உங்கள நம்புனதுக்கு நானும் சாப்டாம இருக்கணுமா? ஆத்திரம் அடைந்த தர்சா! அதிர்ச்சியில் ஆண்கள் அணி!
இந்நிலையில் பிக்பாஸ் சீசன் 8 இன் 9 வது நாளான இன்று அதன் முதல் புரோமோ வெளியாகி உள்ளது.
பிக்பாஸ் தமிழ் சீசன் 8 தொடங்கி பல பஞ்சயாத்து சண்டைகளுடன் நடந்துக் கொண்டிருக்கிறது. இந்த சீசனில் மிகவும் புதிய விதமான விதிமுறைகள், புதிய தொகுப்பாளர் என ஆளும் புதுசு ஆட்டமும் புதுசு அனைத்திலும் புதுமையாக இந்த சீசன் தொடங்கியது. இந்த சீசனில் மற்ற சீசன்களில் இல்லாத அளவுக்கு பல விஷயங்கள் அறிமுகப்படுத்தப்பட்டன. மேலும் ஆண்கள் அணி மற்றும் பெண்கள் அணி என இரு அணிகள் தனியாக பிரிக்கபட்டன. பல சுவரசியங்களோடு 18 போட்டியாளர்களோடு ஆரம்பித்த இந்த நிகழ்ச்சி தற்போது சுவாரசியத்தின் அடுத்தக்கட்டத்திற்கு சென்று கொண்டிருக்கிறது.
இன்றைய புரோமோ
இந்நிலையில் பிக்பாஸ் சீசன் 8 இன் 9 வது நாளான இன்று அதன் முதல் புரோமோ வெளியாகி உள்ளது. இதில் நேற்று நடந்த டாஸ்க்கில் ஆண்கள் அணி ரூ.8700 சம்பாத்தித்து இருந்தனர். ஆனால் அவர்கள் ரூ.8700 க்குள் மட்டுமே சமையல் பொருட்களை வாங்கி கொள்ள வேண்டும் என்பது விதிமுறையாக இருந்தது. ஆனால் ஆண்கள் அணியினர் அவர்கள் வாங்கிய சமையல் காய்கறிகள் மற்றும் மளிகை பொருட்கள் ஆகியவற்றின் மதிப்பு ரூ. 12000 யை தாண்டியது. இதன் காரணமாக பிக்பாஸ் இது குறித்தான அறிவிப்பு ஒன்றை கூறினார். அந்த அறிவிப்பின் படி அதிக பயணத்துக்கு பொருட்கள் வாங்கிய காரணத்தினால், மொத்தமாக அனைத்து மளிகை பொருட்களும் ரத்து செய்யப்பட்டு, பிக் பாஸ் என்ன தருகிறாரோ, அதை வைத்து மட்டுமே இந்த வாரத்தில் சமைத்து சாப்பிட வேண்டும் எனத் தெரிவிக்கப்பட்டது.
ஆத்திரமடைந்த தர்சா
ஆண்கள் அணியின் சரியாத திட்டமிடல் இல்லாத காரணத்தால் அவர்களுக்கு இந்த வாரம் முழுக்க போதுமான சமையல் பொருட்கள் வழங்கப்படமாட்டாது எனத் தெரியவந்துள்ளது. இந்த அறிவிப்பை அடுத்து பெண்கள் அணியில் இருந்து ஆண்கள் அணிக்கு சென்ற தர்சா மிகவும் கோபாமடைந்தார். மேலும் உங்கள நம்புனதுக்கு நான் சாப்பிடாமா இருக்கணுமா? பிளான் ஏ, பிளான் பி ன்னு அத்தன பிளான் போட்டீங்களே உள்ள யாரு போகணும்னு பிளான் பண்ணலாயா என கேள்வி கேட்கிறார். ஆண்கள் செய்த இந்த தவறால், பெண்கள் அணியில் இருந்த ஆண்கள் அணிக்கு வந்த தர்ஷா கடும் கோபத்தில் ஆண்கள் அனைவரையும் திட்டித்தீர்த்துவிட்டார்.
குஷியில் பெண்கள் அணி
ஆண்கள் அணியின் இந்த தவறால் பெண்கள் அணியினர் மிகவும் மகிழ்ச்சி அடைந்து உள்ளனர். மேலும் இந்த அறிவிப்பு அறிவிக்கப்பட்ட போது மிகவும் குஷியாக கத்தி அவர்களது வெற்றியை கொண்டாடினார். மேலும் தர்சா கோபம் அடைந்து கத்திய போதும், அதை உற்சாகப் படுத்தி கைத்தத்தி மகிழ்ச்சி அடைந்தனர். இந்த புரோமோ வெளியானதை தொடர்ந்து, ரசிகர்கள் பலர் தர்சாவை பாராட்டி வருகின்றனர். அவரது வாய்ப்பை சரியாக பயன்படுத்திக் கொண்டதாகவும் கமெண்ட் செய்து வருகின்றனர். மேலும் முத்துக் குமரன் தர்சாவை ஜோக்கர் எனக் கூறியதற்கு தர்சா சரியான பதிலடி கொடுத்துள்ளார் எனவும் கூறி வருகின்றனர். இனி ஆண்கள் அணியில் இருக்கும் தர்சா முழுக்க பெண்கள் அணிக்காக மட்டுமே விளையாடுவார் என்பது இதன் மூலம் நிரூபணம் ஆகியுள்ளது.
டாபிக்ஸ்