என்ஜினியர் டூ டைரக்டர்! இளைஞர்களின் இன்ஸ்பிரேஷன் கார்த்திக் சுப்பராஜ்
HBD Karthik Subbaraj: இதுவரை 7 படங்களையும், 3 வெப் சீரிஸ்களையும் இயக்கியிருக்கும் கார்த்திக் சுப்பராஜ் தற்போது பெரிதும் எதிர்பார்பை ஏற்படுத்தியிருக்கும் ஜிகர்தண்டா இரண்டாம் பாகத்தை இயக்கி வருகிறார். பார்ட் 2 என்ற எதிர்பார்ப்பை கடந்து படம் மீது ஆவலை ஏற்படுத்தியிருப்பது வித்தியாசமான மாஸ் டீஸர்தான்.
நானும் மதுரைக்காரன்தான் டா என்ற விஷால் நரம்பு புடைக்கு மாஸ் காட்சியை போல் மதுரை மண்ணின் மைந்தனாக திகழும் கார்த்திக் சுப்பராஜ் படித்தது மதுரை தியாகராஜ காலேஜ்ஜில் என்ஜினியரிங்கள். பெங்களூருவில் ஐடி வேலை, அங்கிருந்து அமெரிக்க பறந்த கார்த்திக் சுப்பராஜின் பார்வையை சினிமா பக்கம் திருப்பியதில் முக்கியமானவராக, சொந்த ஊரான மதுரையில் பிறந்து திரையுலகினரால் கொண்டாடப்படும், ஒவ்வொரு நடிகர்கள் ஒரு முறையாவது இவரது இயக்கத்தில் நடிக்க வேண்டும் என்ற ஏக்கத்தை ஏற்படுத்திய இயக்குநர் மணிரத்னம் தான்.
2010 காலகட்டத்தில் சினிமா மீது தீராத காதல் கொண்ட இளைஞர்களை கண்டறியும் களமாக கலைஞர் டிவியில் ஒளிபரப்பான நாளைய இயக்குநர் நிகழ்ச்சி அமைந்திருந்தது. இந்த நிகழ்ச்சி மூலம் அடையாளம் காணப்பட்டு கோலிவுட்டில் இயக்குநராக ஜொலித்த நலன் குமாரசாமி, பாலாஜி மோகன், முண்டாசுபட்டி ராம்குமார், பண்ணையாரும் பத்மினியும் அருண்குமார் போன்ற இயக்குநர்களின் வரிசையில் கார்த்திக் சுப்பராஜும் ஒருவர்.
நாளைய இயக்குநர் நிகழ்ச்சியில் காட்சிப்பிழை படம் மூலம் கவனத்தை ஈர்த்த கார்த்திக் சுப்பராஜ் அடுத்தடுத்த எபிசோடுகளில் தனது படங்களல் கவர்ந்தார். இதையடுத்து 2012ஆம் ஆண்டில் வெளியான சிறிய பட்ஜெட் சஸ்பென்ஸ் கலந்த திகில் படமான பிட்சா மூலம் இயக்குநராக அறிமுகமானார்.
