Seetha Raman: மகா போடும் ஸ்கெட்ச்.. குழப்பத்தில் சீதா; போலீசாக மாறிய ராம்.. பரபரக்கும் சீதாராமன் அப்டேட்!

அதன் பிறகு மீரா, சீதாவிடம் நீ எதுக்கு இதெல்லாம் பண்ணிக்கிட்டு இருக்க.. இவங்க யாரும் உன்னுடைய நல்ல மனசை புரிஞ்சுக்க மாட்டாங்க என சொல்கிறாள். அதற்கு சீதா நான் யாரையும் திருத்த வரல.. ஆனால் மகா எல்லார் விருப்ப படியும் நடந்து கொள்ளாமல் அவங்க விருப்பப்படி தான் எல்லாரும் நடந்துக்கணும்னு எதிர்பார்க்கிறாங்க. நான் அந்த இடத்துக்கு வந்து எல்லா விருப்பப்படியும் நடந்துக்க வைக்க போறேன் என சொல்கிறாள்.

அதன் பிறகு மகாலட்சுமி சூர்யாவின் ஓனரை சந்தித்து 2 லட்சம் ரூபாய் பணத்தை கொடுத்து இதை நீங்கள் சூர்யாவுக்கு கொடுப்பது போல கொடுத்து அவனது மனைவியை இங்கே கூட்டி வர வையுங்கள் என சொல்கிறாள். சூர்யாவின் ஓனர் இதை நீங்களே கொடுக்கலாமே என கேட்க, சூர்யா நான் கொடுத்தால் வாங்க மாட்டான் என சொல்லி சமாளிக்கிறாள்.

அதன் பிறகு சீதா ராம் இருப்பது போல நினைத்து அவனுக்கு போலீஸ் டிரஸ் தைக்க அளவு எடுத்துக் கொண்டிருக்க இதை பார்த்த மீரா இங்கு யாரு இருக்காங்க நீ என்ன பண்ணிட்டு இருக்க என கேட்கிறாள். ராம் இங்க தான் இருக்காரு என சீதா சொல்ல உனக்கு பைத்தியம் பிடிச்சிருக்கா என மீரா சொல்கிறாள்.

அதனைத் தொடர்ந்து மகாலட்சுமி கொடுத்த பணத்தை சூர்யாவின் ஓனர் அவனிடம் கொடுத்து மதுமிதாவை இங்கே அழைத்து வர சொல்ல, சூர்யாவும் பணத்தை வாங்கிக் கொள்கிறான். அவனது ஓனர் இந்த விஷயத்தை மகாவுக்கு போன் போட்டு சொல்ல, மகா இது குறித்து பேசிக் கொண்டிருப்பதை சீதா கவனித்து விடுகிறாள்.

சீதா மகாவின் திட்டம் முழுமையாக புரியாமல் நீங்க சூர்யாவை வைத்து ஏதோ திட்டம் போடுகிறீர்கள் என்று மட்டும் தெரியும் நான் ராமை வச்சு ஒரு திட்டம் போடுறேன் என மனதுக்குள் சவால் விடுகிறாள்.

பிறகு இரவு நேரமானதும் வெளியில் இருந்து வீட்டுக்கு வரும் ராம் சீதாவுக்காக குல்பி வாங்கி வந்து கொடுக்க சீதா ராமுக்காக தைத்து வைத்த போலீஸ் டிரஸ்ஸை எடுத்துக்கொடுக்கிறாள். இப்படியான நிலையில் அடுத்ததாக நடக்க போவது என்ன என்பது குறித்து அறிய சீதா ராமன் சீரியலை ஜீ தமிழ் தொலைக்காட்சியில் காணத்தவறாதீர்கள்.