Parenting Tips : உங்கள் குழந்தை படிப்பில் படுசுட்டியாக வேண்டுமா? இதோ இதைத் தெரிந்துகொள்ளுங்கள் முதலில்!

கவனத்தையும், ஒருமுகப்படுத்தலையும் அதிகரிக்கிறது

குழந்தைகள் ஒருமுகப்படுத்தி தங்களின் செயலில் கவனத்தை அதிகரிக்க இந்த தியானம் உதவுகிறது. இதன் மூலம் குழந்தைகளின் கவனம் ஒரு புள்ளியில் குவிய உதவுகிறது. இந்த தியானத்தை செய்ய ஒரு புள்ளி அல்லது ஒரு மெழுவர்த்தி அல்லது தீபத்தை குழந்தைகள் சிறிது நேரம் உற்று நோக்க வேண்டும். இது குழந்தைகள் கவனிக்கும் திறனை அதிகரிக்கும். இதன் மூலம் அவர்களால் கல்வியில் சிறந்து விளங்கள முடியும். பல்வேறு மற்ற கல்விசாரா நடவடிக்கைகளிலும் அவர்கள் சிறந்து விளங்க உதவுகிறது.

மனஅழுத்தத்தை குறைக்கிறது

இதுபோன்ற தியானத்தில் குழந்தைகள் ஈடுபடும்போது, அது குழந்தைகளின் மனஅழுத்தத்தை குறைக்க உதவிகறது. அவர்களின் மனதை அமைதிப்படுத்துகிறது. இந்த பழக்கம் அவர்களை ரிலாக்ஸாக வைக்க உதவுகிறது. உள் அமைதி பெருகவும், தினசரி குழந்தைகளுக்கு ஏற்படும் மனஅழுத்தம், பயம், பதற்றத்தை குறைக்க உதவுகிறது.

நினைவாற்றலை தக்கவைக்கும் திறனை அதிகரிக்கிறது

திராடகா தியானத்தை குழந்தைகள் தினமும் செய்யும்போது, குழந்தைகளின் நிறைவாற்றல் திறன் மேம்படுகிறது. அவர்கள் பழைய விஷயங்களை நினைவுகூறும் திறனை அதிகரிக்கிறது. அவர்களின் கவனத்தை கூராக்குகிறது. குழந்தைகள் இதன்மூலம் தகவல்களை நன்றாக உள்வாங்கி அதை நினைவில் வைத்துக்கொள்கிறார்கள். இதனால் அவர்களின் கல்வித்திறன் மற்றும் நினைவாற்றல் திறன் வளர்கிறது.

உணர்வு ரீதியான நிலைப்பாடு

திராடகா தியானம், உணர்வு ரீதியான நிலைத்தன்மையை வளர்க்கிறது. குழந்தைகளில் மீண்டெழும் திறனை அதிகரிக்கச் செய்கிறது. குழந்தைகள் அவர்களின் சிந்தனைகளையும், உணர்வுகளையும் எவ்வித ஒப்பீடுமின்றி உற்றுநோக்குகிறார்கள், இதன்மூலம் அதிகளவிலான சுய விழிப்புணர்வை வளர்த்துக்கொள்கிறார்கள். தங்களின் உணர்வுகளை முறைப்படுத்துகிறார்கள். இது குழந்தைகளுக்கு அவர்களின் தேவைகளை உணர்த்த உதவுகிறது.

சுய ஒழுக்கம் அதிகரிக்கிறது

திராடகா தியானம் செய்ய ஒழுக்கம், கட்டுக்கோப்பு ஆகியவை தேவைப்படுகிறது. குழந்தைகள் தியானத்தை தொடர்ந்து செய்வதன் மூலமும் அவற்றை வளர்த்துக்கொள்கிறார்கள். அவர்கள் தியானம் செய்வதற்காக நேரம் ஒதுக்குவது மற்றும் அதை பழக்கப்படுத்துவது இதனால் அவர்களின் சுய ஒழுக்கம் வளர்த்தெடுக்கப்படுகிறது.

விழிப்புணர்வு அதிகரிக்கும்

திராடகா தியாகம் செய்வதன் மூலம் குழந்தைகளின் உணர்திறன் விழிப்புணர்வு மேம்படும். இதனால் அவர்கள் எதையும் விரிவாக உற்றுநோக்குகிறார்கள், அவர்களின் சுற்றம் குறித்து நன்றாக தெரிந்துகொள்கிறார்கள். நிகழ்காலத்துடன் ஆழ்ந்த தொடர்பை ஏற்படுத்தி, அந்த நேர வாழ்க்கையை வாழ்கிறார்கள்.

உறக்கத்தின் தரம் உயரும்

திராடகா தியானத்தை பழகும்போது, குழந்தைகள் உறங்கச் செல்லும்முன் ரிலாக்ஸாக உணர்கிறார்கள். அவர்களின் உடல் மற்றும் மனம் இரண்டும் அமைதிப்படுகிறது. அது உறக்கத்தின் தரத்தை மேம்படுத்துகிறது. அவர்களின் நரம்பு மண்டலத்தை அது ரிலாக்ஸாக்குகிறது. மன அழுத்தத்தை குறைக்கிறது. இந்த தியானம் அமைதியான உறக்கத்தை கொடுக்கிறது.

தன்னம்பிக்கையை வளர்க்கிறது

திராடகா தியானத்தை வழக்கமாக செய்வதன் மூலம், குழந்தைளுக்கு அதிக தன்னம்பிக்கை கிடைக்கிறது. அவர்களின் முன்னேற்றத்தை தியானத்தின் மூலம் அவர்கள் உணர்வார்கள். அதன் நன்மைகளையும் அவர்கள் அனுபவிப்பார்கள். குழந்தைகள் தன்னிறைவு பெற்றவர்களாகவும், தன்னம்பிக்கை மிக்கவர்களாகவும் மிளர்வார்கள்.

மனநிறைவைக் கொடுக்கிறது

திராடகா தியானம் மனநிறைவைக் கொடுக்கிறது. அது இந்த நேரத்தில் இருக்க உதவுகிறது. ஒரு புள்ளியில் அவர்களின் கவனத்தை குழந்தைகள் செலுத்துவதான் மூலம், அவர்கள் இந்த நிமிடத்தில், வாழ கற்கிறார்கள். அவர்களின் தினசரி வாழ்வில், விழிப்புணர்வை பெறுகிறார்கள்.

முழு நலனை ஊக்குவிக்கிறது

திராடகா தியானம் முழு நலனையும் வளர்க்கிறது. மனம், உடல் மற்றும் ஆன்மாவின் ஆகியவை ஒன்றோடொன்று பின்னி பிணைந்து செயல்படுவதை ஊக்குவிக்கிறது. இந்த பழக்கத்தின் மூலம் குழந்தைகளுக்கு அவர்கள் குறித்த ஆழ்ந்த புரிதல் ஏற்படும். அவர்களின் அக உலகத்தை உணர்கிறார்கள். அவர்களின் வாழ்வில் சமநிலையை ஏற்படுத்தி சந்தோசம் மற்றும் துக்கம் இரண்டையும் எளிதாக எடுத்துக்கொண்டு, ஒட்டுமொத்த நலனுக்கும் அது உதவுகிறது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9