Suriya 43 Update: மீண்டும் இணையும் சூரரைப் போற்று கூட்டணி! சூர்யா 43 படம் மோஷன் போஸ்டருடன் அறிவிப்பு

சூரரைப் போற்று படத்துக்காக சூர்யா சிறந்த நடிகர், இயக்குநர் சுதா கொங்காரா சிறந்த திரைக்கதைக்கான தேசிய விருதை வென்றுள்ளனர். இதையடுத்து இவர்கள் மீண்டும் புதிய படத்தில் இணையப்போவதாக தகவல் வெளியான நிலையில் ரசிகர்கள் மத்தியில் எதிர்பார்ப்பை ஏற்படுத்தியது. தற்போது இந்த தகவல் உறுதியாகியிருக்கும் ரசிகர்களை குஷிப்படுத்தியுள்ளது.

இந்த புதிய படம் குறித்த அறிவிப்பை நடிகர் சூர்யா தனது எக்ஸ் ( முன்பு டுவிட்டர்) சமூக வலைத்தள பக்கத்தில் மோஷன் போஸ்டருடன் பகிர்ந்திருந்தார், அதில், "நாங்கள் அனைவரும் உற்சாகமாக உள்ளோம். சுதா கொங்காரா, ஜிவி பிரகாஷ் குமார், அவரது 100வது படம், சகோதரர் துல்கர் சல்மான், திறமைமிக்க நஸ்ரியா, சிறந்த நடிகர் விஜய் வர்மா, 2டி எண்டர்டெயின்மெண்ட் தயாரிக்கும் இந்த படத்தில் அனைவரும் இணைந்து பணியாற்றுவதில் உற்சாகமடைகிறோம்" என்று குறிப்பிட்டுள்ளார்.

இதற்கு இசையமைப்பாளரும், நடிகருமான ஜிவி பிரகாஷ் பயர் எமோஜியுடன் கமெண்ட் செய்துள்ளார். சூர்யாவின் 43வது படம் ஜிவி பிரகாஷ் குமார் இசையமைக்கும் 100வது படமாக உள்ளது. அத்துடன் சூரரைப் போற்று பட்த்துக்காக சிறந்த பின்னணி இசைக்கான தேசிய விருதையும் ஜிவி பிரகாஷ் வென்றார்.

விஜய் வர்மா இந்தப் படத்தின் மூலம் தமிழில் அறிமுகமாகிரார். பாலிவுட் படங்களில் நடித்து வரும் விஜய் வர்மா, சூர்யா படத்துக்கு முன்னர் தெலுங்கு ஆக்‌ஷன் காமெடி படமான மிடில் கிளாஸ் அப்பாயி படத்தில் நடித்திருந்தார்.

அதேபோல் பெங்களூர் டேஸ் ஹிட்டுக்கு பின்னர் துல்கர் சல்மான் - நஸ்ரியா ஆகியோர் 10 ஆண்டுகள் கழித்து மீண்டும் இந்த படத்தில் இணைகின்றனர். துல்கர் சல்மான், விஜய் வர்மா ஆகியோரும் தங்களது இன்ஸ்டா பக்கத்தில் சூர்யா 43 படத்தின் மோசஷன் போஸ்டரை பயர் விட்டு பகிர்ந்திருந்துள்ளனர்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9