LEO Updates: ‘லியோ’ ஷூட்டிங் ஓவர்.. நாளை நிர்வாகிகளை சந்திக்கும் நடிகர் விஜய்!
விஜய் நடிப்பில் உருவாகி வரும் ‘லியோ’ படத்தின் படப்பிடிப்பு நிறைவடைந்துள்ளதாக படக்குழு அதிகாரபூர்வமாக தற்போது அறிவித்துள்ளது.
'வாரிசு' வெற்றியைத் தொடர்ந்து லோகேஷ் கனகராஜ் இயக்கத்தில் நடிகர் விஜய் நடித்து வரும் படம் 'லியோ'. விஜய் - லோகேஷ் கூட்டணியின் உருவாகும் இந்தப்படத்தில் த்ரிஷா, கவுதம் வாசுதேவ் மேனன், அர்ஜுன், மிஷ்கின், பிரியா ஆனந்த், மன்சூர் அலிகான், சஞ்சய் தத், சாண்டி, மேத்யுவ் தாமஸ் உட்பட பலர் நடிக்கின்றனர்.
மனோஜ் பரமஹம்சா ஒளிப்பதிவு செய்கிறார். அனிருத் இசை அமைக்கிறார். செவன் ஸ்கிரீன் நிறுவனம் படத்தைத் தயாரிக்கிறது. இந்தப் படத்தின் டிஜிட்டல் உரிமத்தை நெட்ஃப்ளிக்ஸ் நிறுவனமும், சாட்டிலைட் உரிமத்தை சன் டிவியும் பெற்றுள்ளது.
காஷ்மீர், சென்னை உள்பட பல்வேறு பகுதிகளில் படப்பிடிப்பு நடைபெற்று வந்த நிலையில், ஒட்டுமொத்த படப்பிடிப்பும் நிறைவடைந்துள்ளதாக படக்குழு அதிகாரபூர்வமாக இன்று (ஜூலை 10) மாலை அறிவிப்பு வெளியிட்டுள்ளது.
மேலும், தனுஷ் லியோவில் சிறப்பு தோற்றத்தில் தோன்ற உள்ளதாக அதிகாரபூர்வ மற்ற தகவல்கள் பரவி வருகிறது. இது குறித்து படக்குழு இன்னமும் தெளிவுபடுத்தவில்லை. ஏற்கனவே வெளியான படத்தின் ‘நாரெடி தான் வரவா’ பாடல் ரசிகர்களிடையே நல்ல வரவேற்பை பெற்ற நிலையில், தற்போது படப்பிடிப்பு நிறைவடைந்துள்ளதாக தெரிவிக்கப்பட்டிருப்பது விஜய் ரசிகர்களை மகிழ்ச்சியில் ஆழ்த்தி இருக்கிறது. படம் வரும் அக்டோபர் 19 ஆம் தேதி திரையரங்குகளில் வெளியாக உள்ளது.
இது குறித்து டுவிட்டரில் பதிவிட்டுள்ள இயக்குநர் லோகேஷ் கனகராஜ், 'விஜய்யின் காட்சிகள் நிறைவடைந்தன. இந்த இரண்டாவது பயணத்தை மீண்டும் சிறப்பானதாக மாற்றியதற்கு நன்றி' எனத் தெரிவித்துள்ளார்.
விஜய் நடித்துள்ள 67 படங்களில் ‘லியோ’ டைட்டில் மட்டும்தான் ஆங்கிலத்தில் மூன்றெழுத்து டைட்டில் என்பது கூடுதல் சிறப்பாக அமைந்துள்ளது. தமிழில் ஏற்கனவே இரண்டு எழுத்து டைட்டில்களான தெறி, புலி, சுறா, ஆதி, யூத், குஷி, தேவா ஆகிய படங்களுக்கு பின் மீண்டும் ஒரு இரண்டு எழுத்து டைட்டில் இந்த ‘லியோ’ என்பது குறிப்பிடத்தக்கது.
விஜய் மற்றும் லோகேஷ் கனகராஜ் கூட்டணியில் முழுக்க முழுக்க ஆக்சன் பாணியில் இந்தப் படம் உருவாவதால் படத்தின் மீதான எதிர்பார்ப்பு அதிகரித்துள்ளது. இதனிடையே, விஜய்யின் அரசியல் எண்ட்ரி குறித்த எதிர்பார்ப்பு எகிறியுள்ள நிலையில், லியோ படப்பிடிப்பு நிறைவடைந்த கையோடு நாளை விஜய் மக்கள் இயக்க நிர்வாகிகளுடன் ஆலோசனை நடத்த உள்ளார். நாளை காலை 9 மணியளவில் பனையூரில் உள்ள அலுவலகத்தில் தனது மக்கள் இயக்க நிர்வாகிகளை அவர் சந்தித்து ஆலோசனை நடத்த உள்ளார்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
டாபிக்ஸ்