உலக ஜூனியர் மல்யுத்த சாம்பியன்ஷிப் தொடரில் தொடர்ந்து இரண்டாவது முறையாக தங்கம் வென்று சாதனை புரிந்துள்ளார் இந்திய இளம் வீராங்கனை ஆன்டிம் பங்கல்.
இருபது வயதுக்கு உட்பட்டோருக்கான ஜூனியர் உலக மல்யுத்த சாம்பியன்ஷிப் போட்டி ஐக்கிய அரபு அமீரகத்தை சேர்ந்த நாடான ஜோர்டானில் நடைபெற்று வருகிறது. இந்த தொடரின் 53 கிலோ எடை பிரிவு இறுதி போட்டியில் இந்திய வீராங்கனை ஆன்டிம் பங்கல், உக்ரைன் நாட்டின் மரியா எப்ரிமோவாவை எதிர்கொண்டார்.
பரபரப்பாக நடைபெற்ற இந்தப் போட்டியில் 4-0 என்ற கணக்கில் ஆன்டிம் பங்கல் வெற்றி பெற்றுள்ளார். இது இந்த தொடரில் இந்தியாவுக்கு கிடைத்த இரண்டாவது தங்க பதக்கமாகும்.
அத்துடன் கடந்த ஆண்டிலும் இதே தொடரில் தங்கம் வென்ற முதல் இந்திய வீராங்கனை என்ற சாதனை புரிந்தார் ஆன்டிம் பங்கல். இதைத்தொடந்து தற்போது உலக ஜூனியர் மல்யுத்த சாம்பியன்ஷிப் தொடரில் இரண்டாவது தங்கமும் வென்று சாதித்துள்ளார்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்