Jailer First Single: எதிர்பார்ப்பை ஏற்படுத்திய ஜெயிலர் படத்தின் முதல் பாடல் ‘காவாலா’ வெளியானது

இந்தப் படத்தின் முதல் பாடல் இன்று மாலை 6 மணிக்கு வெளியாகியது. அந்தப் பாடல் ‘காவாலா’ எனத் தொடங்குகிறது.

இப்படத்திற்கு இசை அனிருத். இந்தப்படத்தில் மலையாள நடிகர் மோகன்லால், கன்னட நடிகர் சிவராஜ்குமார் மற்றும் பிரியங்கா மோகன், ரம்யா கிருஷ்ணன், யோகிபாபு, வசந்த் ரவி, விநாயகன் உள்ளிட்ட பலர் முக்கிய கதாபாத்திரத்தில் நடிக்கின்றனர்.

இப்படத்தில் ரஜினி, முத்துவேல் பாண்டியன் கதாபாத்திரத்தில் ஜெயிலராக நடிக்கிறார். படம் தொடர்பான போட்டோஸ் வெளியாகி ரசிகர்களை உற்சாகப்படுத்தியது. அதிரடி சண்டை காட்சிகளுடன் இந்தப்படம் தயாராகி வருகிறது. இப்படத்திற்கு அனிருத் இசையமைக்கிறார். இப்படத்தின் படப்பிடிப்பு சமீபத்தில் நிறைவடைந்தது.

ரஜினிகாந்த் மாஸ் ஹீரோ என்பதால் அவரது படத்தின் ரிலீஸ் மிகப் பிரமாண்டமாக இருக்கும். அதை ரசிகர்கள் உற்சாகமாகக் கொண்டாடுவார்கள் என்று எதிர்பார்க்கப்படுகிறது.

காவாலா படத்தின் பாடல் கூட மிகவும் எதிர்பார்ப்புடன் வெளியாகியது. துள்ளல் நிறைந்த பாடலாக இந்தப் பாடல் அமைந்துள்ளது.

இந்தப் பாடலுக்கான புரோமோ வீடியோ ஒன்று சமீபத்தில் வெளியாகியிருந்தது. அதில், இயக்குநர் நெல்சன், பாடலை எழுதிய அருண்ராஜா காமராஜ், இசையமைப்பாளர் அனிருத் ஆகியோர் இடம்பிடித்திருந்தனர்.

அனிருத்தும், நெல்சனும் மாறி மாறி கலாய்த்துக் கொண்டனர். இதற்கு முன்பு டாக்டர் படத்திற்கும் இதேபோன்று புரோமோ வெளியிட்டிருந்தனர். அதுவே படத்திற்கு விளம்பரமாக மாறியது.

அதைத் தொடர்ந்து, விஜய் நடிப்பில் வெளியாகியுள்ள பீஸ்ட் படத்திற்கு இதேபோன்று ஒரு புரோமோ வெளியிட்டனர். அதுவும் நல்ல வியூஸை யூ-டியூப் தளத்தில் பெற்றுத் தந்தது. யூ-டியூப்பில் டிரெண்டிங்கும் ஆனது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9