Vladimir Putin: 'டேபிளில் இடித்து கீழே விழுந்து கிடந்தாரா ரஷ்ய அதிபர் புதின்?'-வெளியான பரபரப்பு தகவல்

"அநேகமாக, அதிபர் விழுந்தபோது, அவர் மேஜையில் பட்டு தரையில் விழுந்திருக்கக் கூடும், இது சத்தத்தை ஏற்படுத்தியது. குடியிருப்பில் பணியில் இருந்த மற்றும் அருகிலுள்ள அறைகளில் ஒன்றில் இருந்த மருத்துவர்கள் உடனடியாக அழைக்கப்பட்டனர், ”என்று சேனலின் அறிக்கையில் தெரிவிக்கப்பட்டுள்ளது.

ரஷ்ய அதிபர் உடனடியாக அவரது இல்லத்தில் உள்ள பிரத்தியேகமான அறைக்கு மாற்றப்பட்டார், அங்கு மருத்துவர்கள் அவரை அவரது உத்தியோகபூர்வ இல்லத்திற்குள் அமைந்துள்ள சிறப்பு தீவிர சிகிச்சை நிலையத்திற்கு அழைத்துச் செல்வதற்கு முன்பு அவருக்கு முதலுதவி சிகிச்சை அளித்தனர்.

"உதவி சரியான நேரத்தில் வழங்கப்பட்டதால், புதின் சுயநினைவு பெற்றார்," என்று சேனல் கூறுகிறது.

புதினின் உடல்நிலை மோசமடைந்தது பற்றிய கூற்றுக்கள் கிரெம்ளினால் உறுதிப்படுத்தப்படவில்லை என்றாலும், அது அதிபரின் உள் வட்டத்தை எச்சரித்ததாக தகவல்கள் தெரிவிக்கின்றன.

புதினின் அனைத்து சமீபத்திய பயணங்களும் பாடி டபுள் (அதிபர் புதினை போன்ற தோற்றம் கொண்ட இன்னொருவர்) மேற்கொள்ளப்பட்டதாகக் கூறியது.

“சமீபத்தில், அனைத்து உத்தியோகபூர்வ கூட்டங்களும் நிகழ்வுகளும் அதிபரை போன்றே தோற்றம் கொண்ட இன்னொருவரை வைத்து நடத்தப்பட்டன." என்று மிரர் மேற்கோளிட்டுள்ளது.

கடந்த ஆண்டு உக்ரைன் மீதான ரஷ்யாவின் படையெடுப்பு தொடங்கியதில் இருந்து, புதினின் உடல்நிலை மோசமடைந்ததாக பல அறிக்கைகள் வந்துள்ளன - அது புற்றுநோயாக இருக்கலாம் அல்லது பார்கின்சன் நோயாக இருக்கலாம் என செய்திகள் பூதகரமாகி வருகின்றன. இருப்பினும், ரஷ்ய அதிபர் "நல்ல ஆரோக்கியத்துடன்" இருக்கிறார் என்று கிரெம்ளின் பலமுறை கூறியுள்ளது நினைவுகூரத்தக்கது.