Animal Protein vs Plant Protein: உடலின் கட்டுமானமாக இருந்து வரும் புரதம்! விலங்குகள் vs தாவரம் - எது சிறந்தது
Published Apr 02, 2024 09:01 PM IST
உடலின் கட்டுமானமாக இருந்து வரும் புரதம் பல்வேறு வகைகளில் பெறலாம். இதில் விலங்குகளின் மூலமாகவும், தாவரங்கள் மூலமாகவும் புரதங்கள் கிடைக்கின்றன. இவை இரண்டில் எது சிறந்தது என்பதை பார்க்கலாம்.
விலங்குகள் vs தாவரம் எந்த புரதம் சிறந்தது
புரதம் சார்ந்த உணவுகள் என்றாலே பலருக்கும் பொதுவாக தோன்றுவது முட்டை தான். புரதச்சத்துகளை பெறுவதற்கு சிறந்தா சாய்ஸாக முட்டை இருந்து வருகிறது. ஆனால் முட்டை தவிர பல்வேறு இறைச்சிகளிலும், தாவர வகைகளிலும் ஏராளமான புரதங்கள் உள்ளன.
உடலுக்கு புரத சத்துக்களை தருவதில் இறைச்சி, தாவரங்கள் ஆகியவற்றில் எது சிறந்தது என்பது குறித்து நீண்ட காலமாக பெரிய விவாதமே நடைபெற்று வருகிறது. விலங்குகள், இறைச்சிகளில் இருந்து கிடைக்கப்படும் புரதங்கள் முழுமையானதாக இருப்பதுடன் அதில் அமினோ அமிலங்கள் இடம்பிடித்திருக்கும்.
அதேசமயம் சில தாவர வகைகளில் இருந்து கிடைக்கும் புரதங்கள் முழுமை இல்லாமல் இருப்பதாக உள்ளது. இருப்பினும் ஒட்டு மொத்த உடல் ஆரோக்கியத்துக்கு எது சிறந்தது என்பதை தீர்மானத்து எடுத்து கொள்வதன் மூலம் பலனை பெறலாம்.