சிறக்கடிக்க ஆசை சீரியல் முத்துவுக்கு கூடிய சீக்கிரத்தில் டூம் டூம்! இவருதான் பொண்ணா
வெற்றி வசந்த்துக்கும் வைஷ்ணவிக்கும் திருமண நிச்சயதார்த்தம் நடைபெறவிருக்கிறது என்பதை வசந்த்தும் வைஷ்ணவியும் அவர்களுடைய ரசிகர்களுக்கு ஏற்கெனவே அறிவித்திருந்தனர்.
விஜய் டிவியில் ஒளிப்பரப்பாகி வரும் சிறக்கடிக்க ஆசை சீரியலில் கதாநாயகனாக நடித்து வருபவர் வெற்றி வசந்த். இவர் நடித்து வரும் முத்து என்ற கதாபாத்திரம் பல ரசிகர் பட்டாளத்தையே உருவாக்கி உள்ளது. இவருக்கு ஜோடியாக மீனா கதாபாத்திரத்தில் நடிக்கும் கோமதி கதாபாத்திரத்திறக்கும் பல ரசிகர்கள் உள்ளனர். விஜய் டிவி சீரியல்களில் டி. ஆர். பியில் முதல் இடத்தில் சிறக்கடிக்க ஆசை சீரியல் இருந்து வருகிறது. இரவு 9 மணிக்கு ஒளிப்பாரப்பாகும் இந்த சீரியலுக்கு அதிக ரசிகர்கள் உள்ளனர் என்பது குறிப்பிடத்தக்கது.
வெற்றிக்காக காத்திருந்த வெற்றி வசந்த்
முதலில் சினிமா கனவுகளோடு சென்னை வந்த வெற்றி வசந்த் எந்த வாய்ப்பும் இல்லாமல் பல வேலைகளை செய்து வந்தார். ஃபுட் டெலிவிரி பாயாக, செக்யூரிட்டியாக என வேலை பார்த்த இவர், பின் ஒரு இயக்குனரிடம் இணையாக வேலைக்கு சேர்ந்தார். அவ்வப்போது சில யூடியூப் சீரிஸ்களிலும் நடித்து வந்தார். தொடர்ந்து 6 வருடங்கள் வெளிச்சத்திற்கு வாராமலே இருந்து வந்தார்.
பின்னர் விஜய் டிவியில் விகடன் தயாரிக்கும் ஒரு சீரியலில் ஹீரோவாக ஒப்பந்தம் ஆனார். பின் சிறக்கடிக்க சீரியல் வாயிலாக தமிழ் மக்களின் வீட்டிற்குள் எளிமையாக புகுந்தார். தற்போது முத்து என்றாலே பல்லாயிரக்கணக்கான பேருக்கு மிகவும் பிடித்த கதாபாத்திரமாக மாறி விட்டார். இவரது யதார்த்தமான, நகைச்சுவையான நடிப்பால் அனைவரது மனசையும் வென்று விட்டார்.
பொன்னி வைஷ்ணவி
விஜய் டிவியில் ஒளிபரப்பான ‘ராஜா ராணி’ தொடரின் மூலம் ரசிகர்களுக்கு பரீச்சையமானவர் வைஷ்ணவி. இவர் இந்த தொடரில் வெகுவாக கவனிக்கப்பட்டவர் ஆவார். மேலும் தற்போது விஜய் டிவியில் ஒளிபரப்பாகி வரும் ‘பொன்னி’ தொடரில் நாயகியாக நடித்துக் கொண்டிருக்கிறார். வசந்த்துக்கும் வைஷ்ணவிக்கும் திருமண நிச்சயதார்த்தம் நடைபெறவிருக்கிறது என்பதை வசந்த்தும் வைஷ்ணவியும் அவர்களுடைய ரசிகர்களுக்கு ஏற்கெனவே அறிவித்திருந்தனர்.
இந்நிலையில் வசந்த் - வைஷ்ணவி திருமண நிச்சயதார்த்தம் இரு வீட்டு பெற்றோர்கள், பெரியோர்கள், நண்பர்கள், சின்னத்திரை பிரபலங்கள் எனப் பலர் முன்னிலையில் சென்னையில் நடைபெற்றிருக்கிறது. இவர்களுக்குப் பலரும் வாழ்த்துகள் கூறி வருகின்றனர்.
இன்ஸ்டாவில் சர்ப்ரைஸ்
சில தினங்களுக்கு முன் வெற்றி அவரது இன்ஸ்டா பக்கத்தில் ஒரு குட் நியூஸ் சொல்லப்போவதாக பதிவிட்டு இருந்தார். ஏதாவது புது படத்தில் நடிக்க இருப்பார் என எதிர்பார்க்கப்பட்ட நிலையில் வைஷ்ணவியுடனான வீடியோ ஒன்றை வெளியிட்டு இருவரும் காதலித்து வருவதாக தெரிவித்தார். மேலும் இருவருகக்கும் கூடிய விரைவில் நிச்சயதார்த்தம் நடக்க இருப்பதாகவும் தெரிவித்து இருந்தார்.
மேலும் இவர் சில தினங்களுக்கு முன் வைஷ்ணவிக்கு ஒரு சரப்பரைஸ் கொடுத்தது போன்ற வீடியோ சமூக வலைத் தளங்களில் வைரலானது. அதற்கு பல ரசிகர்கள் வாழ்த்து தெரிவித்து இருந்தனர். மேலும் இவர்களது நிச்சயதார்த்தம் நடந்து முடிந்து அது தொடர்பான போட்டோக்கள் சமூக வலைத்தளங்களில் வைரலாகி வருகிறது. இவர்களது ஜோடிப் பொருத்தம் குறித்தும் பலர் வாழ்த்து தெரிவித்து வருகின்றனர். பிரைம் டைமில் ஒளி பரப்பாகும் சிறக்கடிக்க சீரியல் நடிகரும், பொன்னி சீரியல் நடிக்கையும் திருமணம் செய்து கொள்வது அடுத்த விஜய் டிவியில் இருந்து அடுத்த ஜோடி தயார் ஆகியுள்ளது.
டாபிக்ஸ்