Cristiano Ronaldo : 900 கோல் அடித்த முதல் வீரர்.. வரலாற்று சாதனையை படைத்த கிறிஸ்டியானோ ரொனால்டோ!
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  விளையாட்டு  /  Cristiano Ronaldo : 900 கோல் அடித்த முதல் வீரர்.. வரலாற்று சாதனையை படைத்த கிறிஸ்டியானோ ரொனால்டோ!

Cristiano Ronaldo : 900 கோல் அடித்த முதல் வீரர்.. வரலாற்று சாதனையை படைத்த கிறிஸ்டியானோ ரொனால்டோ!

Divya Sekar HT Tamil Published Sep 07, 2024 07:00 PM IST
Divya Sekar HT Tamil
Published Sep 07, 2024 07:00 PM IST

Cristiano Ronaldo : 34ஆவது நிமிடத்தில் கிறிஸ்டியானோ ரொனால்டோ ஒரு கோலடித்தார். இதன் மூலம் கால்பந்து உலகில் 900 கோல் அடித்த முதல் வீரர் என்ற வரலாற்று சாதனையை ரொனால்டோ படைத்துள்ளார்.

Cristiano Ronaldo : உலகில் 900 கோல் அடித்த முதல் வீரர் என்ற வரலாற்று சாதனையை படைத்த கிறிஸ்டியானோ ரொனால்டோ!
Cristiano Ronaldo : உலகில் 900 கோல் அடித்த முதல் வீரர் என்ற வரலாற்று சாதனையை படைத்த கிறிஸ்டியானோ ரொனால்டோ! (REUTERS)
Share on Whatsappஎங்களை பின் தொடரலாம்
  • Share on Twitter
  • Share on Facebook

கிறிஸ்டியானோ ரொனால்டோவின் 900ஆவது கோல் வியாழக்கிழமை குரோஷியாவுக்கு எதிரான முதல் நேஷன்ஸ் லீக் ஆட்டத்தில் போர்ச்சுகல் 2-1 என்ற கோல் கணக்கில் வெற்றி பெற உதவியது.

கிறிஸ்டியானோ ரொனால்டோ உலகப் புகழ்பெற்ற கால்பந்து வீரர்களில் ஒருவராக வலம் வருகிறார். இதுவரை கால்பந்து உலகில் பல சாதனைகளைப் ரொனால்டோ படைத்திருக்கிறார். பல்வேறு விதமான கிளப் போட்டிகளில் விளையாடி வரும் இவர், பல அணிகளுக்கு கோப்பையை வென்று கொடுத்துள்ளார். 

முன்னிலையை இரட்டிப்பாக்கினார்

போர்ச்சுகலின் ஐந்து யூரோ 2024 ஆட்டங்களில் கோல் அடிக்கத் தவறிய ரொனால்டோ, நுனோ மென்டிஸ் கொடுத்த சரியான கிராஸின் முடிவில் தனது மைல்கல்லை எட்டினார், மேலும் 39 வயதான அவர் 34 வது நிமிடத்தில் நெருக்கமான தூரத்திலிருந்து தட்டி முன்னிலையை இரட்டிப்பாக்கினார். 

900 கோல் அடித்த முதல் வீரர்

ஆனால் இவரது போர்ச்சுகல் அணி மட்டும் உலகக் கோப்பையை வென்றதில்லை. இந்நிலையில் நேற்று முன்தினம் நடைபெற்ற நேஷன்ஸ் லீக் கால்பந்து போட்டியில் குரோஷியாவுக்கு எதிராக விளையாடிய போர்ச்சுகல் அணி 2-1 என்ற கோல் கணக்கில் வெற்றி பெற்றது. இப்போட்டியில் 34-வது நிமிடத்தில் கிறிஸ்டியானோ ரொனால்டோ ஒரு கோலடித்தார். இதன் மூலம் கால்பந்து உலகில் 900 கோல் அடித்த முதல் வீரர் என்ற வரலாற்று சாதனையை ரொனால்டோ படைத்துள்ளார். இவருக்கு அடுத்தபடியாக அர்ஜெண்டினா வீரர் லயோனல் மெஸ்ஸி 838 கோல் அடித்து 2-வது இடத்தில் உள்ளார்.

யார் இந்த கிறிஸ்டியானோ ரொனால்டோ

போர்ச்சுகல் நாட்டின் பஞ்சால் மாகாணத்தில், மதீரா தீவில் 1985ஆம் ஆண்டு, பிப்ரவரி 5ஆம் தேதி பிறந்தவர் கிறிஸ்டியானோ ரொனால்டோ. இவரது பெற்றோர் நின்னிஸ் - மதிரா. ரொனால்டோ பிறந்த போது அமெரிக்காவின் அதிபராக இருந்தவர் ரொனால்ட் ரீகன். 

முதலில் தோட்ட வேலை பார்த்து வந்த ரொனால்டோவின் தந்தை பின்னர் கால்பந்து கிளப் ஒன்றில் வேலைக்கு சேர்ந்தார். அப்போது தந்தையுடன் கிளப்புக்கு வேடிக்கை பார்க்க சென்றார் ரொனால்டோ. மைதானத்தில் விளையாடிய வீரர்களை பார்த்து ரொனால்டோவுக்கு கால்பந்து மீது ஆர்வம் ஏற்பட்டது.

தனது 7வது வயதில் தந்தை பணியாற்றிய உள்ளூர் கிளப் அணியில் சிறுவர்களுக்கான அணியில் ரொனால்டோவுக்கு விளையாட வாய்ப்பு கிடைத்தது. ஒரு சாதாரணக் குடும்பத்தில் பிறந்த ரொனால்டோ, அன்று தொடங்கிய பயணம் கால்பந்தாட்ட உலகின் தலைசிறந்த வீரர்களில் ஒருவராக இன்றும் தொடர்கிறார் ரொனால்டோ.

ஒரு பில்லியன் டாலர் வாங்கியவர்

39 வயதை எட்டியுள்ள அவர் போர்ச்சுகல் மற்றும் அல்-நசர் அணிக்காக விளையாடி வருகிறார். கால்பந்து விளையாட்டு வீரர்களில் உலகிலேயே முதன்முறையாக அதிகபட்ச ஊதியமாக ஒரு பில்லியன் டாலர் வாங்கியவர் என்ற பெருமையை பெற்றவர்.

2003 முதல் 2022ஆம் ஆண்டு வரை உலகின் தலைச்சிறந்த கால்பந்தாட்ட வீரர்கள் பட்டியலில் தொடர்ந்து முன்னிலை வகித்து வந்தார் ரொனால்டோ.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.