Dhoni on Yogi Babu: CSK -வில் ராயுடுவிற்கு பதில் யோகிபாபு? - தலைமையிடம் பேச தயாரான தோனி.. ஆனால் ஒரு கண்டிஷன்!

அவரது அறிமுக திரைப்படமே தமிழகத்தில் ஆரம்பித்து இருக்கிறது. ஆம் எல்.ஜி.எம் என்ற திரைப்படத்தை அவர் தயாரித்து இருக்கிறார். ஹரிஷ் கல்யாண் கதாநாயகனாக நடித்திருக்கும் இந்தப்படத்தில் லவ் டுடே புகழ் இவானா கதாநாயகியாக நடித்திருக்கிறார். இவர்களுடன் நதியா, யோகிபாபு உள்ளிட்ட பல நடிகர்கள் நடித்திருக்கின்றனர். இந்தப்படத்தை இயக்குநர் ரமேஷ் தமிழ் மணி இயக்கி இருக்கிறார். இந்த நிகழ்ச்சியின் இசை வெளியீட்டு விழா சென்னையில் நேற்று நடைபெற்றது. இந்த நிகழ்ச்சிக்கு தோனியும் அவரது மனைவி சாக்‌ஷிதோனியும் வந்தனர். நிகழ்ச்சியில் படக்குழுவினர் பலரும் கலந்து கொண்டனர். அப்போது யோகிபாபு தோனியிடம் சிஎஸ்கேவில் விளையாட வாய்ப்பு தருமாறு கேட்டார். 

தோனி பதில்!

அதற்கு பதிலளித்த தோனி, “ராயுடு ஓய்வு பெற்றுவிட்டார். அதனால் சிஎஸ்கே அணியில் உங்களுக்கான இடம் உள்ளது. எனக்கு யோகிபாபுவிற்கு கிரிக்கெட்டில் அதிக ஆர்வம் இருப்பது நன்றாகவே தெரியும். சென்னை அணி அதிகாரிகளிடம் பேசி யோகிபாபுவை அணிக்குள் கொண்டு வர பரிந்துரை செய்கிறேன். ஆனால் அதற்கு ஒரு கண்டிஷன் இருக்கிறது. 

ஆனால் அவர் போட்டிக்கு தேவையான நாட்களை மிகச்சரியாக கொடுக்க வேண்டும். அதே போல பயிற்சிக்கும் மிகச்சரியாக வரவேண்டும். அவர் இதற்கு ஒத்துக்கொண்டால் நான் அதிகாரிகளிடம் பேசுகிறேன். அதே போல பந்து வீச்சாளர்கள் ஸ்டெம்பை நோக்கி பந்தை வீசமாட்டார்கள். பேட்ஸ்மேனை நோக்கித்தான் பந்தை வீசுவார்கள். அதனை கையாளும் திறன் யோகிபாபுவிற்கு இருக்கிறதா என்பதை அவர் முடிவு செய்யட்டும்.” என்று பேசினார்.

முன்னதாக தோனி தன்னுடைய கையெழுத்திட்ட பேட்டை நடிகர் யோகிபாபுவிற்கு பரிசளித்தார். அதனை பெற்றுக்கொண்ட அவர் மிகவும் எமோஷனலாக நன்றி தெரிவித்து இருந்தார்.