Lalu Yadav: ‘வரும் தேர்தலில் பாஜகவின் முடிவு உறுதியாகிவிட்டது’ லாலு பிரசாத் யாதவ் ஆரூடம்
”பாபா சாகேப் அம்பேத்கரின் சித்தாந்தத்தில் நம்பிக்கை கொண்ட கட்சிகள் ஒன்றிணைந்துள்ளன”
பீகார் மாநிலம் பாட்னாவில் பேசிய ராஷ்டிரீய ஜனதா தளத்தின் தலைவர் லாலு பிரசாத் யாதவ் கூறுகையில், பாஜகவும் நரேந்திர மோடியும் அரசியலமைப்பை அழிக்க முயற்சிக்கின்றனர். எல்லாவற்றையும் விட்டுவிட்டு நாட்டுக்காகப் போராடுங்கள் என்று உங்கள் அனைவரையும் கேட்டுக்கொள்கிறேன் என்றார்.
I.N.D.I.A அல்லது ‘Indian National Developmental Inclusive Alliance’ என்பது காங்கிரஸ் உட்பட 26 எதிர்க்கட்சிகளின் குழு. பிரதமர் மோடியின் பாரதிய ஜனதா கட்சி (BJP) தலைமையிலான தேசிய ஜனநாயகக் கூட்டணியை (NDA) எதிர்கொள்ளவும், 2024 லோக்சபா தேர்தலில் மத்தியில் மூன்றாவது முறையாக வெற்றி பெறுவதைத் தடுக்கவும் கட்சிகள் ஒன்றிணைந்துள்ளன என பேசிய லாலுபிரசாத் யாதவ், பாபா சாகேப் அம்பேத்கரின் சித்தாந்தத்தில் நம்பிக்கை கொண்ட கட்சிகள் ஒன்றிணைந்துள்ளன. பாஜக அழிந்துவிடும். வரும் காலங்களில் மகாராஷ்டிராவில் இந்தியா கூட்டணி கூடி, அதற்கான வியூகத்தை இறுதி செய்வோம் என லாலு பிரசாத் யாதவ் பேசினார்.
பாஜக அல்லாத எதிர்க்கட்சிகளின் முதல் கூட்டம் ஜூன் 23ஆம் தேதியன்று பீகார் மாநிலம் பாட்னாவிலும் இரண்டாவது கூட்டம் ஜூலை 17, 18ஆம் தேதிகளில் கர்நாடக மாநிலம் பெங்களூருவிலும் நடைபெற்றது. அடுத்தக் கூட்டத்தை மகாராஷ்டிர மாநிலம் மும்பையில் மூன்றாவது கூட்டம் நடைபெற உள்ளது குறிப்பிடத்தக்கது.