தமிழ் செய்திகள்  /  லைஃப்ஸ்டைல்  /  Flax Seeds Gel : முக சுருக்கங்கள் கரும்புள்ளிகளால் அவதியா.. உங்க சருமத்தில் மேஜிக் செய்யும் ஆளிவிதை ஜெல் செய்முறை!

Flax Seeds Gel : முக சுருக்கங்கள் கரும்புள்ளிகளால் அவதியா.. உங்க சருமத்தில் மேஜிக் செய்யும் ஆளிவிதை ஜெல் செய்முறை!

Pandeeswari Gurusamy HT Tamil
May 23, 2024 08:36 AM IST

Flax Seeds Gel : ஆளி விதை ஜெல் உங்கள் ஆரோக்கியத்திற்கு மிகவும் நல்லது. ஒமேகா 3 கொழுப்பு அமிலங்களைக் கொண்ட ஆளி விதைகள் பொதுவாக உடலின் ஆரோக்கியத்திற்கு மிகவும் நன்மை பயக்கும். உடல் எடையை குறைப்பதற்கு ஆளிவிதை பெருமளவு உதவுகிறது. தோல் பாதிப்பைத் தடுக்கிறது.

முக சுருக்கங்கள் கரும்புள்ளிகளால் அவதியா.. உங்க சருமத்தில் மேஜிக் செய்யும் ஆளிவிதை ஜெல் செய்முறை!
முக சுருக்கங்கள் கரும்புள்ளிகளால் அவதியா.. உங்க சருமத்தில் மேஜிக் செய்யும் ஆளிவிதை ஜெல் செய்முறை! (Pixabay)

ட்ரெண்டிங் செய்திகள்

ஆளி விதை ஜெல் உங்கள் ஆரோக்கியத்திற்கு மிகவும் நல்லது. ஒமேகா 3 கொழுப்பு அமிலங்களைக் கொண்ட ஆளி விதைகள் பொதுவாக உடலின் ஆரோக்கியத்திற்கு மிகவும் நன்மை பயக்கும். உடல் எடையை குறைப்பதற்கு ஆளிவிதை பெருமளவு உதவுகிறது. இதேபோல், ஆளி விதை ஜெல் சருமத்தில் சுருக்கங்கள் மற்றும் கோடுகள் உருவாகாமல் தடுக்க உதவுகிறது. தோல் பாதிப்பைத் தடுக்கிறது.

ஆளிவிதை ஜெல் தயாரிக்கும் முறை

ஆளிவிதை ஜெல் மிகக் குறைந்த பொருட்களைக் கொண்டு வீட்டிலேயே எளிதாகத் தயாரிக்கலாம். இதற்கு 2 தேக்கரண்டி ஆளி விதைகளை எடுத்துக் கொள்ளுங்கள். அதை ஒரு கிளாஸ் தண்ணீரில் ஊற விடவும். குறைந்த தீயில் சமைக்கவும். மேலும் அடிக்கடி கிளறவும். அது வெண்மையாக மாற ஆரம்பித்ததும் தீயை அணைக்கவும்.

அடுத்த படி ஒரு துணி மூலம் அதை வடிகட்ட வேண்டும். இந்த பேஸ்ட் போன்ற பொருள் குளிர்ந்தவுடன் ஜெல் போன்று இருக்கும். அதை எடுத்து ஒரு கண்ணாடி கொள்கலனில் சேமித்து வைத்துக்கொள்ள வேண்டும். பின்னர் தேவைக்கேற்ப நாம் பயன்படுத்தி கொள்ள வேண்டும். நீண்ட காலம் வைத்து பயன்படுத்த நீங்கள் விரும்பினால் அதை குளிர்சாதன பெட்டியில் வைப்பது நல்லது.

ஆளி விதையில் உள்ள ஒமேகா 3 கொழுப்பு அமிலங்கள்

ஆளி விதையில் உள்ள ஒமேகா-3 கொழுப்பு அமிலங்கள் சருமத்தை நன்றாக ஹைட்ரேட் செய்ய உதவுகிறது. இதனால் சருமம் பொழிவு பெருகிறது. கூடுதலாக, இது கொலாஜன் உற்பத்தியை அதிகரிக்கிறது. கொலாஜனின் அதிகரிப்பால் தோல் பளபளப்பும் அதிகரிக்கிறது. பெரும்பாலானோரின் வறண்ட சருமத்திற்கு இந்த ஆளி விதை ஜெல் சிறந்த தீர்வாகும்.

இது இன்றைய இளம் தலைமுறையினரின் கண்களுக்குக் கீழே உள்ள கருவளையங்களுக்கும் மற்றும் முகத்தில் உள்ள கருமை நீங்கி பொலிவு பெற உதவுகிறது. இந்த ஆளி விதை ஜெல்லை தினசரி பயன்பாடு சிறந்த பலனைத் தரும். மேலும் ஆளி விதை ஜெல்லை பயன்படுத்த வயது ஒரு தடை இல்லை. எந்த வயதினரும் இதைப் பயன்படுத்தலாம்.

சருமத்தை ஆரோக்கியமாக வைத்திருங்கள். அப்போதுதான் பிரகாசமாக ஜொலிக்கும். இல்லையெனில் பிரச்சனைகள் ஏற்படும். சருமத்தை சரியாக பராமரிக்காவிட்டால் பலவிதமான பிரச்சனைகளை சந்திக்க நேரிடும். தோல் சுருக்கம் உங்கள் அழகைக் கெடுக்கும். அதனால் இயற்கை முறைகளைப் பயன்படுத்த வேண்டும்.

ரசாயனங்கள் அடங்கிய க்ரீம்களை பயன்படுத்தினால் நிச்சயம் பல பிரச்சனைகளை சந்திக்க நேரிடும். இதுபோன்ற விஷயங்களைத் தவிர்க்க இயற்கையான பொருட்களைக் கொண்டு உங்கள் சருமத்தை கவனித்துக் கொள்ள வேண்டும். அப்போது நாம் நமது உடலில் பல அழகியல் மாற்றங்களை உண்டு பண்ண முடியும்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

 

WhatsApp channel

டாபிக்ஸ்