Singapenne Serial: அழகன் இல்லையா.. காதலை தியாகம் செய்யும் அன்பு - அப்போ ஆனந்தி காதலுக்கு என்ன நிலைமை?
Singappenne Serial: ஆனந்தி, " அழகன் யார் அவனை இன்றாவது நான் பார்க்கலாமா? " என்று கேட்டார். இதனால் கடுப்பான அன்பு, " இனிமேல் அழகன் வரமாட்டான். அவன் செத்துப் போய் விட்டான் " என்றார்.
Singappenne Serial: சிங்கப்பெண்ணே சீரியலில் இருந்து இன்று ( அக். 25 ) வெளியான புரோமோவில், அதில், தங்களது சொந்த நிலத்தை மீட்க உதவிய அன்புவை பற்றி ஆனந்தி மிகவும் உயர்வாக தன்னுடன் வேலை பார்க்கும் ஜெயந்தி மற்றும் முத்துவிடம் சொல்லிக் கொண்டிருக்கிறார். ஆனால் பணத்தை தான் கொடுத்து உதவவில்லை மகேஷ் தான் கொடுத்தார் என்று சொல்ல முடியாமல் குற்ற உணர்ச்சியில் இருக்கிறார் அன்பு.
காதலை புரிந்து கொள்ள வேண்டும் ஆனந்தி
மற்றொரு பக்கம் அன்புவை அழைத்து மகேஷ், " என் காதலை ஆனந்தி புரிந்து கொள்ள வேண்டும் என்றால் அவள் மனதிற்குள் இருக்கும் அழகன் அழிய வேண்டும். அதை உன்னால் மட்டுமே செய்ய முடியும் அன்பு" என்றார்.
உணவு இடைவேளை முடித்த பிறகு அன்பு மற்றும் ஆனந்தி பேசிக் கொண்டிருக்கிறார்கள். அப்போது ஆனந்தி, " அழகன் யார் அவனை இன்றாவது நான் பார்க்கலாமா? " என்று கேட்டார். இதனால் கடுப்பான அன்பு, " இனிமேல் அழகன் வரமாட்டான். அவன் செத்துப் போய் விட்டான் " என்று கோபமாக சொல்லிவிட்டு அந்த இடத்தை விட்டு கிளம்பினார்
இத்தகைய நிகழ்வுகள் இன்றைய ( அக். 25 ) புரோமோவில் இடம் பெற்று இருக்கின்றன. விரிவாக என்ன நடக்கும் என்பதை இன்று இரவு 9 மணிக்கு சன் தொலைக்காட்சியில் பார்த்து தெரிந்து கொள்ளவும்.
நேற்றைய எபிசோட்
சிங்கப்பெண்ணே சீரியலின் நேற்றைய ( அக். 24 ) எபிசோட்டில் ஆனந்தியின் பரம்பரை நிலத்தை மகேஷ் பணம் கொடுத்து, அன்பு மீட்ட நிலையில், ஆனந்தி அடுத்த கட்டமாக அழகனைப் பற்றி அன்பிடம் கேட்கிறாள். காதலையே விட்டுக் கொடுத்த பின், ஆனந்திடம் என்னசொல்வதென்று தெரியாமல் நிற்கிறான் அன்பு.
அன்புவுக்கு திருமண ஏற்பாடு
இதற்கிடையே, அன்புவின் அம்மா நீ சம்மதம் சொன்னாலும் சரி, சொல்லாவிட்டாலும் சரி, உனக்கு திருமணம் நடப்பது நிச்சயம் என்று கறாராக சொல்லுகிறார். இதைக் கேட்ட அன்பு அதிர்ச்சியில் உறைந்து நிற்கிறான். மற்றொரு பக்கம் மகேஷ், ஆனந்தியிடம், பரம்பரை நிலத்தை நீங்கள் பத்திரமாக மீட்டு விட்டீர்களா என்று கேட்க, ஆனந்தி சார் உங்களுக்கு எப்படி தெரியும் என்று மறு கேள்வி கேட்டாள்.
அதற்கு அன்பு எல்லாவற்றையும் என்னிடம் சொல்லிவிட்டான் என்று கூறினான். இதை கேட்ட ஆனந்தி அன்பை முறைத்து பார்க்கிறாள். மேலும் இரவு போனில் பேசும் போது ஆனந்தி, அழகனை பற்றி ஆனந்தியிடம் கேட்டு கொண்டே இருந்தார். ஆனால் என்ன சொல்வது என்று தெரியாமல் அன்பு தயக்கத்தில் இருந்தார்.
பணத்தோடு சென்ற ஆனந்தி
சொக்கலிங்கமும், நிலத்தை அடமானத்திற்கு கொடுத்தவரும் ஒருவழியாக அழகப்பனை பத்திரத்தில் கையெழுத்து போட அழைத்துச் செல்லும் கடைசி நேரத்தில், ஆனந்தியும் அன்பும் பணத்தோடு ஓடி வந்தார்கள். இதைப் பார்த்த அவர்கள் அதிர்ச்சியில் உறைந்து நின்றனர். அதன் பின்னர் பணத்தை கொடுத்து, நிலத்துக்கான பத்திரத்தை அவர்கள் கேட்க, ஊர் தரப்பினரும் பின்னர் என்னப்பா….. ஆனந்தி பணத்தோடு வந்துவிட்டாள். அதனை வாங்கிக் கொண்டு பத்திரத்தை கொடுங்கள் என்றார்கள்.
டாபிக்ஸ்