Chennai super Kings : சிஎஸ்கே - சன்ரைசர்ஸ் ஆட்டம் - டிக்கெட் வாங்க குவிந்தது கூட்டம்

ஐபிஎல் கிரிக்கெட் தொடரில் சென்னை சூப்பர் கிங்ஸ் அணி தனது 6வது லீக் போட்டியில்சன் ரைசர்ஸ் ஹைதராபாத் அணியை எதிர்கொள்கிறது. இந்தப்போட்டி, வரும் 21ம் தேதி சென்னைசேப்பாக்கம் மைதானத்தில் நடைபெறவுள்ளது.

இந்த போட்டியை நேரில் காண்பதற்கான டிக்கெட் விற்பனை இன்று காலை 9.30 மணிக்கு துவங்கியது.

அதன்படி ரூ.1,500, 2,000, மற்றும் ரூ.2,500 டிக்கெட்டுகள் மட்டும்கவுன்டரில் வழங்கப்பட்டன. சென்னையில் நடைபெற்ற முந்தைய இரு போட்டிகளுக்கான டிக்கெட்டை வாங்க, நள்ளிரவு முதலே ரசிகர்கள் காத்துக் கிடந்தனர். ஆனால், இன்றைய டிக்கெட் விற்பனைக்கு காலையில் தான் ரசிகர்கள் வரவேண்டும் என்று காவல்துறை சார்பில் உத்தரவிடப்பட்டது.

இதன்படி, காலையில் வந்த ரசிகர்கள் டிக்கெட்களை நீண்ட வரிசையில் காத்திருந்து பெற்றுச்சென்றனர். மேலும், சென்னை - ராஜஸ்தான் அணிகள் மோதிய போட்டியின்போது கள்ளச்சந்தையில் கூடுதல் விலைக்கு டிக்கெட் விற்பனை செய்ததாக 20க்கும் மேற்பட்டோர் கைதுசெய்யப்பட்டனர். எனவே, கள்ளச்சந்தையில் விற்பனை செய்யும் நோக்கில் டிக்கெட் வாங்க வரும் நபர்களை கண்டறிந்து உரிய நடவடிக்கை எடுக்கவேண்டும் என்று ரசிகர்கள் கோரிக்கை விடுத்துள்ளனர்.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.