PS 2 Release date: பொன்னியின் செல்வன் 2 வாங்கிய உதயநிதி…ரிலீஸ் எப்போ தெரியுமா?
பொன்னியின் செல்வன் 2 படத்தின் ரிலீஸ் தேதி குறித்த தகவல் கசிந்துள்ளது.
1955 ஆம் ஆண்டு கல்கி கிருஷ்ணமூர்த்தி எழுதிய பொன்னியின் செல்வன் நாவலை அதே பெயரில் மணிரத்னம் இயக்கி வெற்றிக் கண்டுள்ளார்.
இதில் சியான் விக்ரம், ஐஸ்வர்யா ராய் பச்சன் , த்ரிஷா கிருஷ்ணன், கார்த்தி, ஜெயம் ரவி என ஒரு நட்சத்திர பட்டாளே நடித்து உள்ளனர். இந்த படத்தை லைக்கா நிறுவனமும் மெட்ராஸ் டாக்கீஸ் இணைந்து மிகப் பிரமாண்டமாக தயாரித்தது.
இந்த படம் ரசிகர்கள் மத்தியில் அமோக வரவேற்பு பெற்று ரூ.500 கோடிக்கு மேல் வசூல் செய்து சாதனை படைத்தது. இதனால் இரண்டாம் பாகத்தின் எதிர்பார்ப்பு அதிகரித்துள்ளது. படத்திற்கு ரவிவர்மன் ஒளிப்பதிவு செய்ய, ஸ்ரீகர் பிரசாத் படத்தொகுப்பு செய்துள்ளார்.
இந்நிலையில் பொன்னியின் செல்வன் 2 படத்தை தமிழ்நாட்டில் உதயநிதியின் ரெட் ஜெயன்ட் மூவிஸ் நிறுவனம் வாங்கி வெளியிடுகிறது.
உதயநிதி ஸ்டாலினின் சமீபத்திய பேட்டியில் பொன்னியின் செல்வன் படத்தின் இரண்டாம் பாக வெளியீட்டு தேதியை அறிவுத்தார்.
அவர் கூறுகையில், “மணிரத்னம் படத்தின் படப்பிடிப்பை கிட்டத்தட்ட முடித்துவிட்டார். இன்னும் இரண்டு நாட்கள் படப்பிடிப்பு மட்டுமே உள்ளது. ஏப்ரல் 28 ஆம் தேதி படத்தை வெளியிடுவோம்” என்றார்.
டாபிக்ஸ்