Sivakarthikeyan: ஹேட்டர்களுக்கு இது தான் என் பதில்..நெத்தி பொட்டில் அடித்தது பேசிய சிவகார்த்திகேயன்

இவரிடம் 2018 ஆம் ஆண்டு ‘இன்று நேற்று நாளை’ படத்தின் இயக்குநர் ரவிக்குமார் கதை சொல்லி, அயலான் படம் ஆரம்பம் ஆனது. சயின்ஸ் பிக்சன் ஜானரில் உருவாகி இருக்கும் இந்த திரைப்படம், கொரோனா ஊரடங்கு மற்றும் கிராஃபிக்ஸ் பணிகள் காரணமாக பல வருடங்களாக போஸ்ட் புரொடக்‌ஷனிலேயே இருந்தது.

இப்படத்தில், சுமார் 4500க்கும் மேற்பட்ட கிராஃபிக்ஸ் காட்சிகளைக் கொண்டு காட்சிகள் உருவாக்கப்பட்டிருப்பதாக சொல்லப்படுகிறது. இப்படத்தை 24 ஏ.எம்.ஸ்டுடியோஸ் மற்றும் கேஜேஆர் ஸ்டுடியோஸ் தயாரிக்க, ஏ.ஆர். ரஹ்மான் இசையமைத்துள்ளார்.

முக்கிய கதாபாத்திரங்களில் சிவகார்த்திகேயனுடன் சேர்ந்து, ரகுல் ப்ரீத் சிங், இஷா கோப்பிகர், ஷரத் கேல்கர், யோகி பாபு, கருணாகரன் ஆகியோர் நடித்து உள்ளனர்.

இதனிடையே அயலான் படத்தின் இசை வெளியீட்டு மற்றும் ப்ரீ ரிலீஸ் விழா ஈசென்ட் நேற்று ( டிச.27) சென்னையில் நடைபெற்றது. இதில் படக்குழுவினர் அனைவரும் கலந்து கொண்டனர்.

அப்போது பேசிய சிவகார்த்திகேயன், “ பொங்கலுக்கு எத்தனை படங்கள் வந்தாலும் அந்த படங்கள் அடித்து துவம்சம் பண்ணட்டும். என்னை சிலர் சூப்பர் என்று சொல்வாங்க, சில பேரு இன்ஸ்பிரேஷன் என்று சொல்லுவாங்க.

சில பேரு திட்டுவாங்க. ஆனால் நான் இதை எல்லாம் எடுத்துக்குறதே இல்லை. என் ஹேட்டர்ஸை நான் ஒன்னுமே சொல்ல விரும்பல, என்னை பிடித்தவர்களுக்காக நான் ஓடிக் கொண்டு தான் இருப்பேன்” என சுருக்கமாக பேசி முடித்து உள்ளார்.

இசையமைப்பாளர் டி. இமான் முதல் மனைவியை விவாகரத்து செய்து விட்டு இரண்டாம் மனைவியை திருமணம் செய்து கொண்டு வாழ்ந்து வருகிறார்.

இப்படி இருக்கும் சூழலில் தன் முதல் மனைவியை விவாகரத்து செய்ய காரணமே சிவகார்த்திகேயன் தான் என புது சர்ச்சை வெடித்தது. அது மிகப்பெரிய பஞ்சாயத்தாக மாறி இருக்கிறது. சிவகார்த்திகேயன் எனக்கு துரோகம் செய்துவிட்டார் என டி. இமான் பேசியதே இதற்கு காரணமாக அமைந்தது.

சிவகார்த்திகேயன் இது தொடர்பாக எந்த ஒரு கருத்தையும் சொல்லாமல் இருந்தார். அயலான் படத்தின் இசை வெளியீட்டு விழாவில் இதை பற்றி சிவகார்த்திகேயன் பேசுவார் என எதிர்பார்க்கப்பட்ட நிலையில் மறைமுகமாக ஹேட்டர்களுக்கு இவ்வாறு பதிலடி கொடுத்து இருக்கிறார்.

2024 பொங்கல் வெளியீடாக லால் சலாம், சிவகார்த்திகேயனின், அயலான், தனுஷின் கேப்டன் மில்லர், சுந்தர்.சியின், அரண்மனை 4 ஆகிய படங்கள் திரைக்கு வரும் என எதிர்பார்க்கப்பட்டது.

ஆனால் தற்போது பொங்கல் ரேஸிலிருந்து லால் சலாம் படமும் அரண்மனை 4 படமும் பின் வாங்குவதாக தகவல்கள் வெளியாகி உள்ளது.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

https://www.whatsapp.com/channel/0029Va9NEUA7IUYU4eBTc81v