MANMADHA RASA SONG SECRET: பாகவதர் பாடல்..லாவக உருவல் - பட்டி தொட்டி எங்கும் ஒலித்த தனுஷ் பாடல் எழுதிய ரகசியம் இதுதான்

பாடல் வெளியான சமயத்தில் தமிழகத்தில் பட்டிதொட்டியெங்கும் ஆக்கிரமித்து இருந்த இந்த பாடல் வரிகளை யுகபாரதி எழுதியிருப்பார். தினா இசையமைத்திருப்பார்.

கருப்பு நிற டிரஸ் அணிந்து, மணல் மேடு நிறைந்த பகுதியில் தெறிக்கவிடும் குத்தாட்டத்துடன் காட்சிப்படுத்தப்பட்டிருக்கும் இந்த படம் அனைவரையும் ஆட்டம் போட வைத்தது. எளிமையான வரிகளை கொண்ட பாடல் அப்போது எஃப்களில் தவறாமல் ஒலிக்கும் ட்ரெண்ட் பாடலாக இருந்தது.

இந்த பாடல் வரிகளை எழுதியது பற்றி பாடலாசிரியர் யுகபாரதி சுவாரயஸ் தகவல் நிகழ்ச்சி ஒன்றில் பேசும்போது பகிர்ந்துள்ளார்.

பாகவதர் ஸ்டைலில் குத்து பாடல்

"இயக்குநர் பயங்கரமான குத்து பாடலாக இருக்க வேண்டும் என கூறினார். எனக்கு குத்து பாடல் என்று சொன்னாலே கோபம் வரும். அதற்கு துள்ளல் இசை என்ற அழகான சொல் உள்ளது. அதை சொல்வது சிறப்பாக இருக்கும் என்றேன்.

ஏன் குத்து பாடல் என்கிறீர்கள். அது யாரையும் குத்துகிறதா. குதிக்கத்தான் வைக்கிறது என இயக்குநரிடம் கூறினேன். மேலும் பாடல் எப்படி இருக்க வேண்டும் என கேட்டபோது. தியாகராஜர் பாகவதர் காலத்தில் இருப்பது போல் வேண்டும் என்றார்.

எனக்கு இதை கேட்டு அதிர்ச்சியாக தியாகராஜர் பாகவதர் காலத்தில் வந்த குத்து பாடல்கள் பற்றி சொல்ல சொன்னேன். ஊத்தங்குடி வெங்கடசுப்பு ஐயர் பாடல்களையெல்லாம் அவர் கூறினார். அது குத்து பாடலாக அவர் மனதில் பதிந்துள்ளது.

கிளாசிக் பாடல் வரிகளை மாற்றியமைத்தேன்

நான் உடனடியாக பாபநாசம் சிவன் பாடல்களை ரெபரன்சாக எடுத்து எழுதினேன். உடனடியாக அதை ரெடி பண்ணி கம்போஸ் செய்தோம். இயக்குநர் நினைத்து போல் பாடல் வந்தது.

பாபநாசம் சிவன் பாடல் வரி மன்மத லீலையை வென்றார் உண்டோ என்று இருப்பதை தூக்கிவிட்ட மன்மத ராசா என்று மாற்றினேன். இதை பற்றி இயக்குநரிடம் நான் சொல்லவே இல்லை. பாடல் சிறப்பாக இருப்பதாக அவர் பாராட்டி தள்ளினார். பாடலும் பட்டி தொட்டி எங்கும் ஒலித்தது." என்றார்.

மன்மத லீலையை வென்றார் உண்டோ என்கிற பாடல் தியாகராஜர் பாகவதர் நடிப்பில் வெளியான ஹரிதாஸ் என்ற படத்தில் இடம்பிடித்திருக்கும். இந்த பாடல் வரிகளை பாபநாசம் சிவன் எழுதி, இசையமைக்க தியாகராஜ பாகவதர் பாடியிருப்பார். பாகவதர் பெயரை சொன்னாலே நினைவுக்கு வரும் பாடலாக இந்த மன்மத லீலை பாடல் அமைந்துள்ளது.

அதேபோல், அப்போது வளர்ந்து வரும் ஹீரோவாக இருந்த தனுஷுக்கு அடையாளமாக மன்மத ராசா பாடல் இருந்தது.

யுகபாரதி - தனுஷ்

மன்மதராசா பாடலின் வெற்றிக்கு பின்னர் சுள்ளான் படத்தில் கவிதை இரவு, பொல்லாதவன் படத்தில் நான் அலிபாபா தங்கம், ஆடுகளம் படத்தில் வாழ்க்கை ஒரு போரக்களம், தொடரி படத்தில் அனைத்து பாடல்களும் எழுதியிருந்தார்.

இதைத்தொடர்ந்து வெற்றிமாறன் - தனுஷ் கூட்டணி உருவான அசுரன் படத்தில் எள்ளுவயல் பூக்களயே, பொல்லாத பூமி, கன்னழகு ரத்தினமே, மாரி செல்வராஜ் இயக்கிய கர்ணன் படத்தில் ஏ ஆளு மஞ்சநத்தி, தட்டான் தட்டான், நானே வருவேன் படத்தில் பிஞ்சு பிஞ்சு மழை, வாத்தி படத்தில் கலங்குதே, நாடோடி மன்னன், சூரிய பார்வைகளே போன்ற பல பாடல்கள் தனுஷ் படங்களில் எழுதியுள்ளார்.

யுகபாரதி பாடல்வரிகளில் தனுஷ் படத்தில் இடம்பிடித்திருக்கும் பெரும்பாலான பாடல்கள் சூப்பர் ஹிட்டாகவே அமைந்துள்ளன.

சமூக வலைத்தளங்களில் எங்களை பின் தொடரலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews

Facebook" https://www.facebook.com/HTTamilNews

You Tube: https://www.youtube.com/@httamil

Google News: https://tamil.hindustantimes.com/