VTK movie release:படம் பார்ப்பவர்கள் கவனத்துக்கு…கெளதம் மேனன் முக்கிய அறிவிப்பு

இந்த காட்சியில் தொடங்கும் படத்துக்கான வரவேற்பை வைத்தே எவ்வளவு நாள்கள் படம் திரையரங்குகளில் ஹவுல்புல்லாக ஓடும் என்பதையும் சினிமா டிராக்கர்கள் கணிக்கிறார்கள்.

அதேசமயம் இந்த முதல்காட்சியானது பல்வேறு கொண்டாட்டங்கள். ஆராவாரங்களுக்கு மத்தியில் திரையிடப்படுவதால் படத்தின் முழு அனுபவமும் கிடைக்காமல் போக வாய்ப்பு உள்ளது. அதுமட்டுமில்லாமல் முந்தைய நாள் இரவிலிருந்தே படத்தின் ரிலீஸுக்காக காத்திருக்கும் ரசிகர்கள் படம் பார்க்கும்போது விறுவிறுப்பாக இல்லாவிட்டாலும் சோர்ந்து போவதுடன் முழுமையாக படத்தை பார்க்க முடியாமல் போகிறது.

சில சமயங்களில் அதிகாலை காட்சியில் சொல்லப்படும் முதல் கருத்துகள் பின்னர் அடுத்தடுத்த காட்சிகளில் படம் பார்க்க

வரலாம் என்ற திட்டமிட்டவர்களின் மனதிலும் குழப்பத்தை ஏற்படுத்துகின்றன. இதனால் இந்த அதிகாலை காட்சிகள் சில திரையரங்குகள் தவிர்த்துவிட்டு காலை 8 மணிக்கு முதல் காட்சியை தொடங்குகிறார்கள்.

இதையடுத்து சிம்பு - கெளதம் மேனன் - ஏ.ஆர்.ரஹ்மான் மூன்றாவது முறையாக கூட்டணி அமைத்துள்ள வெந்து தணிந்தது காடு வரும் வியாழகிழமை தமிழகம் முழுவதும் 600 திரையரங்குகளில் வெளியாகிறது. கேங்ஸ்டர் படமாக உருவாகியிருக்கும் இந்தப் படத்தின் மீது மிகப்பெரிய எதிர்பார்ப்பு ஏற்பட்டுள்ள நிலையில், படத்தின் முதல் காட்சி அதிகாலை 4.30 மணிக்கே தொடங்குகிறது.

இதைத்தொடர்ந்து முதல் நாளில் முதல் காட்சி பார்ப்பதற்காக வரும் ரசிகர்களுக்கு படத்தின் இயக்குநர் கெளதம் மேனன் வேண்டுகோள் ஒன்றை வைத்துள்ளார். அதில், வெந்து தணிந்தது காடு படத்தை அதிகாலை காட்சி பார்க்க வரும் ரசிகர்கள் முதல் நாள் இரவில் நன்றாக தூங்கிவிட்டு வரவும். ஏனென்றால், படத்தின் கதை மற்றும் கதாபாத்திரத்தின் ஓட்டம் செட் ஆக கொஞ்ச நேரம் எடுக்கும்" என்று தெரிவித்துள்ளார்.

கமல்ஹாசனின் விக்ரம் படம் பார்க்கும் முன் கைதி படத்தை ரீவிசிட் செய்யுமாறு இயக்குநர் லோகேஷ் கனகராஜ் கூறியது போல், தற்போது இயக்குநர் கெளதம் மேனன் வெந்து தணிந்தது காடு படத்தை முதல் ஷோ பார்க்க வரும் ரசிகர்கள் பின்பற்ற வேண்டிய விஷயங்களை முன்னதாகவே அறிவித்துள்ளார்.