Karthigai deepam: உன் உயிர் வேணுமுடி ஐஸூ.. கத்தி எடுத்து நின்ற கீதா.. அதிர்ச்சியில் அபிராமி - கார்த்திகை தீபம் அப்டேட்!

கார்த்திகை தீபம் இன்றைய எபிசோட் அப்டேட்

தமிழ் சின்னத்திரையில் ஜீ தமிழ் தொலைக்காட்சியில் தினம்தோறும் இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம். இந்த சீரியலில் நேற்றைய எபிசோடில் தீபாவாக நடிக்க வந்திருக்கும் கீதா, அபிராமிக்கு ஆர்த்தி எடுத்து அதை ஐஸ்வர்யா முகத்தில் ஊற்றிய நிலையில் இன்று நடக்கப்போவது என்ன என்பது குறித்து பார்க்கலாம் வாங்க.

அதாவது ஐஸ்வர்யா சோபாவில் உட்கார்ந்து கொண்டிருக்க, அவள் எதிரே கீதா கத்தியுடன் வந்து நின்றாள். அதை பார்த்து ஐஸ்வர்யா ஷாக் ஆனாள். ஐஸ்வர்யா, உனக்கு என்ன வேண்டும் என்று கேட்க உன்னுடைய உயிர் தான் வேண்டும் என்று சொல்லி அவளை கீதா கத்தியால் குத்தப்போக ஐஸ்வர்யா அலறினாள். அதனைத்தொடர்ந்து அது அவளுக்கு வந்த கனவு என்பது தெரிய வந்தது.

ஷாக்கான அபிராமி

இதைத்தொடர்ந்து அவள் தண்ணீர் குடிக்க கிச்சனுக்கு எழுந்து வர அங்கே கீதா கத்தியுடன் நின்று கொண்டிருக்க, அதை பார்த்த ஐஸ்வர்யாவும் கத்தி எடுத்து நின்றாள். இருவரும் ஒருவரையொருவரை பார்த்து முறைத்தபடி நின்றனர். இந்த சமயத்தில் அபிராமி தண்ணீர் குடிக்க கிச்சனுக்கு வர, இருவரும் கத்தியுடன் நிற்பதை பார்த்து ஷாக் ஆகிறாள்.

அடுத்ததாக போலீஸ், சரவணன் வீட்டுக்கு வந்து தீபாவிடம் என்ன நடந்தது என விசாரிக்க, அவள் தலையில் அடிபட்டதால் எனக்கு என்ன நடந்துச்சு என்று தெரியவில்லை என சமாளிக்கிறாள். பிறகு சரவணன் பாதுகாப்பாக இருங்கள் என்று சொல்லிவிட்டு, இருவரும் ஸ்டேஷனுக்கு வந்து ஒரு லெட்டர் எழுதி கொடுத்துட்டு வாங்க என்று சொல்கிறார்.

கோபப்பட்ட கீதா

அடுத்ததாக சரவணன் ஸ்டேஷனுக்கு கீதாவை என்கவுண்டரில் போட்டுத் தள்ள பிளான் போட்டிருந்த போலீஸ் ரிப்போர்ட் ஒன்றை கொண்டு வந்து காவலர்கள் கொடுக்கின்றனர். பிறகு கீதா ரூமுக்குள் இருக்க, கார்த்திக் உள்ளே வர, எதுக்கு போலீஸ் வீட்டுக்கு வந்து விசாரணைக்கு கூப்பிட்றாங்க என்று கோபப்படுகிறாள்.

அதற்கு கார்த்திக், சரவணன் என்னுடைய ஃப்ரண்டு தான் இது வெறும் ஃபார்மாலிட்டிதான், வாங்க போயிட்டு வந்துடலாம் என்று சொல்லி கூப்பிடுகிறான். இப்படியான நிலையில் அடுத்ததாக நடக்கப்போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காணத்தவறாதீர்கள்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9