50 Years of Gauravam: "நீயும் நானுமா கண்ணா நீயும் நானுமா?"டபுள் ஆக்டிங்கில் ஒன் மேன் ஷோ காட்டிய சிவாஜி கணேசன்
சிவாஜி கணேசன் இரட்டை வேடங்களில் எத்தனையோ படங்களில் நடித்திருந்தாலும், பட்டென பலரும் நினைவுக்கு வரும் படமாக கெளரவம் இருக்கும். இதற்கு காரணமாக படத்தில் தோன்றிய இரண்டு வேடங்களிலும் தனது ராட்சச தனமான நடிப்பால் அவர் முத்திரை பதித்திருப்பார்.
என்னதான் கதை, திரைக்கதை சிறப்பாக அமைந்திருந்தாலும் அதில் தனது தனித்துவமான நடிப்பை வெளிப்படுத்தி கவனத்தை ஈரப்பதில் வல்லவர் நடிகர் திலகம் சிவாஜி கணேசன். அந்த வகையில் இரட்டை வேடத்தில் வழக்கறிஞராக தோன்றி நடிப்பில் ஒன் மேன் ஷோ காட்டிய நடிப்புக்காகவே பாராட்டுகளை பெற்ற படம் தான் கெளரவம்.
இந்த படத்தை வியட்நாம் வீடு சுந்தரம் இயக்கியிருப்பார். இதுதான் இவருக்கு அறிமுக படம். சிவாஜி கணேசன் இந்தப் படத்தில் அப்பா, மகன் என இரட்டை வேடத்தில் நடித்திருப்பார். ஒரே வழக்குக்காக இவர்கள் இருவரும் வாதாட இறுதியில் ஜெயித்தது யார் என்பதுதான் படத்தின் கதை.
மிகவும் குறைவான கதாபாத்திரங்கள் கொண்டதால் படத்தின் முழு கதையையும் சிவாஜி கணேசன் தனது நடிப்பால் தூக்கி நிறுத்தினார். உஷா நந்தினி, பண்டரி பாய், மேஜர் சுந்தரராஜன், நாகேஷ், செந்தாமரை, ஓய்ஜி மகேந்திரன் உள்பட பலரும் படத்தில் நடித்திருப்பார்கள்.
தந்தையாக மீசை இல்லாமல் கையில் பைப் சீக்ரெட் பிடித்தபடியும், லேசான மீசையுடன் மிகவும் பணிவான கேரக்டரில் மகனாகவும் தோன்றியிருப்பார் சிவாஜி கணேசன். பொதுவாகவே ஒரு கதாபாத்திரத்துக்கு எதிர்வினை ஆற்றும் விதமாக இன்னொரு கதாபாத்திரம் இருந்தால் அதில் இருக்கும் போட்டியும், சுவாரஸ்யமும் இயல்பாகவே ரசிகர்களை கவர வைக்கும்.
அந்த வகையில் எதிர் எதிர் திசையில் பயணிக்கும் விதமாக தந்தை - மகன் கதாபாத்திரத்தில் கெத்து, பணிவு இரு கோணங்களிலும் நடிப்பில் பின்ன பெடலெடுத்திருப்பார் சிவாஜி கணேசன். இவர் தனது எல்லா படங்களிலும் நடிப்பில் முத்திரை பதித்தாலும், கெளரவம் படத்தில் வரும் பேரிஸ்டர் ரஜினிகாந்த் என்கிற மூத்த வழக்கறிஞர் பாத்திரத்தில் ஸ்டைலான மேனரிசம், டயலாக் டெலிவரி, கோபம், பாசம் என அத்துனை உணர்ச்சிகளையும் அசால்டாக வெளிப்படுத்தியிருப்பார். இந்தப் படத்துக்கு சிறந்த நடிகர் பிலிம்பேர் விருதும் வென்றார் சிவாஜி கணேசன்
கண்ணதாசன் பாடல் வரிகளுக்கு எம்எஸ் விஸ்வநாதன் இசையமைக்க நீயும் நானுமா, பாலூட்டி வளர்த்த கிளி அதிசய உலகம், யாமுனா நதி போன்ற பாடல்கள் சூப்பர் ஹிட்டானதுடன் சிறந்த கிளாசிக் பாடல்களாக இப்போதும் ஒலித்துக்கொண்டிருக்கிறது.
தீபாவளி வெளியீடாக 1973ஆம் ஆண்டு வெளியான கெளரவம், சிவாஜி கணேசனின் சூப்பர் ஹிட் படங்களில் ஒன்றாக மாறியுதுடன் பாக்ஸ் ஆபிஸ் வசூலிலும் பட்டையை கிளப்பியது. சிவாஜியின் நடிப்புக்கு சான்றாக அவரது ரசிகர்களையும் கடந்த பலரது மனங்களில் நிற்கும் படமாக இருந்து வரும் கல்ட் கிளாசிக் அந்தஸ்தை பெற்ற கெளரவம் வெளியாகி இன்றுடன் 50 ஆண்டுகள் ஆகிறது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்