Seetharaman: சீதா போட்ட மாஸ்டர் பிளான்; மதுமிதாவிற்கு விழுந்த அறை.. அனல்பறக்கும் சீதாராமன் சீரியல்!

இந்த சீரியலில் நேற்றைய எபிசோடில் சீதா மகாலட்சுமியை துப்பாக்கி முனையில் வைத்து மரண பயம் காட்டிய நிலையில் இருவரும் மாறி மாறி சவால் விட்டு கொண்டனர். இதனை தொடர்ந்து இன்றைய எபிசோடில் நடக்க போவது என்ன என்பது குறித்து பார்க்கலாம்.

சீதாவும் ராமும் ரூமுக்குள் இருக்கிறார்கள். ராம் கட்டிலில் படுத்து தூங்க சீதா கீழே உட்கார்ந்து யோசனையில் இருக்கிறாள்.அந்த சமயம் பார்த்து திடீரென அவளுக்கு தன்னுடைய அம்மா எப்போதும் நல்ல விஷயத்துக்காக நடிக்கிறது தப்பு இல்லைனு சொல்வாங்க என்று பேசியது ஞாபகத்திற்கு வந்து சீதா அழுவது போல நடிக்கிறாள்.

ரொம்ப சத்தமாக அழ ராம் தூக்கத்தில் இருந்து எழுந்து என்னாச்சு? ஏன் அழுகிற என கேட்க, ஒன்னும் இல்ல நீங்க படுத்து தூங்குங்க என்று சொல்கிறாள்.

உடனே ராம் நீ இப்படி சத்தமாக அழுதா எப்படி தூங்குறது? என்ன விஷயம் என்று கேட்க என்னுடைய கனவில் ஒருத்தங்க வந்தாங்க, ரொம்ப நேரம் உங்களையே பார்த்து விட்டு அப்புறம் என்னை பார்த்து… மன்னிக்கிறது தெய்வீக குணம் என்று சொன்னாங்க என்று சொல்ல, ராம் அவங்க எப்படி இருந்தாங்க என்று கேட்கிறான்.

உடனே சீதா ஹாலில் மாட்டி இருக்கும் போட்டோவில் இருப்பவரை போலவே இருந்தாங்க என்று சொல்ல, ராம் என்னுடைய அம்மா தான் வந்திருக்காங்க, உன் மேல எந்த தப்பும் இல்லை, அதனால தான் உன்னை பாக்க வந்திருக்காங்க என சொல்ல ராம் அப்படியே நம்பி விடுகிறான்.

இதனையடுத்து மறுநாள் காலையில் எல்லோரும் சாப்பிட உட்கார சீதாவும் மீராவும் சேர்ந்து ஒரு டிராமா போட்டு, அர்ச்சனா வாயால் சீதாவை மேல உட்கார்ந்து சாப்பிட சொல்ல வைக்கின்றனர். அதனை தொடர்ந்து ராம், சீதா மற்றும் மதுமிதா ஆகியோர் சூர்யாவை பார்க்க கோர்ட்டுக்கு வருகின்றனர்.

அங்கு சூர்யாவை பார்த்து பேசும் மது, நீ தான் தப்பு பண்ணி இருக்க, தப்பை ஒத்துக்க உனக்கு தண்டனை குறையும் என சொல்ல, அவன் சீதா சொல்லி இப்படியெல்லாம் பேசுறாயா என கோபப்படுகிறான். 

மதுமிதா நீ எதுக்கு அவளை இழுக்குற? ஹவுஸ் ஓனர், உன்னுடைய ஓனர் என எல்லாரும் நீ தான் தப்பு பண்ணணு சொல்லிட்டாங்க என்று சொல்ல, சூர்யா கோபப்பட்டு மதுமிதாவை அறைந்து விடுகிறான்.

இதனால் மதுமிதா கண் கலங்கி அழ ராமும் சீதாவும் அவளை சமாதானம் செய்ய முயற்சி செய்கின்றனர். இப்படியான நிலையில் அடுத்ததாக நடக்க போவது என்ன என்பது குறித்து அறிய சீதா ராமன் சீரியலை உங்கள் ஜீ தமிழ் தொலைக்காட்சியில் காண தவறாதீர்கள்.