Vijay Antony: ‘தமிழ் சினிமாவை கொல்லும் புளூ சட்டை’; வார்த்தையில் நெருப்பை கக்கிய விஜய் ஆண்டனி! - சம்பவம் என்ன தெரியுமா?
அவர்கள் சொல்வதையெல்லாம் உண்மை என்று நம்பி, ரோமியோ போன்ற நல்ல படங்களை கொண்டாடாமல் தமிழ் சினிமாவை குறை சொல்லும் அறிவு ஜீவிகளுக்கும் எனது ஆழ்ந்த அனுதாபங்கள். என் அன்பு மக்களே ரோமியோ ஒரு நல்ல படம் போய் பாருங்க புரியும்.
இயக்குநர் விநாயக் வைத்தியநாதன் இயக்கத்தில் விஜய் ஆண்டனி முதன்மை கதாபாத்திரத்தில் நடித்து, கடந்த ஏப்ரல் 11ம் தேதி வெளியான திரைப்படம் ரோமியோ. இந்தப்படத்தில் மிர்ணாலினி ரவி, ஷா ரா, விடிவி கணேஷ் மற்றும் யோகி பாபு உள்ளிட்ட பலர் நடித்து இருக்கின்றனர். பரத் தனசேகர் இந்தப்படத்திற்கு இசையமைத்து இருக்கிறார்.
இந்தப்படம் குறித்து பிரபல விமர்சகரான புளூ சட்டை மாறன் தன்னுடைய யூடியூப் தளத்தில் நெகட்டிவான விமர்சனங்களை முன்வைத்த நிலையில், அதற்கு விஜய் ஆண்டனி பதிலடி கொடுத்திருக்கிறார்.
அதில், “ பல நல்ல படங்களை தவறாக விமர்சித்துக்கொல்லும் திரு புளு சட்டை மாறன் போன்ற சிலருக்கும், அவர்கள் சொல்வதையெல்லாம் உண்மை என்று நம்பி, ரோமியோ போன்ற நல்ல படங்களை கொண்டாடாமல் தமிழ் சினிமாவை குறை சொல்லும் அறிவு ஜீவிகளுக்கும் எனது ஆழ்ந்த அனுதாபங்கள். என் அன்பு மக்களே ரோமியோ ஒரு நல்ல படம் போய் பாருங்க புரியும்.
ரோமியோவ அன்பே சிவம் ஆக்கிடாதீங்க” என்று குறிப்பிட்டு இருக்கிறார்.
இதற்கு பதிலடி கொடுத்திருக்கும் புளூ சட்டை மாறன், “சினிமா ரசிகர்களே.. தரம் தாழ்ந்த விமர்சகரும், விமர்சன விஷக்கிருமியுமான ப்ளூ சட்டையின் ரோமியோ ரிவியூவை புறக்கணிப்பீர். அலைகடலென திரண்டு ரோமியோ ஓடும் தியேட்டர்களை நிரப்புங்கள்.
இப்படிக்கு,
தற்போதைக்கு திருந்திய..
ப்ளூ சட்டை.” என்று பதிவிட்டு இருக்கிறார்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:
டாபிக்ஸ்