Health: மகளிர் தினத்தையொட்டி இந்த பரிசோதனைகளை உங்கள் வீட்டு பெண்களுக்கு செய்யுங்கள்!

இன்றைக்கு பிஸியான வேலை உள்ளிட்ட காரணங்களால் பெண்கள் பெரும்பாலும் தங்கள் உடல்நிலையில் கவனம் செலுத்துவதில்லை. இது பல உடல்நல பிரச்சனைகளை ஏற்படுத்துகிறது. இந்த மகளிர் தினத்தை கொண்டாட பெண்கள் தங்கள் உடல்நிலையில் சிறிது நேரம் கவனம் செலுத்துங்கள். வெவ்வேறு வயது பெண்களுக்கு வெவ்வேறு ஊட்டச்சத்துக்கள் தேவை. பெண்களின் ஆரோக்கியத்திற்கு தேவையான சில சத்துக்கள் பற்றி தெரிந்து கொள்வோம். நீங்கள் தொடர்ந்து உங்கள் குடும்பத்திற்காக நலனுக்காகவும் வளர்ச்சிக்காகவும் உழைத்து வருகிறீர்கள். ஆனால் உங்களுக்காக யாரும் சிந்திக்க மாட்டார்கள். நீங்கள் தான் சிந்திக்க வேண்டும். நீங்கள் ஆரோக்கியமாக இருந்தால் மட்டுமே. உங்கள் குடும்பம் ஆரோக்கியமாகவும் மகிழ்ச்சியாகவும் இருக்கும் என்பதை நினைவில் கொள்ளுங்கள்.

இரும்புசத்தை எடுத்துக் கொள்ளுங்கள்

பெண்கள் எடுத்துக்கொள்ள வேண்டிய முக்கியமான பொருட்களில் இரும்புச்சத்தும் ஒன்று. கர்ப்ப காலத்தில் பெண்களுக்கு இரும்புச்சத்து அவசியம். இரத்த சோகை என்பது உடலில் இரும்புச்சத்து குறைவதால் ஏற்படும் நிலை. 30 வயதுக்கு மேற்பட்ட பெரும்பாலான பெண்களுக்கு இரத்த சோகை ஏற்படுகிறது. உடலில் போதுமான சிவப்பு ரத்த அணுக்கள் இல்லாத நிலை இது. ஹீமோகுளோபின் என்பது ஒரு புரதமாகும், இது இரத்த சிவப்பணுக்கள் ஆக்ஸிஜனைக் கொண்டு செல்ல உதவுகிறது. இந்த ஹீமோகுளோபின் உற்பத்திக்கு இரும்புச்சத்து தேவைப்படுகிறது. இறைச்சி, கோழி, கடல் உணவு, பீன்ஸ், பருப்பு, கீரை, ப்ரோக்கோலி, பீட்ரூட், மாதுளை, பேரீச்சம்பழம் மற்றும் முழு தானியங்கள் போன்ற இரும்புச்சத்து நிறைந்த உணவுகளை உங்கள் உணவில் சேர்த்துக் கொள்ளுங்கள்.