High Cholesterol : உயிருக்கு உலை வைக்கும் கொழுப்பு - இதயத்துக்கு இதமளிக்காத கொலஸ்ட்ரால் - கட்டுப்படுத்தும் உடற்பயிற்சிகள

கொழுப்பு நம் ரத்தத்தில் அதிகமாகும்போது அது இதய பாதிப்புக்களை ஏற்படுத்துகிறது. உடபயிற்சிகள் மேற்கொள்ளும் பெண்களுக்கு, உடற்பயிற்சி செய்யாத பெண்களைவிட கொழுப்பு குறைவாக உள்ளதை ஆய்வுகள் தெரிவித்தன. இதை கட்டுக்குள் கொண்டுவர வாழ்க்கை முறையில் மாற்றம், ஆரோக்கிய உணவு மற்றும் உடற்பயிற்சிகள் சிறந்தது என்று மருத்துவர்கள் அறிவுறுத்துகிறார்கள்.

ஏரோபிக் உடற்பயிற்சிகள், கொழுப்பை கட்டுக்குள் வைக்க உதவுகிறது. வேக நடை, மெது ஓட்டம், நீச்சல், சைக்கிள் ஓட்டுவது அல்லது கார்டியோ உடற்பயிற்சிகள் உடலில் கொழுப்பை குறைக்க உதவுகின்றன. 150 நிமிடங்கள் மித பயிற்சி அல்லது 75 நிமிடங்கள் வேகமான உடற்பயிற்சி செய்யும்போது கொழுப்பு குறைக்கப்படுகிறது.

கடுமையன உடற்பயிற்சிகளை குறிப்பிட்ட காலத்திற்கு மாற்றி, மாற்றி செய்யும்போது, உடலில் அதிக கொழுப்பு குறைக்கப்படுகிறது. இந்த வகை உடற்பயிற்சிகள் கொழுப்பை குறைக்கவும், இதய ஆரோக்கியத்திற்கும் உதவுவது ஆய்வுகளில் நிரூபிக்கப்பட்டுள்ளது. ஆனால், இந்த உடற்பயிற்சி எல்லோருக்கும் உகந்தது அல்ல. எனவே மருத்துவரின் அறிவுரையின் பேரில் இந்த உடற்பயிற்சியை செய்யலாம்.

பலத்தை அதிகரிக்கும் பயிற்சி, பளு தூக்குதல் போன்றவை கொழுப்பை குறைக்க உதவும் உடற்பயிற்சியாகும். தசை வளர்சிக்கு உதவும். உடலில் வளர்சிதை மாற்றத்துக்கு உதவும்.

யோகா, உடலின் பல்வேறு உபாதைகளுக்கும் தீர்வு கொடுக்கும். ஒட்டுமொத்த உடல் வளர்ச்சிக்கும் உதவும். கொழுப்பு அளவை பராமரிக்கவும் உதவும். அதை ஆய்வுகளும் உறுதிப்படுத்துகின்றன. சில யோகா, மூச்சுப்பயிற்சி, ஓய்வு எடுப்பது உங்களுக்கு மன அழுத்தத்தை குறைக்கும். மன அழுத்தமும் உடலில் கொழுப்பு அளவை அதிகரிப்பதில் பெரும் பங்கு வகிப்பது.

வழக்கமான உடற்பயிற்சி, எனவே உடலுக்கு வழக்கமான உடற்பயிற்சிகள் கொடுத்துக்கொண்டே இருப்பது மிக அவசியம். அது உங்கள் உடல்லி கொழுப்பு அளவை குறைக்க உதவும், வீட்டில் செய்யும் வேலைகள், தோட்டப் பராமரிப்பு, படிகளில் நடப்பது போன்றவற்றை செய்யலாம். நாள் முழுவதும் சுறுசுறுப்புடன் இருப்பதும் கொழுப்பை குறைக்க உதவும்.

அதிக கொழுப்பு இதய பாதிப்பை ஏற்படுத்தி, உயிரிழப்புக்கு வழிவகுக்கும். ஒழுங்கற்ற வாழ்க்கை முறை உங்களை ஆபத்தில் தள்ளும். எனவே உடற்பயிற்சி முக்கிய பங்கு வகிக்கிறது என்பதை உணரவேண்டும். நல்ல உணவுப்பழக்கம், புகை பிடிக்காமல் இருப்பது, மன அழுத்தம் இல்லாமல் இருப்பது, தேவைப்பட்டால் கொழுப்பை குறைக்கும் மாத்திரைகள் மருத்துவரின் பெயரில் எடுத்துக்கொண்டு ஆரோக்கியமான வாழ்க்கையை வாழுங்கள்.