டி20 கிரிக்கெட்டில் டுவெய்ன் பிரோவோ முதல் ஆளாக செய்த சாதனை!

38 வயதாகும் பிராவோ, தற்போது இங்கிலாந்தில் நடைபெறும் தி ஹண்ட்ரட் டி20 போட்டியில், நார்தர்ன் சூப்பர் சார்ஜர்ஸ் அணிக்காக விளையாடுகிறார்.

இதையடுத்து ஓவல் இன்விசிபிள்ஸ் என்ற அணிக்கு எதிரான போட்டியில் 2 விக்கெட்டுகளை வீழ்த்திய பிராவோ, டி20 கிரிக்கெட்டில் 600 விக்கெட் என்ற மைல்கல்லை எட்டினார். இந்த சாதனையை புரிந்த முதல் வீரர் என்ற பெருமையை பிராவோ புரிந்துள்ளார்.

சர்வதேச டி20 மற்றும் உள்ளூர் டி20 லீக்குகள் என மொத்தமாக 545 டி20 போட்டிகளில் பங்கேற்றுள்ள அவர், 600 விக்கெட்டுகளை வீழ்த்தியுள்ளார். இவரது சிறந்த பெளலில் 5/23 என உள்ளது.

பெளலிங்கை போல் பேட்டிங்கில் கலக்கியுள்ள பிராவோ 6850 ரன்கள் குவித்துள்ளார். இவரது அதிகபட்ச ஸ்கோர் 70 நாட் அவுட் உள்ளது. அதேபோல் 256 கேட்ச்களையும் அவர் பிடித்துள்ளார்.

டி20 கிரிக்கெட்டில் அதிக விக்கெட்டுகளை எடுத்திருப்பவர்கள் பட்டியலில் முதல் இடத்தில் டுவெயின் பிராவோவும், இரண்டாவது இடத்தில் ஆப்கானிஸ்தான் சுழற்பந்து வீச்சாளர் ரசீத் கான் 466 விக்கெட்டுகளுடனும், மூன்றாவது இடத்தில் வெஸ்ட் இண்டீஸ் மிஸ்ட்ரி ஸ்பின்னர் சுனில் நரைன் 460 விக்கெட்டுகளுடனும் உள்ளார்கள்.