Top 10 News (09.07.2023) : மெட்டாவின் திரெட்ஸ் ஆப்.. கலிபோர்னியா விமான விபத்து.. ஜவான் அப்டேட் முக்கிய செய்திகள்!

அடுத்த 4 நாட்களுக்கு தமிழகத்தில் ஓரிரு இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும் என சென்னை வானிலை ஆய்வு மையம் தெரிவித்துள்ளது.

DRDO நிறுவனத்தில் Consultant பணிக்காக விண்ணப்பிக்க இன்றே கடைசி நாள்.

காமராஜர் பிறந்தநாளை முன்னிட்டு சிவகாசியில் இன்று ரத்ததான முகாம் நடைபெற உள்ளது.

தேசம்

ராஜஸ்தானின் பிகானேர் மாவட்டத்தில் ரூ. 24,300 கோடி மதிப்பிலான வளர்ச்சித் திட்டங்களுக்கு பிரதமர் நரேந்திர மோடி நேற்று அடிக்கல் நாட்டினார்.

திரெட்ஸ் அறிமுகம் செய்யப்பட்ட 7 மணி நேரத்தில் அதில் சுமார் ஒரு கோடி பேர் இணைந்தது பெரிய சாதனையாக பார்க்கப்படுகிறது. இந்நிலையில், புகழ்பெற்ற அளவீட்டு நிறுவனமான சென்சார் டவர் திரெட்ஸ் ஆப் பதிவிறக்கம் தொடர்பாக தரவுகளை வெளியிட்டது. இதில், திரெட்ஸ் ஆப் அறிமுகம் செய்யப்பட்ட நாளில் உலகம் முழுவதும் சுமார் 40 மில்லியன் பதிவிறக்கங்கள் செய்யப்பட்டுள்ளன.

கலிபோர்னியாவின் முரியேட்டாவில் நேற்று அதிகாலை பிரெஞ்சு பள்ளத்தாக்கு விமான நிலையத்திற்கு அருகில் செஸ்னா வணிக ஜெட் விபத்துக்குள்ளானது. இந்த விபத்தில், விமானத்தில் இருந்த ஆறு பயணிகளும் சம்பவ இடத்திலேயே உயிரிழந்தனர்.

ஜோதிடம்

தஞ்சை ராஜகோபாலசாமி கோயிலில் இன்று சிவேந்திரசுவாமிக்கு திருக்கல்யாண உற்சவம் நடைபெற உள்ளது.

விளையாட்டு

இலங்கை-நெதர்லாந்து அணிகள் மோதும் இறுதிப் போட்டி ஹராரேயில் இன்று  நடக்கிறது.

சினிமா

அட்லீ இயக்கத்தில் ஷாருக் கான் நடித்துள்ள ‘ஜவான்’ படத்தின் Prevue (முன்னோட்ட வீடியோ), ஜூலை 10ம் தேதி காலை 10.30 மணிக்கு வெளியாகிறது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9