Love Insurance Kompany: லைட்டா பட்டி டிங்கரிங் பார்த்த விக்னேஷ் சிவன்.. லவ் இன்சூரன்ஸ் கம்பெனி ஃபர்ஸ்ட் லுக் ரிலீஸ்

லவ் இன்ஸ்யூரன்ஸ் கார்ப்பரேஷன்

எல்.ஐ.சி.' ( லவ் இன்சூரன்ஸ் கார்ப்பரேஷன் ) என பெயர் வைக்கப்பட்டு இருந்த நிலையில் எல். ஐ. சி நிறுவனம் சார்பில் நோட்டீஸ் அனுப்பப்பட்டு உள்ளது. அந்த நோட்டீஸில், லவ் இன்ஸ்யூரன்ஸ் கார்ப்பரேஷன் என்ற தலைப்பினை பயன்படுத்துவதை நிறுத்த வேண்டும் என சொல்லப்பட்டது.

இதனால் டைட்டிலை மாற்றுவார் என எதிர்பார்க்கப்பட்ட நிலையில், அதே டைட்டிலை வைத்துவிட்டு லேசாக LICக்கு பதிலாக LIK என மாற்றி இருக்கிறார். 

அதாவது Love Insurance Company க்கு பதிலாக Love Insurance Kompany என மாற்றி இருக்கிறார். இப்படம் வருகிற அக்டோபர் மாதம் ரிலீஸ் ஆகும் என எதிர்பார்க்கப்படுகிறது. பிரதீப் ரங்கநாதனின் பிறந்தநாளான இன்று இப்படத்தின் ஃபர்ஸ்ட் லுக் வெளியிடப்பட்டு உள்ளது.

மிகவும் கூலாக போஸ் கொடுத்து இருக்கிறார் பிரதீப் ரங்கநாதன். வெளிநாட்டில் சாலையில் அமர்ந்த படி கைகளை நீட்டி கூலாக காட்சியளிக்கிறார்.

இந்த படத்தில் கதாநாயகியாக கீர்த்தி ஷெட்டி கமிட் செய்யப்பட்டு இருக்கிறார். முக்கிய கதாபாத்திரத்தில் நடிகர் எஸ். ஜே. சூர்யா நடிக்கிறார்.

அனிருத் இசை

பிரபல இசையமைப்பாளர் அனிருத் இந்த படத்திற்கு இசையமைக்கிறார். ‘மாஸ்டர்’, ‘கோப்ரா’, ‘மகான்’, ‘லியோ’ உள்ளிட்ட திரைப்படங்களை தயாரித்த லலித் குமார் இந்தப்படத்தை தயாரிக்கிறார். இந்த படத்தின் தலைப்பை இயக்குநர் எஸ்.எஸ். குமரன் முன்னதாகவே பதிவு செய்திருந்ததாகவும், தன்னுடைய அனுமதி இல்லாமல் விக்னேஷ் சிவன் பயன்படுத்தி இருப்பதாகவும் குற்றம் சாட்டியது குறிப்பிடத்தக்கது.

யார் இந்த பிரதீப்

கோமாளி படம் மூலம் இயக்குனராக அறிமுகமானவர், பிரதீப் ரங்கநாதன். இளம் இயக்குனராக முதல் படத்திலேயே தனது திறமையை நிரூபித்த பிரதீப், வித்தியாசமான கதை களம் மூலம், தனது வருகையை அழுத்தமாக பதிவு செய்தார்.

அதன் பின் கொஞ்ச இடைவெளி எடுத்து அவர் இயக்கிய படம் லவ் டுடே. அவரே இயக்கி, அவரே தயாரித்த லவ் டுடே திரைப்படம், சமீபத்தில் வெளியாகி செம ஹிட் ஆனது. தமிழில் கிடைத்த மெகா வெற்றியை தொடர்ந்து, தெலுங்கிலும் டப்பிங் செய்யப்பட்டு அங்கும் சக்கை போடு போட்டது.

வெறும் 5 கோடி ரூபாய் பட்ஜெட்டில் எடுக்கப்பட்ட லவ் டுடே திரைப்படம், 40 கோடி ரூபாய்க்கு மேல் வசூல் செய்ததாக கூறப்படுகிறது. தயாரிப்பாளருக்கு பெத்த லாபத்தை கொடுத்தது லவ் டுடே.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil  

Google News: https://bit.ly/3onGqm9 

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

https://www.whatsapp.com/channel/0029Va9NEUA7IUYU4eBTc81v