Leo Vijay:மரணவைரல் ஆன விஜய் லியோ லுக்; எவ்வளவு மெனக்கெடல் தெரியுமா?

நடிகர் விக்ரமும், கமலும் கூட இந்த படத்தில் இருப்பதற்கான வாய்ப்பு இருப்பதாக சொல்லப்படுகிறது; இந்த படத்தின் முதற்கட்ட படப்பிடிப்பு காஷ்மீரில் நடந்து வருகிறது. ஜீரோ டிகிரி செல்சியஸ் கடும் குளிரிலும் படப்பிடிப்பு திட்டமிட்டபடி நடைபெற்று வருவதாகவும், காஷ்மீர் படபிடிப்பை முடிக்க படக்குழுவினர் தீவிரமாக இருப்பதாகவும் கூறப்படுகிறது.

இந்த நிலையில் படப்பிடிப்பு நடந்து கொண்டிருக்கும் போது த்ரிஷாவுக்கும் லோகேஷ் கனகராஜுக்கும் இடையே கருத்துவேறு பாடு ஏற்பட்டதாகவும், காஷ்மீர் குளிரை தாங்க முடியாததாலும் த்ரிஷா படத்தில் விலகிவிட்டதாகவும் தகவல் வெளியானது. அதற்கு அவரது அம்மா அப்படியெல்லாம் இல்லை என்று கூறி வதந்திக்கு முற்றுப்புள்ளி வைத்தார்.

அண்மையில் லியோ படத்தில் தன்னுடைய காட்சிகளை நிறைவு செய்த இயக்குநர் மிஷ்கின் அறிக்கை வெளியிட்டு நெகிழ்ச்சியாக பேசியிருந்தார். அதே போல படத்தின் ஒளிப்பதிவாளர் மனோஜ் பரமஹம்சா காஷ்மீர் படப்பிடிப்பில் எடுத்த வீடியோவை வெளியிட்டு லியோ படப்பிடிப்பில் உயர்தர Red V RAPTOR XL கேமரா பயன்படுத்தபடுவதாகவும் தெரிவித்து இருந்தார்.

இப்படி அடுத்தடுத்த அப்டேட்டுகளால் மகிழ்ச்சியில் மூழ்கியிருந்த விஜய் ரசிகர்களுக்கு அதிர்ச்சி தரும் வகையில் சஞ்சய் தத் காஷ்மீர் படப்பிடிப்பில் கலந்து கொள்ள வந்த எக்ஸ்க்ளூசிவான வீடியோவை படக்குழு அண்மையில் பகிர்ந்து இருந்தது. 

அதில் பிரபல பாலிவுட் நடிகர் சஞ்சய் தத் காஷ்மீர் படப்பிடிப்பில் கலந்து கொண்டது, அவரை நடிகர் விஜய் வரவேற்றது தொடர்பான காட்சிகள் இடம் பெற்றிருந்தன. அதில் இதுவரை பார்க்காத லுக்கில் விஜய் இருந்தார். இந்த லுக்கானது சமூகவலைதளங்களில் வைரலானது. இந்த நிலையில் விஜய் இந்த தோற்றம் பற்றிய தகவல் ஒன்று கிடைத்து இருக்கிறது. அது என்ன தகவல் என்றால், விஜயை இந்த லுக்கிற்கு கொண்டுவருவதற்கு முன்னர் விஜய்க்கு கிட்டத்தட்ட 30 லுக்குகளை படக்குழு செய்து பார்த்து இருக்கிறது. அதன் பின்னரே இந்த லுக்கானது ஃபைனல் செய்து இருக்கிறார்களாம். மாஸ் லுக் இல்ல..!