களைகட்டும் கங்குவா திருவிழா! டெல்லி சென்ற படக்குழுவினர்!

இசையமைப்பாளர் தேவி ஸ்ரீபிரசாத் இந்தப்படத்திற்கு இசையமைக்கிறார். கங்குவா திரைப்படத்தின் டைட்டிலை, கடந்த ஏப்ரல் 16ஆம் தேதி படக்குழுவினர் அறிவித்தனர். இந்நிலையில் இப்படம் வரக்கூடிய நவம்பர் 14ஆம் தேதி உலகெங்கும் 3500 திரையரங்குகளில் வெளியாகவிருக்கிறது. ரூ.350 கோடிக்கும் அதிகமான பட்ஜெட்டில் இதுவரை தயாரிக்கப்பட்ட தமிழ்ப் படங்களில் ஒன்று, கங்குவா. ஏழு நாடுகளில் படமாக்கப்பட்ட இப்படம் உலகம் முழுவதும் 35 மொழிகளில் வெளியாகவுள்ளது. கங்குவா திரைப்படத்தில் இந்திய சினிமாவின் மிகப்பெரிய போர்க் காட்சி படமாக்கப்பட்டிருக்கிறது. இதில் 10,000-க்கும் மேற்பட்டோர் போர் புரிவதுபோல் நடித்துள்ளனர்.

கங்குவா திரைப்படத்தின் படப்பிடிப்பு கோவா, எண்ணூர் துறைமுகம், பிஜி தீவுகள், கொடைக்கானல், ஆந்திர மாநிலத்தின் ராஜமுந்திரி மற்றும் பல்வேறு வெளிநாடு பகுதிகளில் நடைபெற்றது.

களைகட்டும் கங்குவா திருவிழா

கடந்த சில வருடங்களாகவே படங்கள் எதுவும் வெளியாகமல் இருந்த சூர்யாவிற்கு படம் வெளியாக உள்ளது. எனவே சூர்யாவின் ரசிகர்கள் மட்டுமில்லாது பொதுவான ரசிகர்களிடையுமே இந்த படம் மிகப்பெரிய எதிர்பார்ப்பை ஏற்படுத்தியுள்ளது. வரலாற்றுப் படமாக உருவாகியுள்ள காரணத்தினால் உலகம் முழுவதும் பல மக்கள் இப்படத்தை காண காத்துக் கொண்டு உள்ளனர். இப்படத்தின் இசைவெளியீட்டு வரும் அக்டோபர் 26 அன்று நடப்பது குறித்தும் தயாரிப்பு நிறுவனம் தகவல்களை வெளியிட்டுள்ளது.

இந்நிலையில் பிரம்மாண்டமாக படம் வெளியாக உள்ளதால் தயாரிப்பு நிறுவனம் சார்பில் பல இடங்களுக்கு புரோமோசன் நிகழ்ச்சி நடத்தப்பட்டு வருகிறது. சில தினங்களுக்கு முன் மும்பை சென்ற இப்படகுழவினரை ரசிகர்கள் உற்சகமாக வரவேற்று இருந்தனர்.

டெல்லிக்கு பறந்த படக்குழவினர்

கங்குவா படக்குழு சார்பாக இன்று நடிகர்கள் சூர்யா, திஷா பதானி மற்றும் பாபி தியோல் ஆகியோர் டெல்லி சென்றுள்ளனர். படத்தின் புரோமோசனக்காக இவர்கள் சென்றுள்ளனர். மேலும் இது குறித்தான வீடியோவை ஸ்டுடியோ கீரின் நிறுவனம் அதன் X தளத்தில் பதிவிட்டுள்ளது. அதில் நடிகர்கள் சூர்யா, திஷா பதானி மற்றும் பாபி தியோல் ரசிகர்களின் நடுவே பேசும் படியாக உள்ளது. டெல்லியில் நல்ல வரவேற்ப்பை அளித்த ரசிகர்களுக்கு சூர்யா நன்றி தெரிவிக்கிறார்.

மேலும் கங்குவா படத்தின் யோலோ பாடல் இன்று மாலை 6 மணி அளவில் வெளியிடப்படும் என அறிவிக்கப்பட்டுள்ளது. தேவி ஸ்ரீ பிரசாத் இசையில் இந்த பாடலின் முன்னோட்ட வீடியோவை தராறிப்பு நிறுவனம் ஸ்டுடியோ கீரின் நிறுவனம் வெளியிட்டுள்ளது. ரசிகர்கள் பலரும் கங்குவா திருவிழாவை கோலாகலமாக கொண்டாட காத்துக் கொண்டுள்ளனர். சமூக வலைத்தளங்களில் இப்படம் குறித்து ரசிகர்கள் பதிவிட்டு வருகின்றனர்.