இயக்குனர் சிவா குறித்து அஜீத் என்ன சொன்னார் தெரியுமா? சூர்யாவே சொன்ன அந்த விஷயம்!
தமிழ் நடிகர்களில் முன்னணி ஹீரோவாக இருந்து வரும் சூர்யாவின் கங்குவா திரைப்படம் வரும் நவம்பர் 14ஆம் தேதி திரையரங்குகளில் வெளியாக உள்ளது. இப்படத்தினை இயக்குனர் சிறுத்தை சிவா இயக்கியுள்ளார்.
தமிழ் நடிகர்களில் முன்னணி ஹீரோவாக இருந்து வரும் சூர்யாவின் கங்குவா திரைப்படம் வரும் நவம்பர் 14ஆம் தேதி திரையரங்குகளில் வெளியாக உள்ளது. இப்படத்தினை இயக்குனர் சிறுத்தை சிவா இயக்கியுள்ளார். மேலும் ஸ்டுடியோ கிரீன் மற்றும் யூவி கிரியேஷன் நிறுவனம் இணைந்து இப்படத்தை தயாரித்துள்ளது. இந்த படத்தில் நடிகர் சூர்யாவுடன் திசா பதானி பாபி தியோல், யோகி பாபு, ரெடீன் கிங்ஸ்லி உள்ளிட்ட பல நடிகர்கள் நடித்துள்ளனர். இப்படத்திற்கு இசையமைப்பாளர் தேவி ஸ்ரீ பிரசாத் இசையமைத்துள்ளார். இந்தியா மற்றும் உலக அளவில் என சேர்த்து ஓட்டு மொத்தமாக கிட்டத்தட்ட 3000 திரையரங்குகளில் இப்படம் வெளியாக உள்ளது.
வரலாற்று படமாக உருவாகும் இப்படத்தில் 3டி தொழில்நுட்பம் பயன்படுத்தப்பட்டுள்ளது. இப்படத்தின் ட்ரெய்லர் மற்றும் பாடல்கள் சமீபத்தில் வெளியாகி யுட்யூப் தளத்தில் வெளியாகி கோடிக்கணக்கான பார்வையாளர்களை பெற்று வருகிறது. இப்படம் தமிழ் தெலுங்கு கன்னடம் சைனீஸ் ஸ்பானிஷ் உள்ளிட்ட பல மொழிகளில் மொழிபெயர்த்து வெளியிடப்படுகிறது. மேலும் மற்ற மொழிகளில் சூர்யாவின் குரல் ஏஐ தொழில்நுட்பத்தில் பயன்படுத்தப்பட்டு டப்பிங் செய்யப்பட்டு வருகிறது. உலகம் முழுவதும் ஆயிரக்கணக்கான தியேட்டர்களில் ரிலீஸ் ஆகும் கங்குவா திரைப்படம் ரசிகர்கள் மத்தியில் பெரும் எதிர்பார்ப்பை ஏற்படுத்தி உள்ளது.
சிறுத்தை சிவா
கடந்த 2011 ஆம் ஆண்டு சிறுத்தை படத்தின் மூலம் தமிழில் இயக்குனராக அறிமுகமானவர் சிறுத்தை சிவா. இவர் நடிகர் அஜித்தை வைத்து வீரம், வேதாளம், விவேகம், விசுவாசம் ஆகிய படங்களை இயக்கியுள்ளார். மேலும் சூப்பர் ஸ்டார் ரஜினிகாந்தை வைத்து அண்ணாத்தை படத்தை இயக்கியுள்ளார். முழுக்க முழுக்க குடும்ப கதை அம்சத்தைக் கொண்ட திரைப்படமாக இவரது படங்கள் இருந்து வருகின்றது. இந்நிலையில் வித்தியாசமாக மாறுபட்ட கோணத்தில் வரலாற்று படமாக கங்குவார் திரைப்படம் உருவாகியுள்ளது.
பொறாமைப் படுவேன்
தற்போது கங்குவா படத்தின் ப்ரோமோஷன் நிகழ்வுகள் இந்தியா முழுவதும் பல மாநிலங்களில் நடைபெற்று வருகிறது. இந்நிலையில் இன்று நடந்த கங்குவா படத்தின் ப்ரோமோஷன் நிகழ்வு ஒன்றில் சூர்யா நடிகர் அஜித் குறித்து ஒரு தகவலை பகிர்ந்து உள்ளார். நான் சமீபத்தில் அஜித் சாரை சந்தித்தேன் அப்போது சிவா உடன் பணியாற்றிய அனுபவத்தை பகிர்ந்து கொண்டார். அதில் சிறுத்தை சிவா உடன் பணியாற்றுவது சிறந்த மனநிறைவைத் தரும் என அஜித் கூறியதாக தெரிவித்துள்ளார்.மேலும் சிவா மற்ற நடிகர்களுடன் பணியாற்றுவதை பார்த்தால் எனக்கு பொறாமை ஏற்படும் அளவுக்கு சிவாவின் பணி நேர்த்தியாக இருக்கும் எனத் தெரிவித்துள்ளார்.
சிவாவின் திறமையினால் தான் சிவாவை விடாமல் பிடித்து வைத்திருந்தேன். என அஜித் கூறியதாக சூர்யா தெரிவித்துள்ளார் நடிகர் அஜித்துடன் பணியாற்றிய படங்கள் அணைத்தம் வணிக ரீதியாக வெற்றியடைந்தது என்பது குறிப்பிடத்தக்கது. கடந்த சில ஆண்டுகளாக சூர்யாவின் படங்கள் எதுவும் சரிவர போகவில்லை இதற்கிடையில் வெற்றிமாறன் இயக்கத்தில் சூர்யா நடித்து வந்த வாடிவாசல் படம் குறித்தான எந்த தகவலும் இதுவரை வெளியாகவில்லை. மேலும் இயக்குனர் பாலா உடன் சூர்யா இணைந்த வணங்கான் படத்திலிருந்து விலகுவதாக சூர்யா அறிவித்திருந்தார். தற்போது சிறிய இடைவெளிக்குப் பின்னர் சூர்யாவின் ஒரு பெரிய படம் வெளிவருவது அவர்களது ரசிகர்களை குஷிப்படுத்தி உள்ளது.
டாபிக்ஸ்