பொம்ளைய வெட்டவா வர.. மீசையை மழித்த சாமு.. அதிர்ந்து போன மக்கள்! - கார்த்திகை தீபம் அப்டேட்!

இந்த சீரியலில் நேற்றைய எபிசோடில் கார்த்திக் சந்திரகலாவை மடக்கி மடக்கி கேள்வி கேட்க, அதனை ஒரு வழியாக அவள் சமாளித்து விட்டாள். அதை தொடர்ந்து கார்த்திக் நாளைக்கு வந்து வேலையில் சேர்ந்து கொள்வதாக சொல்கிறான்.

இன்னொரு பக்கம், சந்திரகலா சிவனாண்டியிடம் கார்த்திக் எப்படி சகுந்தலாவிடம் வேலைக்கு சேர்ந்தான் என தெரியவில்லை என சொல்ல, சிவனாண்டி அதிர்ச்சி அடைகிறான். கார்த்திக்கிற்கும், சகுந்தலா மீது ஒரு சந்தேகம் இருக்கிறது.

அதன் பிறகு சந்திரகலா, சகுந்தலாவிடம் கோயிலில் பெண் தெய்வங்கள் மட்டுமே உள்ளன. ஆண் தெய்வங்கள் இல்லை.. இது தவறாகி விடும் என ஒரு சாமியார் சொன்னதாக சொல்ல, சாமுண்டீஸ்வரி அதெல்லாம் பண்ண முடியாது.. அப்படி சொன்னதே ஒரு ஆண் சாமியார்தானே.. என அலட்சியம் செய்கிறாள்‌.

மீசையை மழித்த சாமுண்டீஸ்வரி

அடுத்து ஒரு பெண்மணி ஐயோ…ஐயோ… என அலறியபடி ஓடி வர, பின்னாடியே அவள் புருஷன் அரிவாளுடன் ஓடி வருகிறான். அவர்களை பார்த்த மயில்வாகனம், ராஜராஜன் ஆகியோர் அவர்களை தடுத்து நிறுத்த முயற்சி செய்ய, அவன் இது என் குடும்ப பிரச்சினை என.. மீசையை முறுக்கிய படி பேச, சாமுண்டீஸ்வரி எங்க வந்து என்ன பேசுற என எட்டி உதைக்கிறாள். அதில் அவன் பறந்து போய் விழுகிறான்.

தொடர்ந்து, என் முன்னாடியே மீசையை முறுக்கறியா என ஆவேசப்பட, சாமுண்டீஸ்வரி ஆட்கள் அவனை கட்டி போட்டு, அவன் மீசையை வழித்து விடுகிறார்கள்.

இப்படியான நிலையில் அடுத்ததாக நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காணத்தவறாதீர்கள்.

கடந்த எபிசோடில் நடந்தது என்ன?

கரண்ட் கட் ஆன உடன் யாரோ ஒருவன் உள்ளே நுழைய, சாமுண்டீஸ்வரி துப்பாக்கியை ஏந்தி நின்றாள். யார் என்று பார்த்தால் கார்த்திக் வந்து நிற்பது தெரிய வந்தது. உடனே, ரேவதி நீ எதுக்கு வந்த என்று கேட்க, அதற்கு பதிலளித்த கார்த்திக் வேலைக்குச் சேர சம்மதம் சொல்லதான் வந்தேன் என்றான். மேலும், சாமுண்டீஸ்வரியை எதுக்கு போலி துப்பாக்கி வச்சுட்டு நின்னுட்டு இருக்கீங்க என்று கலாய்த்தான்.

அதை தொடர்ந்து சாமுண்டீஸ்வரி உன்னை அப்படி எல்லாம் வேலைக்கு எடுக்க முடியாது; உன்னை சில கேள்விகள் கேட்கணும் என சொல்ல, கார்த்திக்கோ உங்க எல்லாரையும் இன்டர்வியூ பண்ணிட்டுதான் நான் வேலைக்கு சேருவேன் என செக் மேட் வைத்தான்.

அதன் பிறகு ஒவ்வொருத்தராக வர, கார்த்திக் கேள்விகளை கேட்க, கடைசியாக ஸ்வேதா மூலமாக கார்த்திக் இந்த வீட்டுக்குள் நுழைய காரணம் என்று தெரிகிறது. இறுதியாக கார்த்திக் சந்திர கலாவை விசாரிக்க கூப்பிட்டான்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.