Carlsen: உலக பிளிட்ஸ் சாம்பியன்ஷிப்பை வென்ற மேக்னஸ் கார்ல்சன் - ரஷ்ய செஸ் ஜாம்பவான் கூறிய அட்வைஸ்

ஒரு மோசமான தொடக்கத்திலிருந்து மீண்ட மேக்னஸ் கார்ல்சன்,  21 சுற்றுகளில் இருந்து 16 புள்ளிகளைப் பெற்றார். இதனால் ரஷ்ய கிராண்ட் மாஸ்டர்களான டேனில் டுபோவ் (15.5 புள்ளிகள்) மற்றும் விளாடிஸ்லாவ் ஆர்டெமியேவ் (15 புள்ளிகள்) ஆகியோர் அடுத்தடுத்த புள்ளிகள் மூலம் போட்டியில் இருந்து வெளியேற்றப்பட்டனர். 32 வயதான நார்வே வீரர் மேக்னஸ் கார்ல்சன், இவ்வாறு தனது இரண்டு மகுடங்களையும் பாதுகாத்து ஒட்டுமொத்தமாக தனது 17ஆவது உலக சாம்பியன்ஷிப் பட்டத்தை கைப்பற்றினார். அனைத்து வடிவங்களிலும் தனது ஆதிக்கத்தை அதிகரித்துள்ளார், மேக்னஸ் கார்ல்சன் (அவர் 5 கிளாசிக்கல் பட்டங்கள், 5 ரேபிட் மற்றும் 7 பிளிட்ஸ் செஸ் பட்டங்களை வென்றுள்ளார்).

இந்த வெற்றிக்குப் பிறகு ரஷ்ய செஸ் ஜாம்பவான் கேரி காஸ்பரோவ் கார்ல்சனை வெகுவாகப் பாராட்டினார். "இந்த கட்டத்தில் மேக்னஸுக்கு ஒரு பயிற்சியாளர் தேவையில்லை, அதிக கோப்பைகளை வெல்ல அவருக்கு ஒரு தச்சர் தேவை(வழிகாட்டி)" என்று காஸ்பரோவ் ஒரு எக்ஸ் இடுகையில் கூறினார். 

முன்னதாக, டிசம்பர் 29ஆம் தேதி முதல் 30ஆம் தேதி வரை, கார்ல்சன் மோசமான ஆட்டத்தைக் கொண்டிருந்தார். ரவுண்ட் 13-ல் மேக்சிம் வாச்சியர்-லாக்ரேவிடம் தோல்வியடைந்தார். ஆனால் கடைசி இரண்டு சுற்றுகளில் டிரா செய்த போதிலும், அவர் தொடர்ந்து ஆறு வெற்றிகளுடன் மீண்டு வந்தார்.

போட்டிக்குப் பின் கார்ல்சன் கூறுகையில், "நான் நாள் முழுவதும் பதற்றத்தில் ஓடுவது போல உணர்ந்தேன். ஆனால் கடைசியில் யாரும் தங்களால் முடிந்ததை விளையாடுவதில்லை. போராடுகிறார்கள் என்பது புரிந்தது. இந்த ஆட்டத்தில் தப்பிப்பது பற்றி சிந்தித்தேன். நான் அதை நாசூக்காக செய்ததில் மகிழ்ச்சியடைகிறேன், "என்று கார்ல்சன் ஃபிடே கூட்டமைப்பிடம் கூறினார்.

ஆரம்பத்தில் முதல் சுற்றுக்குப் பிறகு இந்திய வீரர்களான நிஹால் சரின், அர்ஜூன் எரிகைசி ஆகியோர் விளையாடிய போதிலும், இறுதிச்சுற்றுக்கு முன்னேற முடியவில்லை. வெள்ளிக்கிழமை 12 சுற்றுகளுக்குப் பிறகு 9 புள்ளிகளுடன் முதலிடத்தில் இருந்த எரிகைசி மற்றும் சரின் முறையே ஆறாவது மற்றும் 43 இடங்களைப் பிடித்தனர். மூன்று வெற்றிகள், இரண்டு தோல்விகள் (கார்ல்சனுக்கு எதிராக உட்பட) மற்றும் நான்கு டிராக்களுக்குப் பிறகு எரிகைசி 14 புள்ளிகளைப் பெற்றார். டிசம்பர் 30ல் ஒரு வெற்றியைக் கூட (6 டிராக், 3 தோல்வி) பதிவு செய்யத் தவறிய சரின் பெரும்சரிவைச் சந்தித்தார்.

அரவிந்த் சிதம்பரம் (14, 13.5 புள்ளிகள்) இரண்டாவது இடத்தையும், ஆர்.பிரக்ஞானந்தா (28, 12.5 புள்ளிகள்) இரண்டாமிடத்தையும் பிடித்தனர். டி.குகேஷ் 12.5 புள்ளிகளுடன் 38-வது இடத்தைப் பிடித்தார். மகளிர் பிளிட்ஸ் பிரிவில் ரஷியாவின் வாலண்டினா குனினா வெற்றி பெற்றார்.வெள்ளிப்பதக்கம் வென்ற கொனேரு ஹம்பி 17 சுற்றுகளில் 10.5 புள்ளிகளுடன் 5வது இடம் பிடித்தார்.