Turbo on OTT: ஆக்‌ஷன் காமெடி..சென்னையை பின்னணியாக கொண்ட மலையாள படம்! மம்முட்டி நடித்த டர்போ ஓடிடி ரிலீஸ் விவரம்

இதையடுத்து சுமார் இரண்டு மாதங்கள் கழித்து தற்போது ஓடிடியில் வெளியாகவுள்ளது. சோனி லைவ் ஓடிடியில் டர்போ படம் ஆகஸ்ட் 9 முதல் ஸ்டிரீமிங் ஆக இருக்கிறது. இந்த மாத ஓடிடி ரிலீஸில் ஆவலை ஏற்படுத்தியிருக்கும் படமாக மம்முட்டியின் டர்போ இருந்து வருகிறது.

மலையாள படமான டர்போ, தமிழ், தெலுங்கு, கன்னடா, இந்தி ஆகிய மொழிகளிலும் டப் செய்யப்பட்டு ஓடிடியில் வருகிறது. இதுதவிர மராத்தி, அரபிய மொழிகளிலும் படம் வெளியாகும் என கூறப்படுகிறது

சென்னையில் நடக்கும் கதை

சூப்பர் ஹிட் ஆக்‌ஷன் காமெடி திரைப்படமான, டர்போ அருவிபுரத்து ஜோஸ் என்கிற டர்போ ஜோஸ் என்ற மையக் கதாப்பாத்திரத்தைச் சுற்றி அமைந்துள்ளது. அவர் தனது நண்பர் ஜெர்ரி மற்றும் இந்துலேகா நாயர் என்ற பெண் தொடர்பான பிரச்னையில் சிக்கி சென்னைக்கு இடம்பெயர வேண்டிய கட்டாயத்தில் இருக்கிறார்.

சென்னையை அடைந்ததும், உள்ளூர் ரவுடியாக இருக்கும் வெற்றிவேல் சண்முக சுந்தரத்துடன் மோதல் ஏற்படுகிறது. அவரது மோசடிகளை கண்டறியும் ஜோஸ் அதை தடுக்க முயற்சிக்கிறார். இதில் ஜோஸ் நண்பன் ஜெர்ரி கொலை செய்யப்பட்டுகிறார். இறுதியில் வெற்றிவேலை ஜோஸ் எப்படி பழிவாங்குகிறார் என்பதை சுவாரஸ்யமான திரைக்கதையுடன் டர்போ படம் உள்ளது.

படத்தில் ஜோஸ் ஆக மம்முட்டியும், வெற்றிவேல் ஆக ராஜ் பி ஷெட்டியும் நடித்திருக்கிறார்கள். படத்தின் பெரும்பகுதி காட்சிகள் சென்னையை பின்னணியாக கொண்டிருப்பதோடு, தமிழ் நடிகர்கள் பலரும் நடித்திருப்பது நம்மூர் ரசிகர்களை எளிதில் கனெக்ட் செய்யும் விதமாக உள்ளது.

சர்ப்ரைஸாக வரும் விஜய் சேதுபதி

கமல்ஹாசனின் விக்ரம் படத்தின் க்ளைமாக்ஸில் ரோலக்ஸ் என்ற கதாபாத்திரத்தில் சூர்யா தோன்ற இரண்டாம் பாகத்துக்கான லீட் கொடுப்பது போல், இந்த டர்போ படத்திலும் வில்லனாக வரும் வெற்றிவேல் கதாபாத்திரத்தின் பிஸினஸ் பார்ட்னராக விஜய் சேதுபதி வாய்ஸ் ஓவர் பயன்படுத்தப்பட்டிருக்கும். இதன் மூலம் இந்த படத்தின் இரண்டாம் பாகத்தில் அவர் நடிக்கலாம் என்கிற எதிர்பார்ப்பும் ஏற்பட்டுள்ளது.

ஹாட்ரிக் ஹிட்

மம்முட்டி நடிப்பில் இந்த ஆண்டில் ஆப்ரிஹாம் ஓஸ்லர், பிரம்மயுகம் ஆகிய படங்களை தொடர்ந்து மூன்றாவது படமாக டர்போ வெளியாகியுள்ளது. இந்த மூன்று படங்களும் நல்ல வரவேற்பை பெற்று அவருக்கு ஹாட்ரிக் ஹிட் கொடுத்துள்ளது. இதைத்தொடர்ந்து மம்முட்டி பசூக்கா என்ற படத்தில் நடித்து வருகிறார். இந்த ஆண்டு இறுதிக்குள் இந்த படமும் வெளியாகும் என எதிர்பார்க்கப்படுகிறது.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews

Facebook" https://www.facebook.com/HTTamilNews

You Tube: https://www.youtube.com/@httamil

Google News: https://tamil.hindustantimes.com/