Vijay vs Sivakarthikeyan: ‘இனி நீதான் தளபதி’..பட்டாபிஷேகம் நடத்திய விஜய்..பாகுபலியாக மாறிய சிவா! - விஜய் ஏன் செய்தார்?

நாம் சினிமாவில் இருந்துதான் இவை அனைத்தையும் சம்பாதித்தோம். அப்படி இருக்கும் பொழுது அதை சினிமாவிலேயே போடுவதுதான் சரியாக இருக்கும் என்பது அவரின் கணக்காக இருக்கிறது. அந்த கணக்குதான் அவரை இன்று இந்த அளவுக்கு உயர்த்தி இருக்கிறது. விஜய் பொதுவாக யாரிடமும் வெளிப்படையாக பேச மாட்டார் என்றெல்லாம் சொல்கிறார்கள். ஆனால் விஜய்க்கென்று ஒரு தனி வட்டம் இருக்கிறது. அந்த வட்டத்தில் இருப்பவர்கள் ஏதேனும் கஷ்டம் என்று வந்து அவரிடம் நிற்கும் பொழுது, அவர் நிச்சயமாக அவர்களுக்கு உதவி செய்திருக்கிறார். விஜய் இங்கிருக்கும் நடிகர்களின் வாழ்க்கை முறையை கவனித்துக் கொண்டே இருக்கிறார்.

பட்டாபிஷேகம் நடத்திய விஜய்!

அப்படி பார்க்கும் பொழுது சிவகார்த்திகேயன் படத்திற்காக தன்னுடைய சம்பளத்தை விட்டுக் கொடுப்பது, அதைத் தாண்டி கடன் பத்திரிக்கையில் கையெழுத்திடுவது, அதை அடைப்பதற்காக மீண்டும் ஓடுவது உள்ளிட்டவற்றை தொடர்ந்து செய்து வருகிறார்.அப்படி பார்க்கும் பொழுது சிவகார்த்திகேயனுக்கு திரைத்துறையில் ஒரு இடம் அவசியமாக தேவைப்படுகிறது. அப்படிப்பட்ட இடத்தை அவர் அடைவதற்கு நாம் எந்த விதத்தில் உதவ வேண்டும் என்று விஜய் யோசித்ததின் பிரதிபலன் தான் ‘கோட்’ படத்தில் சிவகார்த்திகேயனிடம் தன்னுடைய இடத்தை உனக்குத் தருகிறேன் என்று மறைமுகமாக விஜய் சொன்னது.

வெங்கட் பிரபு அடுத்ததாக சிவகார்த்திகேயனை வைத்து படம் எடுக்கப் போகிறார். அப்படி இருக்கும் பொழுது அந்தப் படத்தில் சிவகார்த்திகேயன் நுழையும் பொழுது, அதற்கு முன்னதான படத்தில் இப்படி ஒரு கேமியோவை கொடுக்க வைத்தால், அடுத்தப்படத்திற்கு அது வேல்யூவாக மாறும் என்று நினைத்து இதை செய்திருக்கலாம். ஆனால் விஜய் ஒன்றும் குழந்தை கிடையாது. அதன் அர்த்தத்தை முழுமையாக உணர்ந்தே அவர் அதை சொல்லி இருக்கிறார். இதன் மூலம், அவர் திரைத்துறையில் மிகப்பெரிய புயலையே கிளப்பிச் சென்று விட்டார். விஜய்க்கு கீழ் உள்ள நடிகர்கள் அனைவரும் இதனை பார்த்து அதிர்ச்சியில் இருக்கின்றனர்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9