29 Years of Seevalaperi Pandi: தென் தமிழகத்தின் முதல் என்கவுன்ட்டர் - தமிழ் சினிமாவில் ஒரு க்ரைம் Biopic

உண்மை கதையை சினிமாவுக்கு ஏற்ப திரைக்கதையாக்கினார் இயக்குநர் கே. ராஜேஷ்வர். இதற்காக இந்த கதை நடந்ததாக சொல்லப்பட்ட திருநெல்வேலி பகுதிகளுக்கு சென்று பல்வேறு தகவல்களை சேகரித்துள்ளார்.

சீவலப்பேரி பாண்டியின் உண்மை கதை தூரேகங்களால் சூழ்ந்ததாக அமைந்திருக்கும். முதலில் தனது முதலாளி, பின்னர் நண்பர்கள் என இருந்த அவரது வாழ்க்கையின் முக்கிய அம்சத்தையும், காதல், காமெடி, ஆக்‌ஷன் போன்ற மசாலா அம்சங்ளையும் வைத்து இந்த படத்தை உருவாக்கியிருப்பார்கள்.

இந்த படத்தில் முதலில் மம்முட்டி நடிப்பதாக இருந்தது. ஆனால் கால்ஷீட் பிரச்னையால் அவர் வெளியேறியதாக கூறப்பட்ட நிலையில் அப்போது வளர்ந்து வரும் நடிகராக இருந்த நெப்போலியன் சீவலப்பேரி பாண்டியாக நடித்தார். அவரது உயரமான, கட்டுமஸ்தான தோற்றம் அப்படியே கேரக்டருக்கு மிகவும் பொருத்தமாக அமைந்தது போனது.

உண்மை கதையுடன் ஏரளாமான கற்பனை அம்சங்களும் சேர்ந்து உருவான இந்த படம் கலவையான விமர்சனங்களை பெற்றது. இருந்தபோதிலும் நிஜமாக நடந்த சம்பவத்தை படமாக்கியதால் தென் தமிழக பகுதில் இந்தப் படம் பட்டையை கிளப்பியது.

நெப்போலியன் சினிமா வாழ்க்கையில் திருப்புமுனையை ஏற்படுத்திய சீவலப்பேரி பாண்டி வெளியாகி இன்றுடன் 29 ஆண்டுகள் ஆகிறது.