உலக அளவில் 14வது வீரர்..இந்தியாவில் இரண்டாவது வீரராக அர்ஜுன் எரிகாசி புரிந்த சாதனை

சமீபத்தில் நடந்து முடிந்த செஸ் ஒலிம்பியாட்டில் போர்டு 3ல் டெர்மினேட்டர்-மோடுக்குச் சென்றார், மேலும் ஒரு தனிப்பட்ட தங்கம் மற்றும் ஒரு ஆட்டமிழக்காத, 10/11 ரன் உடன் முடித்தார். டிசம்பர் 2023இல் உலக அளவில் 30வது இடத்தைப் பிடித்ததிருந்தார்.

உலக அளவில் 14 வீரர்களில் ஒருவராக சாதனை

இதையடுத்து ஐந்து முறை உலக சாம்பியனான விஸ்வநாதன் ஆனந்த்க்குப் பிறகு 2800 ரன்களைக் கடந்த இரண்டாவது இந்திய வீரர் என்ற பெருமையை அர்ஜுன் பெற்றார். சக இந்திய மற்றும் உலக சாம்பியன்ஷிப் போட்டியாளர் டி குகேஷ் அவருடன் இணைவதற்கான வாய்ப்பை பெறும் வீரராக உள்ளார். இது இந்திய செஸ் விளையாட்டு எவ்வளவு தூரம் பயணித்துள்ளது என்பதற்கான அடையாளமாகும். 2800 கிளப் ஒரு அரிதான ஒன்றாகும். வரலாற்றில் 14 வீரர்கள் மட்டுமே வெளியிடப்பட்ட மதிப்பீடுகளில் 2800எலோவைக் கடந்துள்ளனர்.

அர்ஜுன் ஐரோப்பிய கிளப் கோப்பையில் 3/3 என்ற தொடக்கத்தைப் பெற்றார். கடந்த செவ்வாய்க்கிழமை முன்னாள் பயிற்சியாளர் விக்டர் மிகலேவ்ஸ்கிக்கு எதிரான வெற்றியின் மூலம் 2799.6 நேரடி மதிப்பீட்டைத் தொட்டார். இதன் பின்னர் அலெக்சாண்டர் ப்ரெட்கேக்கு எதிரான ஒரு டிரா, அவரது 2800 ஏறுதலுக்கு குட்டி பிரேக் போட்டது .

வியாழன் அன்று, தனது கிளப் அல்கலாய்டுக்காக ரவுண்ட் 5ல் ஒயிட் பீஸ்ஸுடன் திரும்பிய அர்ஜுன், தொடக்க ஆட்டத்தில் அதிக முனைப்பைக் காணவில்லை. இதனால் சிக்கலான நிலைக்கு தள்ளப்பட்டார். டிமிட்ரி ஆண்ட்ரேக்கின் மையத்தில் ஒரு வலுவான பிஷப்பை நிறுத்தினார். பரபரப்பாக சென்ற இந்த போட்டியில் ஆண்ட்ரேக் வெளியேற, 2798 எலோவை பெற்றருந்த அர்ஜுன், வெற்றியுடன் நேரடி மதிப்பீடுகளில் 2800ஐ கடந்தார்.

எலோ என்றால் என்ன?

எலோ மதிப்பீடு என்பது ஒரு செஸ் வீரரின் ஒப்பீட்டு திறன் அளவை அளவிடுவதற்கான ஒரு அமைப்பாகும். இது உலகெங்கிலும் உள்ள பெரும்பாலான செஸ் கூட்டமைப்புகள் மற்றும் வலைத்தளங்களால் பயன்படுத்தப்படுகிறது.

செஸ் வீரர் பெற்றிருக்கும் புள்ளிகளில் அதிக முன்னிலை பெறுவதைத் தடுக்கும் வகையில் இந்த அமைப்பு வடிவமைக்கப்பட்டுள்ளது. எடுத்துக்காட்டாக, அதிக மதிப்பிடப்பட்ட வீரர் வெற்றிபெற அதிக வாய்ப்பு உள்ளது. எனவே ஒரு விளையாட்டை வென்றால் அவர்களுக்கு குறைவான புள்ளிகள் கிடைக்கும். குறைந்த மதிப்பிடப்பட்ட வீரரிடம் தோல்வி அடைவது அல்லது டிரா செய்வது பெரிய புள்ளி இழப்புக்கு வழிவகுக்கும்.

சீன கிராண்மாஸ்டர் பாராட்டு

உலக அளவில் செஸ் விளையாட்டில் ஆதிக்கம் செலுத்துபவர்களாக குகேஷ், பிரக்ஞானந்தா மற்றும் அர்ஜுன் போன்ற வீரர்கள் இருந்து வருகிறார்கள் எனவும், இவர்கள் மிக விரைவாக வளர்ந்துள்ளனர் என சீனா சீன கிராண்ட்மாஸ்டர் வெய் யி கூறினார். 

இதுதொடர்பாக அவர் மேலும் கூறியதாவது, “இந்த ஆண்டு, அவர்கள் உலகின் சிறந்த சதுரங்க வீரர்களாக இருக்கலாம். ஒருவேளை மற்ற நாடுகள் இந்தியாவிடமிருந்து நிறைய கற்றுக்கொள்ளலாம். சீனாவில், நாங்கள் அதிக வலுவான இளம் வீரர்களைக் காணவில்லை. இந்தியர்களைத் தடுக்க முயற்சிக்க எங்களுக்கு இன்னும் சில ஆண்டுகள் தேவை என்று நான் நினைக்கிறேன்” என்றார்.

தொடர்ந்து, 25 வயதான வெய் யி, “குகேஷுக்கு எதிரான ஆட்டத்தில், நான் எளிதாக டிரா செய்ய முடியும் என்று தோன்றியது. ஆனால் பின்னர் அவர் கவனமாக சிந்திக்கத் தொடங்கினார் மற்றும் சில கடினமான நகர்வுகளைச் செய்தார். நான் தவறுகள் செய்தேன், நேர சிக்கலில் சரியாக செயல்படவில்லை. நான் மேம்படுத்த வேண்டிய விஷயங்கள் நிறைய இருக்கிறது. இப்படி ஒரு எண்ட்கேமை நான் இழந்த விதம் எனக்கு வருத்தமாக இருந்தது. இந்த இளம் வீரர்கள் மிகவும் வலிமையானவர்கள், அவர்களை எதிர்கொள்வது எளிதல்ல. அதனால், நான் இப்போது மிகவும் பதட்டமாக உணர்கிறேன்” என்று கூறினார்