கட்டிபுட்ரா கட்டளையிட்ட விஜய்! வீடியோ போட்டு நெகிழ்ந்த சிவகார்த்திகேயன்!
சிவகார்த்திகேயனுடன் எடுக்கப்பட்ட காட்சிகளின் சூட்டிங் காட்சிகளும் இடம் பெற்றிருந்தன. இதில் விஜய் சிவகார்த்திகேயனை கட்டிபிடிக்கும் ஒரு வீடியோ இருந்தது அதனை சிவகார்த்திகேயன் தனது டிவிட்டர் பக்கத்தில் பகிர்ந்து நெகிழ்ச்சி அடைந்துள்ளார்.
நடிகர் விஜய் நடித்து, இயக்குநர் வெங்கட் பிரபு இயக்கிய கோட் திரைப்படம் கடந்த செப்டம்பர் மாதம் வெளியாகி இன்று வரை நன்றாக ஓடி வருகிறது. கலவையான விமர்சனங்களை பெற்ற போதிலும் வசூல் ரீதியாக படம் பிளாக் பஸ்டர் ஆகி உள்ளது. இந்நிலையில் இப்படத்தின் சூட்டிங் காட்சிகள் நேற்று யுட்யூப்பில் வெளியானது. இந்த வீடியோவை பல ரசிகர் பார்த்து வருகின்றனர். இதில் சிவகார்த்திகேயனுடன் எடுக்கப்பட்ட காட்சிகளின் சூட்டிங் காட்சிகளும் இடம் பெற்றிருந்தன. இதில் விஜய் சிவகார்த்திகேயனை கட்டிபிடிக்கும் ஒரு வீடியோ இருந்தது அதனை சிவகார்த்திகேயன் தனது டிவிட்டர் பக்கத்தில் பகிர்ந்து நெகிழ்ச்சி அடைந்துள்ளார்.
500 கோடியை கடந்த தி கோட்
நடிகர் விஜய் நடிப்பில், இயக்குநர் வெங்கட் பிரபு இயக்கத்தில் கடந்த செப்டம்பர் 5 ம் தேதி வெளியான திரைப்படம் ‘தி கோட்’. இந்தத்திரைப்படம் கலவையான விமர்சனங்களை பெற்ற போதினும், பெரும்பான்மையான மக்களுக்கு படம் பிடித்த காரணத்தால், திரைப்படம் நல்ல வசூலை ஈட்டியது. அதன் படி ‘கோட்’ திரைப்படம் உலகளவில் 450 கோடிக்கும் மேலும், இந்தியாவில் 250 கோடிக்கும் மேலும், வசூல் செய்திருப்பதாக தகவல்கள் கூறுகின்றன.
நெகிழ்ச்சியில் சிவகார்த்திகேயன்
இந்தப்படத்தில் நடிகர் சிவகார்த்திகேயன் சிறப்பு தோற்றத்தில் நடித்திருந்தார். குறிப்பாக அவர் வரும் காட்சியில், விஜய் தன்னுடைய துப்பாக்கியை கொடுத்து, மக்களை பத்திரமாக பார்த்துக்கொள்ளுங்கள் என்று சொல்ல, அதற்கு சிவகார்த்திகேயன் நீங்கள் ஏதோ முக்கியமான வேலைக்குச் செல்கிறீர்கள் என்று நினைக்கிறேன். அதனால், இவர்களை நான் பார்த்துக்கொள்கிறேன் என்று கூறுவார்.
இது வெளியே விஜய் தனக்கு அடுத்தபடியாக தன்னுடைய இடத்தில் சிவகார்த்திகேயன் இருப்பார் என்பதை மறைமுகமாக கூறுவது போல அமைந்திருந்தது. இந்த திரைத்துறையில் பேசு பொருளாகவும் மாறியது. இந்த நிலையில் கோட் படப்பிடிப்பின் போது, விஜயும் சிவகார்த்திகேயனும் சந்தித்துக்கொண்டது தொடர்பான காட்சிகளை படக்குழு வெளியிட்டு இருக்கிறது. அதில், நடிகர் விஜய் சிவகார்த்திகேயனுக்கு வாட்சை பரிசாக கொடுக்கிறார்.
இந்த காட்சிகள் தொடர்பான சூட்டிங்கின் போது எடுக்கப்பட்ட வீடியோகக்கள் வெளியாகி, மில்லியன் கணக்கில் பார்வையாளர்களை கடந்து வருக்கிறது. இந்நிலையில் விஜய் தன்னை கட்டிப்பிடிக்கும் ஒரு ஷார்ட் வீடியோவை தனது டிவிட்டரில் சிவகார்த்திகேயன் பகிர்ந்துள்ளார். அதில் விஜயே தன்னை கட்டிப்பிடிக்க முயன்ற போது, பிகில் படத்தில் ராயப்பன் கதாபாத்திரம் கூறும் ‘கட்டிப்புட்ரா’ என்ற வசனத்தை நினைவு கூறியதாக குறிப்பிட்டு இருந்தார்.
அமரன்
சிவகார்த்திக்கேயன் நடிப்பில் உருவான அமரன் திரைபடம் வரும் தீபாவளிக்கு வெளியாக உள்ளது. இப்படத்தில் சாய்பல்லவி நடித்துள்ளார். இப்படமானது முன்னாள் இராணுவ வீரர் மேஜர் முகுந்தனின் வாழ்க்கையை கூறுகிறது. இப்படத்தின் டிரைலர் வெளியாகி மக்களிடத்தில் வரவேற்பை பெற்றுள்ளது. இப்படத்துடன் ஜெயம் ரவியின் பிரதர்ஸ், ரஜினி நடிப்பில் வேட்டையான ஆகிய படங்கள் தீபாவளி அன்று வெளியாக உள்ளது. இந்த மூன்று படங்களும் வெவ்வேறான கதைக் களத்துடன் வெளியாக உள்ளது.
டாபிக்ஸ்