Top 10 Cinema: 'அஜித் 62' அப்டேட் முதல் 'விஜய் 69' ஷூட்டிங் வரை.. இன்றைய கோலிவுட் அப்டேட்..

1. அரசியலில் தனது முதல் மாநாட்டை வெற்றிகரமாக முடித்துள்ள நடிகர் விஜய் அடுத்ததாக இயக்குநர் ஹெச்.வினோத்தின் தளபதி 69 திரைப்படத்தில் கவனம் செலுத்த உள்ளார். அதன்படி அவர், நவம்பர் 4ம் தேதி முதல் தளபதி 69 படப்பிடிப்பில் பங்கேற்க உள்ளார் என தகவல் வெளியாகியுள்ளது. இந்நிலையில், தளபதி 69 திரைப்படம் அடுத்த ஆண்டு அக்டோபர் மாதம் ரிலீஸாகலாம் என எதிர்பார்க்கப்படுகிறது.

2. தமிழ் திரையுலகில் நடன இயக்குநராகவும், நடிகராகவும் இயக்குநராகவும் கலக்கி வரும் ராகவா லாரன்ஸின் 25வது படம் குறித்த அறிவிப்பு வெளியாகிறது. ராகவா லாரன்ஸ் இன்று அவரது 47வது பிறந்தநாளைக் கொண்டாடும் நிலையில், படக்குழு இந்த அறிவிப்பை வெளியிட்டுள்ளது. தெலுங்கு இயக்குநர் ரமேஷ் வர்மா இயக்கும் இந்தப் படத்திற்கு கால பைரவா எனப் பெயரிடப்பட்டுள்ளது, இந்தப் படம் பான் இந்தியா திரைப்படமாக தயாரிக்கப்பட்டு வருகிறது.

3. நடிகர் சிவகார்த்திகேயன் அமரன் படத்தின் புரொமோஷன் வேலைகளில் பிஸியாக உள்ளார். இந்த சமயத்தில், நடிகர் விஜய்யைப் போன்று நீங்களும் அரசியலுக்கு வருவீர்களா என கேள்வி எழுப்பப்பட்டது. இதற்கு பதிலளித்த சிவகார்த்திகேயன், நான் சினிமாவில் செய்ய வேண்டியவை அதிகம் உள்ளது. அதனால், அரசியலுக்கு வருவது குறித்து பின்னர் பார்த்துக் கொள்ளலாம் எனக் கூறி சமாளித்துள்ளார்.

4. நடிகை நயன்தாரா தனது உடலமைப்பை மாற்றுவதற்காக எந்த பிளாஸ்டிக் சர்ஜரியும் செய்ததில்லை எனக் கூறியுள்ளார். தான் புருவத்தை அழகுபடுத்த அதிக நேரம் எடுத்துக் கொள்வேன். அதனால் என் முகத்தில் மாற்றங்கள் செய்தது போல் தெரியலாம். ஆனால், அது நான் மேற்கொள்ளும் டயட்டினால் வந்த ஒன்று தான் எனக் கூறியுள்ளார்.

5. நடிகர் சூர்யா குடும்பத்துடன் மும்பைக்கு குடி பெயர்ந்தது பற்றி, முதல்முறையாக கருத்து தெரிவித்துள்ளார். ஜோதிகா சினிமாவில் நடிப்பதற்காக 27 வருடங்களுக்கு முன் சென்னை வந்தார். பின் அவர் என்னைத் திருமணம் செய்துகொண்டு இங்கேயே இருந்தார். ஆனால், அவருடைய தேவையை புரிந்துகொள்ள எனக்கு இத்தனை ஆண்டுகள் தேவைப்பட்டுள்ளது. ஜோதிகா அவருடைய பெற்றோருடன் இருக்க விரும்பினார். அவருக்கும் அவருடைய நண்பர்கள் தேவை. மரியாதை தேவை. அதனால் தற்போது மும்பைக்கு குடிபெயர்ந்துள்ளோம் எனக் கூறினார்.

6. இயக்குநர் மாரி செல்வராஜ்- கார்த்தி கூட்டணியில் உருவாக உள்ள திரைப்படம் குறித்த தகவலை இப்படத்தின் தயாரிப்பாளர் லக்ஷ்மணன் கூறியுள்ளார். இந்தப் படம் இயக்குநர் மாரி செல்வராஜின் தந்தை வாழ்வில் நடந்த ஒரு உண்மை சம்பவத்தை அடிப்படையாக வைத்து எடுக்கப்பட உள்ளது. இது மக்கள் மனதை மிகவும் பாதிக்கும் வகையில் அமையக் கூடும் எனக் கூறியுள்ளார். மாரி செல்வராஜ் தற்போது பைசன் திரைப்படத்தில் பிஸியாக உள்ளார். இந்தப் படத்தை முடித்தப் பிறகு கார்த்தியுடன் இணைந்து இப்படத்தை தொடங்க உள்ளார் எனவும் கூறினார்.

6. அமரன் படத்தில் நடித்த சாய் பல்லவியை பலருக்கும் பிடித்துப் போன நிலையில், சில நாட்களாக அவர் மீது நெட்டிசன்கள் அவர் மீது வெறுப்பை தெரிவித்து வருகின்றனர். அதுமட்டுமல்லாமல், BoycottSaiPallavi என்ற ஹேஷ்டேக்கை வைரலாக்கி வருகின்றனர். காஷ்மீர் பைல்ஸ் பற்றியும் பசு பாதுகாவலர்களின் தாக்குதல் குறித்தும் 2 ஆண்டுகளுக்கு முன்பு சாய் பல்லவி பேசிய கருத்துகளுக்கு எதிர்ப்பு தெரிவிக்கும் விதமாக இப்படி நெட்டிசன்கள் செய்து வருகின்றனர்.

7. மகிழ் திருமேனி இயக்கத்தில் நடிகர் அஜித்குமார் நடிக்கும் விடாமுயற்சி படம் குறித்த எந்தத் தகவலும் சில நாட்களாக படக்குழு வெளியிடதா நிலையில், இந்தத் திரைப்படம் குறித்த அப்டேட் ஒன்று வெளியாகியுள்ளது. இந்தப் படத்தில் முக்கிய கதாப்பாத்திரத்தில் நடித்துள்ள பிக்பாஸ் ஆரவ், படத்தின் டப்பிங் பணிகள் தொடங்கியுள்ளதாக தகவல் தெரிவித்துள்ளார். வரும் ஜனவரி மாதம் படம் வெளியாகும் என கூறப்பட்டு வரும் நிலையில், தற்போது டப்பிங் பணிகள் விறுவிறுப்பாக நடைபெறுகிறது.

8. நடிகர் கமல் ஹாசன் இயக்குநர் ஷங்கர் கூட்டணியில் வெளியாகி பெரும் வெற்றியடைந்த திரைப்படம் இந்தியன், இந்தப் படத்தின் கதையை முதலில் ரஜினிக்காக தான் எழுதியிருந்தாராம் ஷங்கர். பெரிய மனுஷன் என்ற தலைப்பில் இந்தப் படம் எடுக்கவும் திட்டமிட்டிருந்தனராம். ஆனால், ரஜினிகாந்த்தின் கால்ஷீட் இல்லாததால், இந்தியன் எனும் தலைப்பை எடுத்துக் கொண்டு கமல் இந்தப் படத்தில் நடித்துள்ளாராம். இதுதொடர்பான செய்திகள் இப்போது வெளிவந்துள்ளன.

9. மக்கள் மத்தியில் நல்ல வரவேற்பைப் பெற்ற லப்பர் பந்து திரைப்படத்தில் நடித்த மௌனிகா அவரது நீண்டகால காதலரான சந்தோஷை திருமணம் செய்துள்ளார். மௌனிகா பிளாக் ஷீப், கனா காணும் காலங்கள் போன்ற சீரியல்களில் நடித்துவந்த நிலையில், இவருக்கு ஜீ தமிழ் சீரியல் நடிகர் சந்தோஷுடன் காதல் ஏற்பட்டது. பின் இவர்கள் இருவரும் குடும்பத்தினர் சம்மதத்துடன் திருமணம் செய்து கொண்டுள்ளனர்,

10. கன்னட நடிகையான ருக்மணி வசந்த், தமிழில் நடிகர் விஜய் சேதுபதியுடன் ஏஜ் படத்திலும், சிவகார்த்திகேயனின் 23வது படத்திலும் நடிக்க ஒப்பந்தம் ஆகியுள்ளார். இந்நிலையில், இவர், 'ஒவ்வொரு படமும் என்னை ஒரு சிறந்த நடிகையாக வளர உதவுகிறது. இதுதான் வித்தியாசமான கதாபாத்திரங்களில் பணியாற்றுவதன் அழகு. இதுபோன்ற கதாபாத்திரங்களில் நடிப்பதை பாக்கியமாக உணர்கிறேன். நடிப்புக்கு மொழி தடையில்லை என கருத்து தெரிவித்துள்ளார்.