மாலத்தீவில் ஒன்றுகூடிய டாப் ஹீரோக்கள் மனைவிகள்..18+ நிகழ்ச்சி பார்க்க நடிகை செய்த சம்பவம் - டாப் சினிமா செய்திகள் இன்று
மாலத்தீவில் ஒன்றுகூடிய டாப் ஹீரோக்கள் மனைவிகள், 18+ நிகழ்ச்சி பார்க்க நடிகை செய்த சம்பவம், கங்குவா ரிலீஸ் டீஸர் வெளியீடு,மீண்டும் கம்பேக் கொடுக்கும் சக்திமான் உள்பட இன்றைய டாப் சினிமா செய்திகளை பார்க்கலாம்.
சிவகார்த்திகேயனின் அமரன் படம் ரூ. 200 கோடி கிளப்பில் இணைந்திருப்பது இன்றைய முக்கிய செய்தியாக உள்ளது. அதேபோல் டெல்லி கணேஷ் மறைவு செய்தும் திரையுலகினரை பெரும் சோகத்தில் ஆழ்த்தியிருப்பதுடன் திரைப்பிரபலங்கள், அரசியல் தலைவர்கள் என பலரும் அவருக்கு இரங்கல் தெரிவித்து வருகின்றனர். தமிழ் சினிமாவில் இன்று டாப் சினிமா செய்திகள் பற்றி பார்க்கலாம்
வெளியானது கங்குவா ரிலீஸ் ட்ரெய்லர்
சூர்யா நடிப்பில் நவம்பர் 14ஆம் தேதி வெளியாக இருக்கும் கங்குவா படத்தின் ரிலீஸ் ட்ரெய்லரை படக்குழுவினர் வெளியிட்டுள்ளனர். இதில் இரண்டு லுக்கில் சூர்யா தோன்றுகிறார். படத்தின் ட்ரெய்லர் சமூக வலைத்தளங்களில் ட்ரெண்டாகி வருகிறது
புஷ்பா 2 பட குத்து டான்ஸில் ஸ்ரீலீலா
புஷ்பா படத்தில் இடம்பிடித்த ஊ சொல்றியா மாமா என்ற பாடலுக்கு நடிகை சமந்தா குத்தாட்டம் போட்டார். இதையடுத்து புஷ்பா 2 படத்தில் அதேபோன்ற தொரு குத்தாட்டம் இடம்பிடிக்கும் நிலையில், இதற்கு நடிகை ஸ்ரீலீலா நடனமாடுகிறார். இதையடுத்து புஷ்பா 2 படத்துக்கான ஸ்ரீலீலா லுக் போஸ்டரை படக்குழுவினர் வெளியிட்டுள்ளனர்
கவனம் ஈர்க்கும் 'ஃப்ரீடம் அட் மிட்நைட்’ ட்ரெய்லர்
'ஃப்ரீடம் அட் மிட்நைட்’ என்ற பெயரில் வெப் தொடர் வெளியாக இருக்கிறது. இதில் காந்தி, நேரு, சர்தார் வல்லபாய் ஆகியோரின் கதாபாத்திரங்கள் இடம் பெற்று இருக்கின்றன . லாரி காலின்ஸ் மற்றும் டொமினிக் லாபியரின் புத்தகத்தை அடிப்படையாகக் கொண்ட இந்தத் தொடர், இந்தியாவின் சுதந்திரப் போராட்டத்தைச் சுற்றியுள்ள கொந்தளிப்பான நிகழ்வுகளை ஆழமாக ஆராய்கிறது என்று படக்குழு சார்பில் தெரிவிக்கப்பட்டு இருக்கிறது.
இந்தத் தொடரில் ஜவஹர்லால் நேருவாக சித்தாந்த் குப்தா, மகாத்மா காந்தியாக சிராக் வோஹ்ரா, சர்தார் வல்லபாய் பட்டேலாக ராஜேந்திர சாவ்லா, முகமது அலி ஜின்னாவாக ஆரிஃப் ஜகாரியா, பாத்திமா ஜின்னாவாக இரா துபே, சரோஜினி நாயுடுவாக மலிஷ்கா மென்டோன்சா, லிகாட் அலிகானாக ராஜேஷ் குமார், கே.சி.சங்கர் வி.பி. மேனன் கதாபாத்திரத்தில், லார்ட் லூயிஸ் மவுண்ட்பேட்டனாக லூக் மெக்கிப்னி, லேடி எட்வினா மவுண்ட்பேட்டனாக கோர்டெலியா புகேஜா, ஆர்க்கிபால்ட் வேவலாக அலிஸ்டர் ஃபின்லே, கிளெமென்ட் அட்லியாக ஆண்ட்ரூ கல்லம், சிரில் ராட்கிளிஃப் ஆக ரிச்சர்ட் டெவர்சன் ஆகியோர் நடித்துள்ளன. நவம்பர் 15 முதல் சோனி லிவ் ஓடிடியில் இந்த தொடர் ஸ்ட்ரீமிங் ஆகிறது.
மீண்டும் கம்பேக் கொடுக்கும் சக்திமான்
இந்தியாவின் முதல் சூப்பர் ஹீரோ மீண்டும் வருகிறார் என குறிப்பிட்டு, 90ஸ் கிட்ஸ்களின் பேவரிட் டிவி சிரீயலான சக்திமான் கம்பேக் குறித்து தனது இன்ஸ்டாவில் அறிவித்துள்ளார் சக்திமான் கதாபாத்திரத்தில் நடித்த நடிகர் முகேஷ் கன்னா. இதன் மூலம் சக்திமான் தொடர் மீண்டும் புத்தம் புது பொலிவுடன் விரைவில் வெளிவர இருப்பதாக தெரிவிக்கப்பட்டுள்ளது.
பிரபல எழுத்தாளர் குளியல் அறையில் வழுக்கி விழுந்து உயிரிழப்பு
மர்மதேசம் டிவி தொடர், பல்வேறு நாவல்கள், சிறுகதை எழுத்தாளரும், ஆன்மிக சொற்பொழிவாளருமான இந்திரா செளந்தர்ராஜன் காலமானார். அவருக்கு வயது 66. றிப்பாக, மர்மம், பேய், அமானுஷ்யம் சார்ந்த கதைகளை எழுதுவதில் வல்லவரான இவர் மர்மதேசம் சீரிஸில் சொர்ண ரேகை, விடாது கருப்பு போன்ற புகழ்பெற்ற கதைகளை எழுதியுள்ளார். மதுரை டி.வி.எஸ். நகரில் உள்ள வீட்டின் குளியல் அறையில் வழுக்கி விழுந்த இந்திர செளந்தரராஜன் உயிரிழந்ததாக கூறப்படுகிறது
ஏற்கனவே, தமிழ் சினிமாவின் குணச்சித்திர நடிகர் டெல்லி கணேஷ் உயிரிழந்த நிலையில், தற்போது மற்றொரு பிரபலமும் இறந்திருப்பது திரையுலகினரை சோகத்தில் ஆழ்த்தியுள்ளது
18+ நிகழ்ச்சியைப் பார்க்க சம்பவம் செய்த நடிகை
18 வயது பூர்த்தியானவர்கள் மட்டுமே பார்க்க அனுமதிக்கப்பட்ட நிகழ்ச்சி ஒன்றில் பங்கேற்பதற்காக செயற்கையாக மார்பகங்களை உருவாக்கி சென்றதாக நடிகை பிரீத்தி ஜிந்தா கூறியுள்ளார். இதுபற்றி அவர் கூறியதாவது, " சிறு வயதில் நான் மிகவும் குறும்புக்கார பெண்ணாக இருந்தேன். இதனால் என் அம்மாவை மிகவும் நான் கஷ்டப்படுத்தி இருக்கிறேன். அவருக்கு நான் பல சங்கடங்களையும் தந்திருக்கிறேன் என்றார்.
நான் சுமார் 12 வயதில் இருக்கும் போது ஒரு ராணுவ நிகழ்ச்சி நடைபெற்றது. நான் அந்த நிகழ்ச்சியில் பங்கேற்க வேண்டும் என மிகவும் அடம்பிடித்தேன். ஆனால், அந்த நிகழ்ச்சியில் 18 வயதுக்கு மேலானவர்கள் தான் பங்கேற்க வேண்டும் எனத் தெரிவிக்கப்பட்டிருந்தது.
இருந்தாலும், அந்த நிகழ்ச்சியில் என்ன நடக்கிறது என்பதைக் காண இருந்த ஆர்வத்தால் நான் அந்த வயதில் மிகவும் மோசமான ஒரு சம்பவத்தை செய்தேன். நான் என் அம்மாவின் ப்ராவை எடுத்துப் போட்டுக் கொண்டு வந்துவிட்டேன். பின், இரண்டு ஆரஞ்சு பழங்களை அதற்குள் வைத்துக் கொண்டு, நானே என்னை 18 வயது பெண் போல மேக்கப் செய்து கொண்டேன்.
பின், ராணுவ நிகழ்ச்சி நடக்கும் இடத்திற்கு சென்று, எனக்கு இப்போது 18 வயது ஆகிறது. நான் நிகழ்ச்சியில் கலந்து கொள்ளலாமா? எனக் கேட்டேன். அந்த சமயத்தில் அங்கிருந்த நபர் என்னை மேலேயும் கீழேயும் ஒரு மாதிரியாக பார்த்துக் கொண்டிருந்தார்.
இதை இப்போது நினைத்து பார்க்கும் போது, மிகவும் வெட்கமாக இருக்கிறது. இதுகுறித்து என் அம்மாவுக்கு தெரியாது. ஒருவேளை தெரிந்திருந்தால் அவர் என்னைபற்றி என்ன நினைப்பார் என்றே தெரியாது. இப்போது உள்ள எனது நண்பர்களின் குழந்தைகளை நான் அதிக குறும்புத் தனங்களுடன் பார்க்கிறேன். நல்ல வேளை கடவுள் எனக்கு அதுபோன்ற குழந்தையை கொடுக்கவில்லை என்பதை நினைத்து நான் சந்தோஷப்படுகிறேன்" எனக் கூறினார்.
இயக்குநர் அவதாரம் எடுக்கும் தேவையானி
சென்னையில் உள்ள பிரபல திரைப்பட கல்லூரி ஒன்றில் இயக்குநர் பயிற்சி பள்ளியில் படித்து வரும் தேவயானி குறும்படம் ஒன்றை இயக்கியுள்ளார். அடுத்ததாக சினிமாவில் புதிய படம் ஒன்றை இயக்கி இயக்குநர் அவதாரம் எடுக்க இருக்கிறார் தேவயானி. ஏற்கனவே நடிகைகள் ரேவதி, ஸ்ரீபிரியா, சுஹாசினி உள்பட பலரும் சினிமாக்களை இயக்கியிருக்கும் நிலையில் தேவையானியும் இந்த அவதாரத்தை எடுக்கவுள்ளார்.
மாலத்தீவு டூர் சென்ற டாப் ஹீரோக்களின் மனைவிகள்
தெலுங்கு சினிமாவின் முன்னணி ஹீரோக்களான மகேஷ் பாபு, ராம் சரண் ஆகியோர் தங்களது படங்களில் பிஸியாக இருந்து வருகிறார்கள். இதையடுத்து மகேஷ் பாபு மனைவி நம்ரதா சிரோத்கர், ராம்சரண் மனைவி உப்சனா ஆகியோர் மாலத்தீவுக்கு ஜாலி ட்ரிப் கிளம்பியுள்ளார்கள். இவர்கள் அங்கு தோழிகளுடன் ஜாலியாக நேரத்தை கழிக்கும் விடியோ சமூக வலைத்தளங்களில் வைரலாகி வருகிறது.
