இத்தனை வருஷமா மறைச்ச உண்மை.. டக்குன்னு போட்டு உடைச்சுட்டீங்களே.. சோசியல் மீடியாவில் வைரலாகும் பாடகி..

ஆம்னிடிரிக்ஸ்

பின் அவர்கள் கையில் ஏலியன்கள் உருவத்தில் மனிதனை மாற்றும் ஆம்னிடிரிக்ஸ் எனும் கைக்கடிகாரம் கிடைக்கிறது. அது அவர்களை என்ன செய்யும், அதை அவர்கள் எப்படி கையாளுகிறார்கள். கடிகாரத்தில் இருந்து வெளிவரும் சக்தி கொஞ்ச நேரம் தான் தாக்குப்பிடிக்கும் என்பதால் அதற்குள்ளாக பென் என்னென்ன செய்கிறார் என்பதை குழந்தைகள் விரும்பும் தொடராக அளித்திருப்பர்.

பெரியவர்களையும் ஈர்த்த தொடர்

இந்தக் கதை பெரியவர்கள் மத்தியிலும் சில தாக்கதத்தை ஏற்படுத்தியதால், அந்தத் தொடரின் மவுசு இன்னும் அதிகரித்தது. தமிழ்நாட்டில் பென்10 வாட்ச், பென் 10 புக், பென் 10 சட்டை, பென் 10 போன் என பென் 10 தொடர் சார்ந்த பல பொருட்கள் விற்பனைக்கும் வந்து மக்களை ஈர்த்தது.

அடுத்தடுத்த வெர்ஷன்

அதுமட்டுமின்றி பென் 10 தொடருக்கான வரவேற்பைக் கண்ட கார்ட்டூன் நெட்வொர்க் சேனல், பென் 10 கிளாசிக், பென் 10 அல்டிமேட் ஏலியன், பென் 10 ஏலியன் ஃபோர்ஸ் என புதுப்புது தொடராகவும், பென் 10 வயதில் மாற்றத்தை கொண்டுவந்து அனைத்து தரப்பினருக்கான கார்ட்டூனாகவும் நிகழ்ச்சிகளைத் தயாரித்து மக்கள் மத்தியில் வரவேற்பை பெற்றது.

சின்மயி தந்த ஷாக்

இந்த நிலையில், பென் 10 தொடரின் டைட்டில் பாடலைப் பாடியவர் நான் தான் எனக்கூறி அதிர்ச்சியை ஏற்படுத்தியுள்ளார் பாடகி சின்மயி. இவர் தமிழ் மற்றும் தெலுங்கு மொழியில் இந்தப் பாடலை பாடியதாகவும் கூறியதுடன் அதனை அப்படியே பாடிக்காட்டி 90'ஸ் கிட்களின் பழைய நினைவுகளை தூண்டிவிட்டுள்ளார்.

மீண்டும் ட்ரெண்டாகும் பாடல்

இதையடுத்து, தான் சிறுவயதில் விரும்பி கேட்ட இந்தப் பாடலை மீண்டும் முனுமுனுக்கத் தொடங்கியுள்ளனர். அதுமட்டுமல்லாமல், சின்மயியை புகழ்ந்து தள்ளியும் வருகின்றனர்.

தமிழ் சினிமாவில் ஏற்பட்ட சில சம்பவங்களால், அவர் தொடர் பிரச்சனைகளிலும் சர்ச்சைகளிலும் சிக்கி வந்துகொண்டிருக்கும் நிலையில் தான் இந்த வீடியோவை வெளியிட்டு மக்களை சிலாகிக்க வைத்துள்ளார்.

சினிமா உலகில் நடக்கும் பாலியல் அத்துமீறல்கள் குறித்து தொடர்ந்து குரலெழுப்பி வரும் பாடகி சின்மயி, பாடலாசிரியர் வைரமுத்துவுக்கு எதிராக பாலியல் குற்றச்சாட்டுகளை வைத்து தமிழ் திரையுலகில் அதிர்ச்சியை ஏற்படுத்தினார். பின் சினிமாவில் நடக்கும் பிரச்சனைகளை அடுத்தடுத்து பேசியதன் விளைவாக சில சிக்கல்களையும் சந்தித்திருந்தார். இந்நிலையில், இவரது பென் 10 பாடல் வீடியோ ரசிகர்களை குஷிப்படுத்தியுள்ளது.