உறவை குலைக்கும் வெள்ளைப் பொய்கள்; சின்ன பொய்கள்! ஏன் முற்றிலும் தவிர்க்கவேண்டும்?

உங்கள் உறவை குலைக்கும் சிறிய பொய்களையும், வெள்ளைப் பொய்களையும் நீங்கள் முற்றிலும் தவிர்க்கவேண்டும். அவை எத்தனை பாதிப்புக்களை ஏற்படுத்துகிறது என்று பாருங்கள். எந்த உறவிலும் நம்பிக்கை என்பது முக்கியம். முக்கியமாக காதல் உறவின் அடித்தளமாக நம்பிக்கை இருக்கவேண்டும். உறவில் சில நடவடிக்கைகள் நம்பிக்கையை குலைத்துவிடும். உங்களின் உணர்வு ரீதியான தொடர்பையும் துண்டித்துவிடும். உங்களை எதிர்மறை சிந்தனைகளை நோக்கி அழைத்துச் செல்லும். எனவே நீங்கள் உறவை தக்கவைக்க உண்மையை கையில் எடுத்துதான் ஆகவேண்டும். இல்லாவிட்டால், இந்த சிறிய பொய்கள் உங்கள் வாழ்வையே நாசமாக்கிவிடும். நீங்கள் ஒரு பொய்யை கூறிவிட்டால், அந்த பொய்யை காப்பாற்ற எண்ணற்ற பொய்களை கூறவேண்டும். எனவே பல பொய்களை தவிர்க்க முதல் பொய்யை கூறாமல் இருப்பதே சிறந்தது. இது காதல் உறவில் மட்டுமல்ல, எந்த இடத்திலும் இதுதான் நடக்கும். எனவே நூறு பொய்களுக்கு வழிவகுக்கும் அந்த ஒரு பொய்யை நீங்கள் தவிர்க்கவேண்டும். அதுதான் எந்த இடத்திலும் உங்கள் உறவுகள் வலுப்பெற உதவும்.