தமிழ் செய்திகள்  /  Lifestyle  /  Parenting Tips Want To Increase Your Childrens Iq Level This Is The Japanese Way

Parenting Tips : உங்கள் குழந்தைகளின் ஐ.க்யூ அளவை அதிகரிக்க வேண்டுமா? ஜப்பானியர்களின் வழி இதுதான்!

Priyadarshini R HT Tamil
Mar 07, 2024 08:00 AM IST

Parenting Tips : உங்கள் குழந்தைகளின் ஐ.க்யூ அளவை அதிகரிக்க வேண்டுமா? ஜப்பானியர்களின் வழி இதுதான்!

Parenting Tips : உங்கள் குழந்தைகளின் ஐ.க்யூ அளவை அதிகரிக்க வேண்டுமா? ஜப்பானியர்களின் வழி இதுதான்!
Parenting Tips : உங்கள் குழந்தைகளின் ஐ.க்யூ அளவை அதிகரிக்க வேண்டுமா? ஜப்பானியர்களின் வழி இதுதான்!

ட்ரெண்டிங் செய்திகள்

சுற்றுச்சூழல் காரணிகள் மற்றும் தனிநபர் வித்யாசங்கள் என அது மற்றவற்றுடனும் தொடர்புடையது. ஒரு குழந்தையின் அறிவாற்றலை வளர்த்தெடுப்பது அவர்களுக்கு ஆதரவான சூழலை உருவாக்குவது, என ஜப்பானியர்கள் பின்பற்றும் குறிப்புகள் இவைதான்.

ஆர்வத்தை தூண்டி ஆராய வைப்பது

குழந்தை வயதிலேயே ஜப்பானிய கலாச்சாரம் குழந்தைகளின் ஆர்வத்தை தூண்டி, அவர்களின் ஆராய்ச்சி திறனை அதிகரிக்கச் செய்கிறது. உங்கள் குழந்தைகளை கேள்வி கேட்க ஊக்குவியுங்கள். 

அவர்களின் சுற்றத்தை அவர்கள் ஆராயட்டும். அவர்கள் பல அனுபவங்களைப் பெறுவதற்கு உறுதுணையாக இருங்கள். அவர்களின் நடவடிக்கைகளை மூலம் அவர்கள் எதையாவது கண்டுபிடிக்க அனுமதியுங்கள். இயற்கை நடை, மியூசியம்களுக்குச் செல்வது மற்றும் அவர்களுடன் பேசிக்கொண்டோ கற்பது, விளையாடுவது என ஊக்கப்படுத்துங்கள்.

வாசிப்பதில் ஆர்வத்தை ஏற்படுத்துங்கள்

ஜப்பானிய கலாச்சாரத்தில் படிப்பது என்பது மதிப்புமிக்க ஒன்று, அறிவு வளர்ச்சிக்கு அது மிகவும் அவசியம். உங்கள் குழந்தைகளைச் சுற்றி புத்தகங்களை அடுக்குங்கள். குழந்தை முதலே வாசிக்கப் பழகட்டும். படிப்பதை வழக்கமாக்கி பல்வேறு தலைப்புகளையும் அவர்களுக்கு அறிமுகப்படுத்துங்கள். அது அவர்களின் அறிவை விரிவாக்கும். அவர்களின் கற்பனை திறனை தூண்டும்.

கடின உழைப்பை ஊக்குவியுங்கள்

விடாமுயற்சி மற்றும் கடின உழைப்பு என்ற இரண்டும்தான் வெற்றிக்கான திறவுகோல்களாக ஜப்பானியர்கள் கடுமையாக நம்புகிறார்கள். எனவே, உங்கள் குழந்தையை வளர்ச்சி மனப்பான்மைக்கு பழக்கப்படுத்துங்கள். 

அறிவும், திறமையும், கடின உழைப்பு மற்றும் அர்ப்பணிப்பால் வருவது என்று அவர்கள் தெரிந்துகொள்ளட்டும். அவர்களின் முயற்சிகளை பாராட்டுங்கள். அவர்கள் மீண்டு எழுவதற்கு அவர்களை உற்சாகப்படுத்துங்கள். அவர்களின் சாதனைகளை மட்டும் பாராட்டாதீர்கள். அவர்களின் தோல்விகளில் துணை நில்லுங்கள்.

படிக்க ஏதுவான சூழலை உருவாக்குங்கள்

ஜப்பானில் கல்விக்கு மிகுந்த முக்கியத்துவம் வழங்கப்படுகிறது. இதனால் கல்வியில் சாதிப்பது ஊக்குவிக்கப்படுகிறது. வீட்டில் கல்வி கற்பதற்கு ஏதுவான சூழல் உருவாக்கப்படுகிறது. படிப்பதற்கு தனி அறை, வீட்டுப்பாடங்களை எழுதுவதற்கான நேரம், கல்வியை வளப்படுத்தும் செயல்பாடுகள் உங்களின் சொந்த நடவடிக்கைகளின் வழியாக கல்வியின் முக்கியத்துவத்தை உணர்த்துவது.

ஒழுக்கத்துக்கு மாதிரியாகுங்கள்

அறிவு வளர்ச்சி மற்றும் படிப்பில் சிறந்து விளங்க ஒழுக்கமும், கவனமும் மிகவும் அவசியம். உங்கள் குழந்தைக்கு சுய ஒழுக்கத்தின் மதிப்பை கற்றுக்கொடுங்கள். நேர மேலாண்மை, தெளிவான எதிர்பார்ப்புகளை உருவாக்கும். வழக்கங்களை அவர்களுக்கு பழக்கப்படுத்துங்கள். 

அவர்களுக்கு வழிகாட்டுங்கள். எப்போதும் அவர்களுக்கு ஆதரவு கரம் நீட்டுங்கள். அவர்கள் செய்யும் கடின செயல்களை, அவர்கள் செயல்களை அவர்கள் பகிர்ந்து, அவர்கள் மேலாண்மை செய்யுமளவுக்கு பகிர்ந்துகொடுங்கள். அவர்களின் இலக்குகளில் அவர்கள் கவனம் செலுத்த உறுதுணையாகுங்கள்.

பிரச்னைகளை தீர்க்கும் திறன்களை வளர்த்தெடுங்கள்

கிரியேட்டிவிட்டி மற்றும் பிரச்னைகளை தீர்க்கும் திறன், ஜப்பானில் அதிகம் மதிக்கப்படுகிறது. அது அறிவு வளர்ச்சிக்கும் உதவுகிறது. உங்கள் குழந்தைகளை ஊக்குவியுங்கள். அவர்களை வித்யாசமாக சிந்திக்க தூண்டுங்கள். 

நுட்பமான தீர்வுகளை பாருங்கள். சவால்களை வளர்ச்சிக்கான வாய்ப்புக்களாக பார்க்க கற்றுக்கொடுங்கள். வெளிப்படையான செயல்களை கொடுங்கள், அவர்கள் தங்களை வெளிக்காட்ட உதவுங்கள், அவர்களின் கிரியேட்டிவிட்டியையும் வளர்த்துவிடுங்கள்.

ஆரோக்கியமான பழக்கவழக்கங்களை கற்றுக்கொடுங்கள்

ஆரோக்கியமான வாழ்க்கை முறை, குழந்தையுன் ஒட்டுமொத்த நலன் மற்றும் நினைவாற்றல் திறனுக்கு நல்லது. உங்கள் குழந்தைகளை சரிவிகித உணவு உட்கொள்ள அறிவுறுத்துங்கள். வழக்கமான உடற்பயிற்சிகள், போதிய உறக்கம் மற்றும் குறைவான திரைநேரத்தையும் ஊக்குவியுங்கள். 

உங்கள் குழந்தைக்கு ஊட்டச்சத்து நிறைந்த உணவுகளையும், ஸ்னாக்ஸ்களையும் வழங்குங்கள். ஆரோக்கியமான உறக்க பழக்கங்களை கொடுங்கள். குடும்பம் முழுவதும் சேர்ந்து உடற்பயிற்சிகள் மற்றும் விளையாட்டுகளில் ஈடுபடுங்கள்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

WhatsApp channel

டாபிக்ஸ்