VijayMakkalIyakkam: "போஸ்டர் அடி... அண்ணன் ரெடி"... - மாஸாக வந்திறங்கிய விஜய்.. - அதிர்ந்த பனையூர் அலுவலகம் - வீடியோ!
நடிகர் விஜய் சென்னை பனையூரில் உள்ள தளபதி மக்கள் இயக்க தலைமை அலுவலகத்திற்கு வந்தடைந்தார்.
2023ம் நடந்து முடிந்த 10 மற்றும் 12 -ம் வகுப்பு பொதுத்தேர்வில் தொகுதி வாரியாக முதல் மூன்று இடங்களை பிடித்த மாணவ மாணவியரை தேர்வு செய்து நடிகர் விஜய் சான்றிதழ்கள் மற்றும் ஊக்கத்தொகையை வழங்கினார். அந்த நிகழ்ச்சியில் பொருளாதாரத்தில் பின்தங்கிய நிலையில் கல்வி பயின்று அதிக மதிப்பெண்கள் எடுத்த மாணவ மாணவிகளுக்கும் ஊக்கத்தொகை வழங்கப்பட்டது.
கிட்டத்தட்ட 12 மணி நேரத்திற்கும் மேலாக நடந்த இந்த விழாவில் அவ்வளவு நேரமும் மேடையிலேயே நின்று மாணவர்களுக்கு சான்றிதழ்கள் மற்றும் ஊக்கத்தொகையை விஜய் வழங்கினார். இந்த நிகழ்ச்சிக்காக தளபதி மக்கள் இயக்கம் சார்பில் ஒரு மாதத்திற்கு முன்னதாகவே அதற்கான வேலைகள் பரபரத்தன.
கடந்த ஜூன் 17ம் தேதி நடைபெற்ற இந்த நிகழ்வில் விஜய் முழுக்க முழுக்கவே மாணவர்களுடன் நேரத்தை செலவிட்டதால், ஒவ்வொரு தொகுதியில் இருந்த வந்த தளபதி மக்கள் இயக்க நிர்வாகிகளை அவர் சந்திக்க முடியாமல் போனது.
இந்த நிலையில்தான் அவர்களை சந்திக்க முடிவெடுத்த நடிகர் விஜய், இன்றைய தினம் சென்னை பனையூரில் உள்ள தளபதி மக்கள் இயக்க தலைமை அலுவலகத்தில் அவர்களை சந்தித்து போட்டோ எடுத்துக்கொள்வதற்கான வேலைகளைச் செய்ய சொல்லியிருக்கிறார்.
அதன்படி இன்றைய தினம் அதற்கான வேலைகள் நடந்தன. இதில் அரியலூர், திருச்சி, பெரம்பலூர் உள்ளிட்ட 15 மாவட்டங்களைச் சேர்ந்த நிர்வாகிகள் என பலர் கலந்து கொண்டிருக்கின்றனர். விஜய் காலை வருவதாக சொல்லப்பட்டு இருந்த நிலையில் அவர் மதிய உணவை முடித்து விட்டு வருதாக தெரிவிக்கப்பட்டது. அதன்படி தற்போது விஜய் அங்கு வருகை தந்து இருக்கிறார்.
டாபிக்ஸ்